Levitikọs 26:30 - Edo Bible (E Baibol Ẹdo) Version 1996

³⁰ I gha guọghọ ehe ne uwa na ga vbe uhunmwu oke hia, I ghi dunmwu aka ne uwa na giẹn eturari hia sẹ otọ. I ghi filo ikun orinmwi uwa yan amazẹ uwa ni dele. Vbe uwu ne emwi hia na khan mwẹ.

Levitikọs 26:30 ပူးပေါင်းရင်းမြစ်များ

Gẹnẹsis 19:13

Rhunmwuda ma ra fuẹn emwa na an. E Nọyaẹnmwa họn iyẹn dan ne a na vbekpa iran na, ọ keghi gie ima ne a do fuẹn Sọdom ruan.”

I Ọba 13:2

Zẹ vbene e Nọyaẹnmwa gie, akhasẹ nii keghi ya yan aka nii, ọ wẹẹ: “Aka o, aka, vbenian ọre Nọyaẹnmwa khare: A gha biẹ ọmọ okpia ọkpa nẹ Devid, a ghi gha tie eni ọmọ ni e Josaia. Ọ gha gbele avbe ohẹn ni do gha ga vbe aro ẹbọ enimayayi na, iran ni zọ ese vbe uhunmwu ruẹn, ọ ghi giẹn ugboloko emwa ne agbọn yan ruẹn.”

I Ọba 13:32

Ẹmwẹ ne e Nọyaẹnmwa gie ẹe do guan kan aka ne ọ rre Bẹtẹl kevbe avbe ehe ne a na ga hia vbe ẹvbo e Sameria, ẹ i mwẹ ọ ma sẹ.”

II Ọba 23:16

E Josaia ghi ghe lẹga, ọ na ya deghẹ avbe idin ne a ma ẹẹn eso vbe uhunmwu oke, ọ na wẹ ne iran zọlọ ugboloko ni rrọọ ladian, ọ na giẹn iran vbe Ogiukpo, erriọ ọ na ya Ogiukpo khian ne a ya awua murhia, ọ keghi ru emwi ne akhasẹ ka ta ye otọ nẹ vbe ẹghẹ ne ọ gberra vbe ẹghẹ emwiukpo vbe Jeroboam mudia ye ọkpẹn Ogiukpo, e Josais ne ọba ghi ghe lẹga, ọ keghi ya deghẹ idin akhasẹ ne ọ ta ẹmwẹ na ye otọ.

II Ọba 23:20

Ọ keghi gbele avbe ohẹn ẹbọ yan Ogiukpo ne iran na gho ẹbọ, ọ na giẹn ugboloko vbe dọmwadẹ Ogiukpo, ọ keghi werriegbe gha die Jerusalẹm.

II Ọba 23:8

Ọ keghi viọ avbe ohẹn ni te rre avbe okpẹvbo e Juda hia, kevbe otọe ẹvbo nii hia gha die Jerusalẹm, ọ rhia ehe ne iran na te zọ ese rua. Ọ kevbe guọghọ ẹe rua ighẹ Ogiukpo ne iran te ya ru ọghe orhiọn dan avbe ẹwe, ne ọ rre ọkpẹn onurho ne Jọsua ne nọ khaemwisẹ ẹvbo nii bọ ẹe, ọ na keghi te rre obọ iye ọmwa onurho ẹvbo nii vbe a gha wa la ore ẹvbo.

II Krọnikol 23:17

Iyeke ọnii, iran hia kegha rrie aro e Baal, iran na guoghọọ ọe rua, iran na dunmwu avbe Ogiukpo ni rre evba kevbe avbe amazẹ ua. Iran keghi gbe Matan ne ohẹn e Baal ye odaro avbe Ogiukpo.

II Krọnikol 31:1

Iran ghi ru emwiukpo na nẹ, ivbi Izrẹl hia keghi khian lele ore ẹvbo ni rre Juda hia, iran keghi ya guọghọ orre okuta ni rrọ kua, iran keghi siẹn ama Asiẹrra ne ẹbọ ne okhuo sẹ otọ, iran keghi dunmwu avbe Ogiukpo kevbe aro ẹbọ iran ni ga ẹbọ hia a. Iran keghi vbe ru ẹe vberriọ vbe ehe ni dekẹe vbe Juda, kevbe otọe Bẹnjamin, Ifreim kevbe Manasẹ, iyeke ọnii, iran hia kegha die owa.

Psalm 106:40

Rhunmwuda ọnii Osanobua mu ohu ghe emwa irẹn, ẹmwẹ iran keghi khan irẹn.

