Levitikọs 26:22 - Edo Bible (E Baibol Ẹdo) Version 1996

²² I ghi gie aranmwẹ oha dan la uwu uwa, iran ghi gha gbele avbe ivbi uwa, iran gha fuẹn avbe ẹmila uwa a, wa ne ọ gha sẹ rae ghi gha re ibozẹghẹ sẹrriọ wẹ a i ghi ra gha miẹn emwa vbe urodẹ rua.

Levitikọs 26:22 ပူးပေါင်းရင်းမြစ်များ

II Ọba 17:25

Ẹghẹ ne iran na sẹ evba vbe okaro, iran ma ga e Nọyaẹnmwa, rẹn keghi rhunmwuda ọnii gie oduma gha khian, ọ na gbele eso vbe uwu iran.

II Ọba 2:24

Elaisia keghi fi egbe werriẹ, ọ ghe iran, ọ keghi ya eni e Nọyaẹnmwa rhovbiẹ iran. Ẹre akpakomiza amwẹ eva na ladian vbe uwu oha, iran na yanghan eva yan iyeva vbe uwu ibiẹka ikpia nii.

II Krọnikol 15:5

Vbe ẹghẹ nii, ọmwa ne ọ sẹtin rre ne ọ vbe gha rrie vbe egbe hẹnnẹdẹn i rrọọ rhunmwuda, ọlọghọmwa kevbe otighi kegha rre otọe hia.

Aizaia 24:6

Rhunmwuda ọnii, Osanobua fi agbọn unu nẹ. Emwi ne emwa iran ru, ọ re iran ha osa ẹre na. Te iran ni ghi dekẹe ghi kanmwa yọ kanmwa yọ.

Aizaia 33:8

Ẹbe wa rre odẹ ne a la sẹrriọ wẹ ai ghi miẹn ne ohan gie ẹe lae. Ẹmwẹ ne a gba ta khian ne a mu rhie, avbe rhie obọ gberra ile ne a ta ma egbe. Ọmwa okpa ne a ya ọghọ na i ghi rrọọ.

Jerimaia 15:3

“Mẹ ne Nọyaẹnmwa ta ẹe nẹ wẹ emwi ohan enẹ ọ re ọ ra rruan iran; a gha gbele iran vbe okuo, ekita gha silo ikun iran gha rrie, ahianmwẹ gha rri iran, aranmwẹ oha ghi rhie ni ghi kẹe.

Jerimaia 42:2

iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.

Eve Orriara 1:4

A i ghi miẹn ne ọ rre do gha ga vbe Ọgua Osa nian vbe ẹdẹ iruẹmwi. Emọ ikhuo ni so ihuan vbe evba, oya iran ghi re akọn ọ re avbe ohẹn ghi re. Onurho ẹvbo dihoi rua, uwu orriara ọ re Zaiọn ghi ye.

Ezikiẹl 14:15

“Ra, adeghẹ I gie aranmwẹ akọn ne ọ ya gbele emwa nii, ne ọ gha gie otọe nii vuọn ne ẹbe sẹrriọ wẹ a i ghi miẹn ọmwa ne ọ la ẹe gberra.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Ezikiẹl 33:28

I gha ye avbe okpẹvbo khian otọe ne ọ gbe ẹvbi. Ẹtin ne iran te ya ghagha nii gha sẹ ufomwẹ. Avbe oke ni rre Izrẹl gha khian ẹgbo sẹ vberriọ wẹ a i miẹn ọmwa ne ọ gha sẹtin khian la ẹe gberra.

Ezikiẹl 5:17

I ghi gie ohanmwẹ, kevbe aranmwẹ oha, ne iran gbele uwa emọ, I ghi gie ohanmwẹ, ọkhọ kevbe okuo ne iran gbele uwa a. Mẹ ne Nọyaẹnmwa ọre ọ taa ẹe.”

Levitikọs 26:6

“I gha rhie ọfumwegbe ne uwa vbe otọ rua, wa ghi vbe gha vbiẹ vbe ne uwa i na fian afianma, I gha fuẹn avbe aranmwẹ dan ni rre otọe nii, okuo i ghi ra vbe gha rrọọ vbe evba.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Zẹkaraia 7:14

I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”

Diuteronomi 32:24

Ohanmwẹ kevbe emwirraro gha gbele iran an, emianmwẹ ne ọ mu ohan gha gbele iran an, I gha gie aranmwẹ akọn ne ọ gha gu iran khọn, kevbe ẹyẹn ne ọ mwẹ obi nọ ọ gha ho iran ẹmwẹ

Giọgis 5:6

“Vbe ẹghẹ Siamga ne ovbi Anat, vbe ẹghẹ Jaẹl. Ekhẹn ni hin ẹsin ma ghi gha la ẹvbo nii gberra odẹ abọtọ ọre ekhẹn ghi gha la,