Levitikọs 26:25 - Edo Bible (E Baibol Ẹdo) Version 1996

²⁵ I ghi si okuo yi uwa egbe ne I ya rri uwa oya ye ne uwa na rhie obọ gberra ile ne ima gba ta, wa na ya si egbe koko ye ẹvbo uwa ne obọ ghẹ vba uwa, I ghi gie emianmwẹ nẹ i mwẹ ukhunmwu gie uwa, ẹ i re aro sẹẹnrẹn wa gha ya de ye igue vbe odaro avbe eghian uwa.

Levitikọs 26:25 ပူးပေါင်းရင်းမြစ်များ

II Samuẹl 24:15

Ẹre Nọyaẹnmwa na fi egboghogbogho fi Izrẹl ke owiẹ ya sẹ ẹghẹ ne ọ rhie yọ, ke obọkpa vbe ẹvbo nii ya sẹ obọ nọkpa, ivbi Izrẹl ni wulo kegha re arriaisẹn ekigbe siyenẹ (70,000).

I Ọba 8:33

“A deghẹ eghian ghi khọn emwa ruẹn Izrẹl miotọ rhunmwuda ne iran na rukhọ ghe ruẹ iran na werriegbe bu ruẹ gha dee ne iran do rho ruẹ kevbe ne iran vbe na erhunmwu ghe ruẹ vbe Ọgua Osa na, wẹ ne a yabọ iran,

I Ọba 8:37

“A deghẹ ukhunmwu ghi fi vbe otọe nii, ra te okpemianmwẹ ghi rrọọ, ra te okpe ẹhoho ghi dunmwu emwiokọ rua, ra deghẹ te eghian iran ghi zagha avbe emwa ruẹn kua, ra deghẹ te emianmwẹ ra ohuẹhuẹ la uwu iran,

II Ọba 17:3

E Siamanẹsẹ ne ọba Asiria keghi mu okuo gie ẹe. E Hosia keghi de iguẹ ne Siamanẹsẹ, ọ na gha ha igho uhunmwu gie ẹe ukpukpo.

II Krọnikol 24:24

Ivbiyokuo e Siria ma gha bun hiehie, sokpan, e Nọyaẹnmwa keghi gie iran khọn miotọ vbe uhunmwu ivbiyokuo ọkhọngborrie ọghe Juda, rhunmwuda ne iran na fi iyeke gbe irẹn ne Nọyaẹnmwa ne Osanobua avbe erha iran odede. Odẹ vberriọ ọ re ọ ya rri e Joas ne ọba oya.

Psalm 94:1

Nọyaẹnmwa, Osanobua ne ọ rri ọmwa oya ye ọkhọ ọ re uwẹ khin; rhie izohu ruẹ maa!

Ẹksọdọs 5:3

E Mosis kevbe Errọn keghi wanniẹn wẹẹ, “Osanobua avbe emwa Hibru do miẹn ima. Lahọ gie ima khian okhian ikpẹdẹ eha gha rrie uwu ato ne ima ya zọ ese ghe Nọyaẹnmwa Osanobua ima. A deghẹ ma ma yo, ọ gha ya okuo ra okpe emianmwẹ gbele ima hia a.”

Aizaia 1:20

sokpan, u gha yagha mwẹ, uhunmwu ọ re u ya khiẹ ọre, mẹ ne Nọyaẹnmwa ọre ọ tae.”

Aizaia 65:12

Vbene uwa hi hẹ nọ wẹ ne uwa wulo uwu ekpain ekpain, rhunmwuda, wa ma khuẹnniẹn vbe I tie uwa, wa ma danmwehọ vbe I guan. Wa na wẹ te uwa ra he uhunmwu yọmwẹ obọ ne uwa gha ru emwi dan.

Jerimaia 19:7

Emwa na I ra na duẹ uma ivbi e Juda kevbe Jerusalẹm hia a, I gha gie obọ avbe eghian iran ke okhunmwu ne iran, iran ghi gbele iran vbe okuo. I ghi viọ ikun iran ne avbe ahianmwẹ kevbe avbe aranmwẹ oha gha re.

Jerimaia 24:10

I gha ya okuo ohanmwẹ kevbe emianmwẹ gu iran khọn a te miẹn wẹ okpa ma ghi kẹe vbe uwu iran vbe otọ nii ne I mu ne iran kevbe avbe erhan iran odede.”

Jerimaia 50:28

(Iran ni lẹ vbe owa, lẹ hin e Babilọn rre gha die Jerusalẹm. Iran na iyẹn vbene Nọyaẹnmwa rria ikhi ye ẹmwẹ vbene ivbi e Babilọn ru Ọgua Osa ẹre hẹ.)

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Jerimaia 9:16

I gha zagha iran lele avbe ehe ne iran tobọ iran ra avbe erha iran odede ma he họn ẹmwẹ ọnrẹn ẹdẹ. I ghi vbe gie ivbiyokuo ne ọ mu aro da iran, rhinrin I te do fuẹn iran an fẹẹrẹ.”

Eve Orriara 2:21

Ke ibiẹka kevbe eniwanrẹn, ehia wulo lele otọ vbe adesẹ ore ẹvbo. Avbe igbama kevbe ivbialeke ne umozo avbe eghian gbele ua. Ẹdẹ ne ohu mu uwẹ u keghi rẹnkhẹẹn iran an vbe ne a i na mwẹ itohan.

