Levitikọs 26:32 - Edo Bible (E Baibol Ẹdo) Version 1996

³² I gha rẹnkhẹn ẹvbo rua sẹrriọ wẹ, ọ gha kpan avbe eghian ni di evba ya udu, vbe iran a miẹn vbene a dunmwu ẹn ruan hẹ.

Levitikọs 26:32 ပူးပေါင်းရင်းမြစ်များ

I Ọba 9:8

Ọgua Osa na ghi do khian otiku ọrhiae, ọ ghi gha yan emwa hia ni la evba gberra unu an, ọ ghi gbe orrirri ku iran, iran ghi kha wẹẹ, ‘Vbọzẹ ne Nọyaẹnmwa na ru otọ na kevbe emwa na vbenian yi?’

Aizaia 24:1

E Nọyaẹnmwa ra duẹ otọ agbọn na an, ọ ghi sẹ ọe rae vbe ihoi. Ọ gha mu ehe ne a ya owẹ rrilo vbe otọe agbọn khiẹn yo khiẹn rre, ọ ghi zagha emwa ni rrọọ kua.

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Aizaia 5:9

I họn ẹn vbe Nọyaẹnmwa ne Oghodua khare wẹẹ, “Avbe owa nekhua ne mose mose na, gha rẹnkhẹn uan.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Aizaia 64:10

Te ẹvbo ruẹ nihuanrẹn hia ghi yevbe ato oha, itowa ne emwa lẹẹ kpao sẹrae, ọ re Jerusalẹm ghi khin,

Jerimaia 12:11

Iran ya ẹe khian otọe ne ọ gbe ẹvbi ọ wa dihoi rua ye odaro mwẹ, otọe ni hia wa khian ato, a ma vbe miẹn ọmwa ne ọ zẹ yọ.

Jerimaia 18:16

Iran ye otọe nii khian ọghe ohan ne a ra gha zan ẹdẹdẹmwẹdẹ emwa ni lae gberra hia gha miẹn emwi ne ọ gha ye izegbe zẹ iran vbọ ọ gha yan iran unu uan, iran ghi gha fieghe uhunmwu.

Jerimaia 19:8

I gha gie egbe ọkhọ vberriọ sunu vbe egbe ẹvbo na wẹ ọmwaikọmwa ne ọ rhirhi la ẹe gberra, orrirri ghi gbe ku ọre, ọ ghi yan ẹre unu uan.

Jerimaia 25:11

A gha ya otọe na hia khian itowa, ọ ghi vbe gha re ughe ne ọ ye egbe ku ọmwa ohiọnhiọn, avbe uhunmwu ẹvbo ni diake ẹe, gha ya ga ọba e Babilọn la ukpo ekigbe siyenẹ.

Jerimaia 25:18

E Jerusalẹm kevbe avbe okpẹvbo e Juda hia, deba avbe ọba kevbe ọkaolotu iran, a ke ghi ya ne iran da vbọ, ne iran hia miẹn ehe na khian ato, ughe dan ne ọ ye egbe ku ọmwa ohiọnhiọn, ne eni iran khian na a ya tie ihẹn ne ọmwa zẹ vbene ọ ye ye do sẹ ẹdẹnẹrẹ na.

Jerimaia 25:38

E Nọyaẹnmwa hee emwa rẹn yotọ nẹ zẹ vbe oduma ne ọ kpao vbe uvun okuta ẹre rre. Orrirri okuo kevbe ohu ọbanabe ọghe Nọyaẹnmwa ya ẹvbo nii, khian ato.”

Jerimaia 33:10

E Nọyaẹnmwa keghi kha wẹẹ, “Emwa ta ẹe khian wẹ, te emwana ye vbe ato, kevbe wẹ emwa nagbọn ra aranmwẹ oha i rrọọ. Ẹmwata ọre iran tae, avbe okpẹvbo ni rre Juda, kevbe idunmwu ni rre Jerusalẹm, ehia divbiẹ, emwa nagbọn i rre evba, aranmwẹ i rrọọ sokpan, wa gha dọlegbe họn.

Jerimaia 44:2

E Nọyaẹnmwa ne Oghodua ne Osanobua Izrẹl wẹẹ, “Aro uwa tobọ uwa sẹ ọyanroua ne I ru e Jerusalẹm re, kevbe avbe okpẹvbo ọvbehe ni rre Juda. ye do sẹ wanwanna, itowa ọ re ehia ye khin, ọmwa rhọkpa i vbe rrọọ.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Eve Orriara 4:12

Orhiọnkpa i vbe rrọọ uhin ya sẹ egbe avbe ogie isi, ne ọ te ro wẹ, okuo rhọkpa gha sẹtin la onurho e Jerusalẹm.

Eve Orriara 5:18

Rhunmwuda Oke Zaiọn khian ne a lẹẹ sẹrae ọ keghi vbe divbiẹ, avbe ekuaghagha oha gha hẹyo hẹrre vbe avbe itowa ni rrọọ.

Ezikiẹl 5:15

“Ohu uwa gha kakabọ mu mwẹ, I na rri uwa oya, avbe ẹvbo ni lẹga uwa gha runran. Iran gha yan aroa gha ghe uwa, iran ghi ya uwa gha gbogiẹ.

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Daniẹl 9:2

Vbe ukpo ne okaro ne ọ rriọba, I kegha tie ebe nọhuanrẹn nii, I keghi vbe gha mu ẹmwẹ ukpo e kigbesiyenẹ ne Jerusalẹm ra wa ya gha re itowa ro, zẹ vbene Nọyaẹnmwa tama e Jerimaia ne akhasẹ.

Habakọk 3:17

A gha rhe miẹn ighẹ avbe erhan ohọ i mwẹ ọmọ, kevbe wẹ alimo ayọn i rre uhunmwu erhan azara, a gha rhe miẹn wẹ oliv ma maa, I ghẹ ugbo ma maa ọka, a gha rhe miẹn wẹ avbe ohuan hia wulo, i ghẹ ẹmila rhọkpa i rre irhu.

Iyẹn ne ọ Maan Ọghe Luk 21:20

“Wa ghẹ ghi miẹn ighẹ ivbiyokuo lẹga Jerusalẹm, wa ghi rẹn ighẹ te a ghi ra dunmwu ẹn ruan.

Diuteronomi 28:37

Ẹmwẹ emwi tie ọ sunu vbe egbe uwa gha kpan emwa ẹvbo ne a zagha uwa kui odin, iran gha ya uwa gbe ogie iran ghi gha ta uwa giẹ.