Levitikọs 26:19 - Edo Bible (E Baibol Ẹdo) Version 1996

¹⁹ I gha guọghọ uhiomwẹ izevbudu rua, amẹ i ra rhọ, otọe rua ghi do ka, ọ ghi ye kakaaka vbe ẹrọnmwọ.

Levitikọs 26:19 ပူးပေါင်းရင်းမြစ်များ

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

I Ọba 8:35

A deghẹ emwa ruẹn rra iyi ruẹ u na rri iran oya vbene u ma na ghi gie amẹ rhọ ne iran, iran na fiwerriẹ, iran mu aro da Ọgua Osa na, iran na na erhunmwu, iran na rho ruẹ,

Aizaia 2:12

Vbe ẹdẹ nẹdẹrriọ, e Nọyaẹnmwa ne Oghodua gha hie uhunmwu emwa ni mwẹ ẹtin hia rriotọ, iran hia ni hio, kevbe ni ya obọ rra ẹwẹe.

Aizaia 25:11

Iran gha niẹn obọ ladian zẹ vbe ọmwa ne ọ ra khue vbe ẹzẹ, sokpan, Osanobua gha gbe iran kotọ, obọ iran ghi dinmwi lughọlughọ ye uwu ẹzẹ.

Aizaia 26:5

Ọ si iran ni tọn egbe mu ke otọ, ọ dunmwu ẹvbo ne ọ wegbe ne iran ye ua, ọ keghi gie ekẹn ọnrẹn dele khian ebubẹ.

Aizaia 28:1

Arriọba Izrẹl khian rhie nẹ! O Uyi ẹre hia fafaa zẹvbe ẹde obobo vbe uhunmwu avbe ọkaolotu ẹre ni da ayọn gbe egbe. A te wa ya ori ne ọ winhin wo iran uhunmwu, sokpan, ya ghe vbe ehia lovbiẹ lele otọ, ayọn gbele iran kua.

Jerimaia 13:9

“Vbenian ọ re I ra fuẹn ọnrẹn ruan ighe itengbemu e Juda kevbe itengbemu nọkhua ọghe Jerusalẹm.

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Ezikiẹl 24:21

Ne I ta ẹmwẹ na ma uwa ne ivbi Izrẹl wẹ Ẹtin Ọgua Osa ọ re uwa ya ghagha, ọ yẹ uwa ne a ghee, kevbe ne a yo, sokpan, e Nọyaẹnmwa ra ru ẹre awua. Avbe igbama ni rre ẹgbẹe uwa ne a ghi sẹrae ye Jerusalẹm, okuo gha gbele ehia.

Ezikiẹl 30:6

E Nọyaẹnmwa khare wẹẹ, “A gha gbele iran ni gbinna ne Igipt vbe okuo ke Mẹgido vbe odẹ okuọ kpao ya sẹ Asuan vbe odẹ ekẹn. A gha fuẹn ọnrẹn uan ighe ivbiyokuo Igipt ni ghagha. Mẹ ne Nọyaẹnmwa ne Udazi ọ re ọ ta ẹe.

Ezikiẹl 33:28

I gha ye avbe okpẹvbo khian otọe ne ọ gbe ẹvbi. Ẹtin ne iran te ya ghagha nii gha sẹ ufomwẹ. Avbe oke ni rre Izrẹl gha khian ẹgbo sẹ vberriọ wẹ a i miẹn ọmwa ne ọ gha sẹtin khian la ẹe gberra.

Ezikiẹl 7:24

I gha viọ uhunmwu ẹvbo ne ọ ghi rrei sẹẹ gha die emwa na. I ghi gie iran mu uwa miẹn uwa owa. Emwa uwa ni wegbe sẹẹ gha mitan uan vbe ẹghẹ ne I gha na gie avbe uhunmwu ẹvbo nii, do mu awua la ehe ne uwa na ga.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Zẹfanaia 3:11

Ọ gha sẹ ẹghẹ nii, ekhue i ghi ra ye gha mu uwa ne emwa mwẹ wẹ wa sọtẹ mwẹ. I gha viọ iran hia ni hio kevbe ni tọn egbe mu hin rre, wa i ghi ra dọlegbe sọtẹ ghe mwẹ ọvbehe vbe oke mwẹ nọhuanrẹn.

Iyẹn ne ọ Maan Ọghe Luk 4:25

Wa danmwehọ mwẹ, wa rẹnrẹn wẹ avbe ẹgbẹ wa bu vbe Izrẹl vbe ẹghẹ Elaija, ẹkpo ne amẹ ma na rhọ vbe ukpo eha vbe ukhiọnmwẹ, ne ukhunmwu nọkhua na vbe gha fi vbe otọe nii hia.

Diuteronomi 11:17

Wa gha ru vberriọ, e Nọyaẹnmwa gha mu ohu uwa. Ẹ i ghi gie amẹ rhọ ye otọ uwa, otọe uwa ghi do ka gbe, emwiokọ i ghi vbe zọ vbọ. Ẹghẹ nii ẹ i ghi sọn wa wulo vbe otọ esiesi nii ne ọ ra mu ne uwa.

Diuteronomi 28:23

Amẹ i ra rhọ, otọe uwa ghi do kaka vbe ematọn.

I Samuẹl 4:11

okuo keghi khọn mu Ẹkpẹti Ile ọghe Nọyaẹnmwa iran keghi gbele Hofnai ke Finihaz ne ivbi Elai eveva.

I Samuẹl 4:3

Iran ni miẹn uhunmwu vbọ ghi dọlegbe sẹ agọ nẹ, avbe ọkaolotu ivbi Izrẹl keghi kha wẹẹ, “Vbọzẹ ne e Nọyaẹnmwa na gie ivbi Filistin khọn ima miotọ ẹrẹna yi? Wa gie ima ya mu Ẹkpẹti Ile ọghe Nọyaẹnmwa ke Silo gha dee ne ọ miẹn ehe na lele ima gha khian, ne ọ ya miẹn ima fan vbe obọ avbe eghian mwa.”