Ezikiẹl 14:17

“Ra, I sẹtin mu okuo la ẹvbo ọkpa, I ghi vbe viọ emwi igbinna dan larọ, ne ọ ya fuẹn emwa nagbọn kevbe aranmwẹ,

Ezikiẹl 20:37

“I gha ya obọ ne ọ tọn mu uwa, I ghi ru ẹe ne uwa gha ru vbene ile mwẹ khare.

Ezikiẹl 29:8

Banbanna nian, mẹ ne Nọyaẹnmwa ne Udazi ọ re ọ tama ruẹn na wẹ I gha ru ẹe ne emwa ya umozo gu uẹ gbinna. Iran gha gbele emwa ruẹn gbele avbe aranmwẹ ruẹn.

Ezikiẹl 33:2

“Ovbi ọmwa, tama emwa ruẹn emwi ne ọ sunu vbe I gha mu okuo la ẹvbo. Emwa ẹvbo nii ghi zẹ ọkpa vbe uwu iran ne ọ gha re abodẹ.

Ezikiẹl 5:17

I ghi gie ohanmwẹ, kevbe aranmwẹ oha, ne iran gbele uwa emọ, I ghi gie ohanmwẹ, ọkhọ kevbe okuo ne iran gbele uwa a. Mẹ ne Nọyaẹnmwa ọre ọ taa ẹe.”

Ezikiẹl 6:3

Tama avbe oke Izrẹl ne iran danmwehọ vbene e Nọyaẹnmwa ne Udazi khare, ne iran họn ẹmwẹ ne imẹ ne Nọyaẹnmwa ne Udazi tama avbe oke nekhua ke negiẹrẹ, avbe ugboghodo kevbe iya: I gha gie umozo ne ọ do guọghọ ehe ne emwa na ga avbe ẹbọ rua.

Hozia 11:6

Okuo gha khọn la ore iran, ọ ghi guọghọ urho ne a la la ẹvbo kua. Ọ gha rẹnkhẹn emwa mwẹ rhunmwuda, emwi ne iran ro ighe ọ maa sẹ vbe ekhọe iran ọ re iran ru.

Levitikọs 26:6

“I gha rhie ọfumwegbe ne uwa vbe otọ rua, wa ghi vbe gha vbiẹ vbe ne uwa i na fian afianma, I gha fuẹn avbe aranmwẹ dan ni rre otọe nii, okuo i ghi ra vbe gha rrọọ vbe evba.

Emọs 4:10

“I gie egboghogbogho yan uwa zẹ vbe ne I giee ẹe rrie Igipt. I gbele igbama uwa vbe okuo, I keghi viọ uwa ẹsin kpao. I ye ẹwia orinmwi khiọ uwa ihue vbe agọ uwa. Sevba, wa ma ye bu mwẹ rre.

Habakọk 3:5

Ọ gie emianmwẹ ke odaro irẹn ọ na wẹ ne uwu lele irẹn iyeke.

Nọmbas 14:12

I gha gie emianmwẹ ogba obọ ne ọ fuẹn iran uan, sokpan, I gha ya uwẹ ru ne ọ mu ẹvbo ọvbehe gbọọ, ẹvbo ne ọ gha kpọlọ kevbe ne ọ gha mwẹ ẹtin sẹ iran.”

Nọmbas 16:49

Inu emwa ni wulo kegha re iyisẹn yan uri eha ọre ọ ya yan arriaisẹn iwenẹ (14,700) vbe ne a ma na ka iran ni wulo ba ẹmwẹ isọtẹ e Kora ba ẹre.

Nọmbas 31:3

Ẹre Mosis na tama emwa nii wẹẹ, “Wa mu egbe okuo ne uwa miẹn ehe na dekun emwa Midian, ne uwa rria iran ikhi ye emwi ne iran ru e Nọyaẹnmwa re.

Iyẹn ne ọ Maan Ọghe Luk 21:11

Igbohiotọ ọyan aro ua, ghi gha sunu, ukhunmwu kevbe okpemianmwẹ ghi gha rre ehe hia, ama nekhua kevbe ni gbe orrirri ghi gha rhie egbe maa vbe aro iso.

Diuteronomi 28:21

Ọ ghi gha gie emianmwẹ rre do gha vba emianmwẹ vbe egbe uwa a te do miẹn wẹ ọkpa ma ghi ke ẹe vbe uwu uwa vbe otọe ne uwa ra yin na.

Diuteronomi 32:25

Okuo gha gbele emwa ye ughe, ugborrirri ghi gbele emwa ye uwowa avbe igbama kevbe ivbialeke gha wulo, kevbe emọ obọ kevbe avbe ọmaẹn, ne a ra sẹrae i rrọọ.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Diuteronomi 32:41

wẹ I gha lọ agbada mwẹ ne wainwain, I ghi miẹn wẹ a ru emwi ye vbene ọ kere. I gha rria avbe eghian mwẹ ikhi, I ghi rri iran ni khuiwu mwẹ oya.

Giọgis 15:11

Ẹre arhin arriaisẹn eha na gha rrie uvun okuta ne ọ rre ukpẹ oke Etam, iran na tama Samsin wẹẹ, “Wẹ ma rẹn ighẹ emwa Filistia ọ re ọ kha yan ima. Vbu a ghi na yin ghe ima vbenian hẹ yi?” Rẹn keghi wanniẹn wẹẹ, “Vbene iran ru mwẹ zẹẹ ọ re I vbe ru iran.”