Levitikọs 26:36 - Edo Bible (E Baibol Ẹdo) Version 1996

³⁶ “I gha runran uwa ni rre imu vbe ẹvbo ẹrrẹe sẹrriọ wẹ, owogho ebe ne ẹhoho mu khian ghi si ulẹ ye uwa egbe. Wa ghi rhulẹ zẹ vbene a miẹn wẹ odaro okuo ọre a na khu uwa khian, wa ghi vbe dele vbe eghian ma sikẹ uwa.

Levitikọs 26:36 ပူးပေါင်းရင်းမြစ်များ

Gẹnẹsis 35:5

Ugbẹn vbe Jekọb kevbe ivbi ẹre ghi suẹn gha kpao, ohan nọkhua kegha mu emwa ni rre ẹvbo ni lẹga evba, iran ma khu iran.

Gẹnẹsis 4:12

U gha mu ugbo, u na kọ emwi yọ, otọe, ẹi gha ma ẹnrẹn. Ehevbehevbe ke enọkpolugho ọre u gha khian vbe agbọn.”

II Krọnikol 14:14

Iran keghi sẹtin dunmwu ẹvbo eso ua vbe odẹ ne ọ laghe Gera, rhunmwuda, ohan e Nọyaẹnmwa mu emwa ni rre evba. Ivbiyokuo keghi khọn la avbe ẹvbo ni hia, iran na fu emwi ni bun ẹsẹse viọ.

Job 13:25

Te u ho ne u runran mwẹ ra? Mẹ ma vba ebe ne ọ kakae, irunmwu ne ọ kakaa nẹ ọ re uwẹ gu khọn.

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Psalm 53:6

Erhunmwu mwẹ ọrọre wẹ, ne akhọnmiotọ la Zaiọn sẹ Izrẹl obọ, u miẹn vbe ivbi Izrẹl gha ghọghọ hẹ ẹghẹ nii, vbe Osanobua a gie agbọn dọlegbe ma iran!

Psalm 89:43

U ya emwi igbinna rẹn khian ne ẹ i mwẹ asa; u keghi gie obọ vba ẹre vbe okuo.

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Aizaia 30:17

Arriaisẹn vbe uwu uwa gha lẹ vbe iran a bẹghe ovbiyokuo avbe eghian ọkpa. Ivbiyokuo isẹn sẹe ne ogha ya uwa hia lẹ kua. Ọkpa ne ọ gha kẹe vbe uwu avbe ivbiyokuo uwa i rrọ gberra ukperhan ọkpa ne a ya tan afiala vbe uhunmwu oke.

Aizaia 7:2

Ọba e Juda ghi họn wẹ okuo e Siria sẹẹ otọe e Juda nẹ, ohan mu irẹn kevbe emwa rẹn sẹrriọ wẹ iran ke gha mian gbẹghẹgbẹghẹ zẹ vbe avbe erhan ne ẹhoho hoho.

Aizaia 7:4

Kha ma rẹn wẹ ne ọ sikhua, wẹ ne ọ gie ekhọe ẹre sotọ wẹ ne ọ ghẹ hawa, ọ ghẹ gie ohan mu ẹẹn. Ohu ne ọ mu e Rezin ne Ọba kẹe kevbe ivbi e Siria ne emwa rẹn na kevbe Ọba Pẹka ọ ma zẹdẹ zẹ ẹbe sẹẹ ighogho ne ọ ke ivbi erhan eva ni gbe muẹnmuẹn rre.

Jerimaia 37:10

Gia kha i ghẹ te uwa gele sẹtin khọn ne obọ uwa ke ukhunmwu ne ivbiyokuo e Babilọn sẹrriọ wẹ iran ne a kuanrẹn okpa ọ re ọ ghi kẹe ye uwu owa ukpọn iran ne iran lovbiẹ yi, te iran na ye kpaegbe, iran ghi giẹn ẹvbo na muotọ.”

Jerimaia 46:16

Ivbiyokuo uwa hia rrua owẹ, iran dele edọmwadẹ ọghọe gha tama ogieva ẹre wẹẹ, ‘Ẹgiẹgiẹ! Gie ima bu emwa ima gha rrie owa ne a lẹfe vbe obọ umozo avbe eghian.’

Eve Orriara 1:3

Eviẹn ne egbe fu nẹ, ọ re ivbi e Juda khin emwa ne a silo kua hin ẹvbo iran rre. Ẹvbo ẹrrẹe ọ re iran ghi ye vbene ihọkpa ne iran gha tie ẹre ọghe iran eghian ghae ga ẹre vbe ehe ne ọ gha la lẹfua, i ghi na rrọọ.

Eve Orriara 1:6

Ose Jerusalẹm khian ne a ghi ya kpitan. Te avbe ọkaolotu ẹre ghi yevbe avbe ẹrhuẹ ne ohanmwẹ ya khian ne mitanmitan. Ni yevbe ni ra sahẹ ye ulẹ ne ọ lẹ ne avbe ohuẹ.

Eve Orriara 4:19

Iran vin zẹ mwa khu okhian kẹ iran sẹẹ oghohọn ne ọ ke iso rre. Iran zọọ owẹ mwa ya sẹ uhunmwu oke; obọ iran vba mwa vbe a ma ro a ma kọ vbe ato.

Ezikiẹl 21:12

Ovbi ọmwa, kpe orhu eve orriara, emwa mwẹ ọ re a rhie umozo na bu dee, deba avbe ọkaolotu Izrẹl hia. Te a ra gbele iran an, deba avbe emwa nekpa. Ye obọ akhiẹ gbe ẹwẹe!

Ezikiẹl 21:15

Ọ gie ẹtin wa fo avbe emwa mwẹ iran ghi vbe gha rrua owẹ. I gha ye umozo ne ọ fi wain vbe ayan, yan gie ẹvbo nii, umozo ne ọ vbe mu egbe ne ọ ya gbe emwi.

Ezikiẹl 21:7

Iran gha nọ ruẹn emwi ne ọ zẹ ne u na rriakọn, u ghi tama iran wẹ rhunmwuda iyẹn ne ọ he dee nọ. Ẹghẹ ne iyẹn nii gha ya sẹ obọ, ohan gha mu iran hia ẹsẹse, obọ iran gha wu ginna iran egbe, ẹtin gha fo iran, igbọn iran ghi gha rhie gbe egbe. Nene ẹghẹ wa dee, ọ sẹẹ emwa fo nẹ,” E Nọyaẹnmwa ne Udazi guan nẹ.

Hozia 8:3

iran he emwi ne ọ maa yotọ nẹ. Rhunmwuda emwi na, avbe eghian iran gha zẹ iran khu.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Diuteronomi 1:44

Ẹre emwa Amọri ni rre avbe ẹvbo nii na vẹ rhu uwa vbe owọn, iran keghi zẹ uwa khu, ya sẹ Họma obọ iran na ke odukhunmwu ne uwa vbe evba vbe ẹvbo oke ọghe Idọm.

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.

Jọsua 7:5

Obọ avbe eghian keghi vba arhin ehan yan ọgban vbe uwu iran. Iran keghi khulo ivbi Izrẹl ke onurho ẹvbo nii kpao do sẹ ehe ne a na guọghọ okuta ya bọ owa, iran na gha gbele iran lele odẹ dee vbe ne a ya tuorre vbe oke nii. Ohan keghi suẹn gha mu ivbi Izrẹl ẹtin na fo iran.

I Samuẹl 17:24

Ugbẹn vbe ivbi Izrẹl ghi bẹghe Golaiat, ohan mu iran ẹsẹse, iran keghi lẹkua.