Psalm 89:38

Sokpan, ohu ọba ne u hannọ zẹ mu uẹn, u ke he ẹe ye otọ, u kevbe fi iyeke gbe ẹe.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Jerimaia 14:19

E Nọyaẹnmwa, te uwẹ wa he Juda fo fẹẹrẹ ra? Te uwẹ mu ohu emwa ni rre Zaiọn ra? Vbọzẹ ne u na mu ohu ima sẹ vberriọ yi ne a na miẹn wẹ, a i ghi sẹtin mu ima egbe rran? Ma rhie aro ye ọfumwegbe sokpan, emwi ọma rhọkpa ma sunu, ma rhie aro ye amu ọmwa egbe rran, sokpan, emwi ugborrirri ọ re ọ rre.

Jerimaia 16:18

I gha ye iran ha osa ukhukhu eva ye orukhọ kevbe uyinmwẹ dan iran rhunmwuda, iran ya amazẹ ne ẹ i mwẹ arrọọ vbene ikun orinmwi ye, mu awua ye otọe mwẹ, iran keghi vbe ya ẹbọ ohoghe iran vuọn ehe hia.”

Ezikiẹl 16:39

I gha rhie ruẹ ye iran obọ, iran ghi dunmwu ehia ighẹ ehe ne u na gbe igberagia kevbe ne u na gho ẹbọ, iran gha miẹn ruẹn avbe ikpẹrọnmwọ ne u ya te egbe, kevbe avbe ukpọn ruẹn, iran ghi sẹ uẹ rae ye irhunmwuirhun.

Ezikiẹl 43:7

“Ovbi ọmwa, ghe ẹkete mwẹ vbe emwa na. I gha gu ivbi Izrẹl yin emwa na, I ghi vbe gha khaemwisẹ yan iran ẹdẹdẹmwẹdẹ. Ke ivbi Izrẹl kevbe avbe ọba iran, ne ọ gha ye dọlegbe fa eni mwẹ nọ huanrẹn uan, ẹ i ghi rrọọ, ogha re vbekpa ne a na gho ẹbọ ọvbehe nọ, ra vbekpa ne a na re ikun avbe ọba iran sikẹ emwa na nọ, ẹ i ghi dọlegbe sunu.

Ezikiẹl 6:13

A gha zagha avbe ikun orinmwi gba ehe ne avbe ẹbọ ye kevbe lẹga ogiukpo, a gha zagha ẹe lele avbe oke ni yo hia, vbe uhunmwu avbe oke nekhua hia, ototọ erhan ni mwẹ ebe hia, kevbe avbe okan ni kọnkọn, vbe ehe hia ne iran ghi na giẹẹn ese ne ẹbọ iran. Ẹghẹ nii, emwa hia gha rẹn ighe mẹ ọrọre Nọyaẹnmwa.

Hozia 10:2

Emwa ne ekhọe ẹre vuọn ne erẹrẹ, te iran ghi ra rrioya ye orukhọ ne iran ru. Osanobua gha guọghọ Ogiukpo iran an, ọ ghi dunmwu okuta ẹbọ iran an.

Levitikọs 20:23

Wa ghẹ rhie uyinmwẹ emwa nigẹbọ ne I mẹ ra khulo kua ne uwa miẹn ehe na la otọ iran. Te egbe emwi dan ne iran ru wa wọ mwẹ.

Levitikọs 26:11

I gha gu uwa yin vbe uwu Owa Ukpọn mwẹ ne ọ huanrẹn, ẹmwẹ uwa i ra vbe khan mwẹ.

Levitikọs 26:15

A deghẹ wa rhie obọ gberra ile ne I gu uwa ta vbe ekpa avbe uhi mwẹ,

Emọs 6:8

Udazi ne Nọyaẹnmwa ne Oghodua ọ re ọ tua unu mu ẹmwẹ na taa ẹe wẹẹ, “Uhiomwẹ ne ivbi Izrẹl hio wa sọnnọ mwẹ, ẹko i rhiẹnrhiẹn mwẹ ye owa nekhua ọghe ọkpọkua ne iran bọlọe. I gha mu igiogbẹ ẹvbo iran, kevbe emwi ni rre uwu ẹre hia ne avbe eghian.”

Emọs 7:9

A gha fuẹn ọnrẹn uan ighẹ ehe ne ivbi uniẹn Aizik na ru ugamwẹ. A gha ye ehe nọhuanrẹn ọghe Izrẹl khian itowa. I gha ru ẹe ne uniẹn e Jeroboam ne Ọba gbẹro.”

Diuteronomi 32:19

“Ugbẹn vbe Nọyaẹnmwa ghi miẹn ọna, ohu mu ẹẹn, ọ na he ivbi ẹre ne ikpia kevbe ne ikhuo.