Levitikọs 26:26 - Edo Bible (E Baibol Ẹdo) Version 1996

²⁶ I gha gbe odẹ ehe ne a la viọ evbare gie uwa sẹrriọ wẹ aroewu ọkpa gha sẹ ikhuo igbe na le ebrẹd hia ne iran mwẹ, iran ghi ghae ẹre umwọmwẹ, wa gha ghi rri ọe fo nẹ, ohanmwẹ ghi ye gha gbe uwa.

Levitikọs 26:26 ပူးပေါင်းရင်းမြစ်များ

II Ọba 6:25

Ọ ghi ye vbe nian, rhunmwuda ne iran na ghae ga ẹvbo nii, evbare keghi do vbee sẹ vberriọ vbe ore ẹvbo nii wẹ, igho esiliva iyenẹ ọ re a ghi ya gha dẹ uhunmwu ekẹtẹkẹtẹ.

Psalm 105:16

E Nọyaẹnmwa keghi gie ukhunmwu gha rre ẹvbo iran, ọ keghi viọ evbare iran hia kpao.

Aizaia 3:1

Banbanna nian, e Nọyaẹnmwa, e Nọyaẹnmwa ne Oghodua ra do viọ avbe emwi nii kevbe emwa nii ne iran mu ẹtin yan hin e Jerusalẹm kevbe Juda rre. Ọ ra do viọ evbare kevbe amẹ iran hin rre,

Aizaia 5:10

Azara ne a kọ ye awowo otọe isẹn, egalọn ofigbọn isẹn kẹkan ọre a ra gha miẹn vbọ. Ẹgbẹdin emwiokọ enẹ ne a ya kọ, ẹgbẹdin emwiokọ ọkpa kẹkan ọre a gha vbe gha rhọ vbọ.”

Aizaia 9:19

Rhunmwuda ne ohu na mu e Nọyaẹnmwa ne Oghodua, ikhi ne ọ rria emwa re gha to vbe erhẹn vbe otọe nii hia, ọ kevbe gha fuẹn emwi nii hia a, ọ keghi do khian ne dọmwadẹ ọghọe ghi na sinmwi uhunmwu ẹnrẹn.

Aizaia 9:20

Vbe otọe nii hia, evbare ne emwa a rhirhi miẹn ọ re iran gha gua rhie, iran ghi vbe gha rri ọe sokpan, ẹko i vuọn iran. Uhin ighe te iran ra gha gbele ivbi iran re.

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Ezikiẹl 14:13

“Ovbi ọmwa, uhunmwu ẹvbo okpa gha rukhọ ighẹ ọ ma mudia ẹse ghe mwẹ, I gha nien obọ ladian, I ghi guọghọ ehe ne ọ la miẹn evbare kua. I gha gie ukhunmwu, I ghi gbele emwa nagbọn kevbe avbe aranmwẹ ba ẹre.

Ezikiẹl 4:10

A gha rhie uwan nekherhe ọghe ebrẹd erẹnrẹn nuẹn vbe ẹdẹ, u ghi lo ọnii rhinrin ya sẹ ẹdẹ ne ọ lele ẹe.

Ezikiẹl 4:16

Ọ keghi vbe rhie te ẹe wẹẹ, “Ovbi ọmwa, I ra dobọ ebrẹd ne a viọ la e Jerusalẹm yi. Egbe i ra rọkhọ emwa ni rre evba nii, ekhọe iran i ra vbe sotọ vbe iran a gha fẹko mwa evbare ne iran gha re kevbe amẹ ne iran gha wọn.

Ezikiẹl 4:17

Ebrẹd kevbe amẹ gha fo vbe obọ iran, egbe ghi wọ iran hia yotọ, iran ghi gha rri ororo, rhunmwuda orukhọ iran.”

Ezikiẹl 5:16

I gha dobọ evbare ne ọ rrie ehe ne uwa ye yi ne ohanmwẹ miẹn ehe na gbe uwa. Wa gha miẹn obalọ ohanmwẹ nii zẹ vbe ọghe ifẹnmwẹ ni mu ne a ya salọ uwa, ne ọ gbele uwa a.

Hozia 4:10

Wa gha rri oghae ne ọ kan uwa vbe emwi ne a ya zọ ese, ohanmwẹ ghi ye gha gbe uwa. Wa gha ga avbe ẹbọ ni rhie ọmọ rre, sevba wa i ra ye miẹn ọmọ biẹ, rhunmwuda, wa fi iyeke gbe mwẹ, wa keghi ya gha gho ẹbọ ọvbehe.”

Levitikọs 26:27

A deghẹ ena hia yevbe sunu, wa na ya aro họhọ mwẹ uan, ighẹ wa ma họn ẹmwẹ mwẹ.

Maika 6:14

Wa gha rri evbare sokpan ẹko i ra vuọn uwa, vbe ẹmwata, ohanmwẹ ghi ye gha gbe uwa. Wa gha viọ emwi gha rrie, sokpan wa i ra gua dọlọ ẹe yi. Avbe emwi ne uwa gua ra dọlọ yi, I gha ye okuo fuẹn ehia a.

Hagai 1:6

Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.