Levitikọs 26:21 - Edo Bible (E Baibol Ẹdo) Version 1996

²¹ “A deghẹ te uwa ye gha ze vbudu khian vbene uwa i na họn ẹmwẹ mwẹ, I gha dọlegbe fian ba oya ne I gha rri uwa ẹre ukhukhu ihinrọn.

Levitikọs 26:21 ပူးပေါင်းရင်းမြစ်များ

Psalm 79:12

Nọyaẹnmwa, ha ẹre werriegbe ne avbe uhunmwu ẹvbo nekpa igba ihinrọn rhunmwuda unu ne iran filo guẹ.

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Ezikiẹl 21:14

“Wanwanna nian, ovbi ọmwa, guan ẹmwẹ akhasẹ. Kpe obọ ruẹ, umozo gha vbe gha gbe emwi yan egbe yan egbe. Umozo ne ọ gbe emwi nọ, umozo ne ọ runran ọmwa ke ne ọ vbe lọkọ nọ.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:23

A deghẹ vbe iyeke avbe oya na hia ighẹ wa ma ye zẹ yọ mwẹ re, wa na ye gha họhọ mwẹ uan.

Levitikọs 26:24

Ẹghẹ nii, I ghi werriẹ aro da uwa, I gha rri uwa oya ukhukhu ihinrọn sẹ ayọ.

Levitikọs 26:27

A deghẹ ena hia yevbe sunu, wa na ya aro họhọ mwẹ uan, ighẹ wa ma họn ẹmwẹ mwẹ.

Arhie Maan 15:1

Iyeke ọnii, I keghi do bẹghe ama ọvbehe nọkhua kevbe ne ọ mu ọmwa ohan vbe ẹrinmwi, avbe odibosa ihinrọn ne egboghogbogho ihinrọn guẹ, ena ọrọre egboghogbogho ne okiekie, rhunmwuda iran ọrọre enokiekie vbe avbe odẹ ne Osanobua ya rhie izohu ẹre maa.