Levitikọs 26:17 - Edo Bible (E Baibol Ẹdo) Version 1996

¹⁷ I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Levitikọs 26:17 ပူးပေါင်းရင်းမြစ်များ

Gẹnẹsis 4:12

U gha mu ugbo, u na kọ emwi yọ, otọe, ẹi gha ma ẹnrẹn. Ehevbehevbe ke enọkpolugho ọre u gha khian vbe agbọn.”

I Ọba 8:33

“A deghẹ eghian ghi khọn emwa ruẹn Izrẹl miotọ rhunmwuda ne iran na rukhọ ghe ruẹ iran na werriegbe bu ruẹ gha dee ne iran do rho ruẹ kevbe ne iran vbe na erhunmwu ghe ruẹ vbe Ọgua Osa na, wẹ ne a yabọ iran,

II Ọba 13:3

Ẹre ohu Izrẹl na mu e Nọyaẹnmwa, ọ na gie Hazaẹl ne ọba e Siria kevbe Benhadad ne ovbi ẹre gha khọn miẹn Izrẹl otọ yan egbe.

II Ọba 13:7

E Jehoahaz ma ghi gha mwẹ emwi igbinna gberra arhin ekigbesiyeha ni hin ẹsin, ikẹkẹ okuo igbe, kevbe arhin arriaisẹn igbe (10,000) ni ye owẹ khian, rhunmwuda, ọba e Siria dunmwu enekpa a, ọ na gha ya owẹ rrilo iran ginna otọ zẹ vbe ekẹn.

Psalm 44:10

U gie ima lẹ ne avbe eghian mwa iran keghi viọ emwi ni te re ọghe ima, ye khian ọghe iran.

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Psalm 53:6

Erhunmwu mwẹ ọrọre wẹ, ne akhọnmiotọ la Zaiọn sẹ Izrẹl obọ, u miẹn vbe ivbi Izrẹl gha ghọghọ hẹ ẹghẹ nii, vbe Osanobua a gie agbọn dọlegbe ma iran!

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Aizaia 30:17

Arriaisẹn vbe uwu uwa gha lẹ vbe iran a bẹghe ovbiyokuo avbe eghian ọkpa. Ivbiyokuo isẹn sẹe ne ogha ya uwa hia lẹ kua. Ọkpa ne ọ gha kẹe vbe uwu avbe ivbiyokuo uwa i rrọ gberra ukperhan ọkpa ne a ya tan afiala vbe uhunmwu oke.

Aizaia 63:10

sokpan, iran keghi sẹmwẹ ọnrẹn, iran keghi gha rhia ẹre ẹko rua. Rhunmwuda ọnii, e Nọyaẹnmwa keghi khian oghian iran, Ọ keghi gu iran gbinna.

Jerimaia 19:7

Emwa na I ra na duẹ uma ivbi e Juda kevbe Jerusalẹm hia a, I gha gie obọ avbe eghian iran ke okhunmwu ne iran, iran ghi gbele iran vbe okuo. I ghi viọ ikun iran ne avbe ahianmwẹ kevbe avbe aranmwẹ oha gha re.

Jerimaia 44:11

“Rhunmwuda ọnii nian, mẹ ne Nọyaẹnmwa ne Oghodua, ne Osanobua Izrẹl gha mu aro aa uwa, I ghi fuẹn e Juda hia a.

Eve Orriara 1:5

Obọ avbe eghian rẹn ke ukhunmwu iran mu ẹre izẹghede. E Nọyaẹnmwa ru ẹe ne ọ rrioya ye orukhọ ne ọ ru hia iran munọ avbe ivbi ẹre hia oghunmwu hẹ gha rrie.

Eve Orriara 2:4

Ọ ya uhanbọ kọn mwa zẹ vbene eghian ru ẹe; ọ gbele iran hia ne ima ya zowẹ ughanmwẹ ma wa họn obọ ugiẹnmwẹ ohu ẹre vbe egbe vbe Jerusalẹm vbe emwa na.

Ezikiẹl 15:7

I ghi rri iran oya. Iran lẹ erhẹn ọkpa fe, sokpan erhẹn ọ re ọ ra ye vbe gien iran an nian. I gha rri iran oya nẹ, wa gha rẹn ighe mẹ ọrọre Nọyaẹnmwa.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Jọsua 7:4

Rhunmwuda onii ọmwa ivbi Izrẹl arriaisẹn eha (3,000) ke gha khian, sokpan emwa Eai ke khulo iran werriegbe.

Giọgis 2:14

Ohu Izrẹl keghi kakabọ mu e Nọyaẹnmwa, ọ na gie avbe ikpata gha mu bu iran yo ne iran vbe gha rha iran. Ọ keghi gie obọ avbe eghian ni lẹga iran gba iran. Ivbi Izrẹl ma ghi sẹtin da egbe iran yi hin obọ ẹbe.

Giọgis 3:14

Ivbi Izrẹl kegha rre ototọ Ẹgiọn vbe ukpo eva irrọvbugie.

Giọgis 3:8

Rhunmwuda ọnii, ohu Izrẹl kegha mu e Nọyaẹnmwa, ọ na gie Kusian Risiatem ne ọba Mẹsopotamia khọn iran miotọ. Iran keghi ya ukpo erẹnrẹn gha rre ototọ asẹ ọre.

Giọgis 6:2

Emwa Midian keghi wegbe sẹ ivbi Izrẹl, ẹre avbe Izrẹl na lẹ la uhunmwu oke ya gha lẹre ye uvun okuta kevbe ehe ne ọ ghi sẹtin degue iran.

I Samuẹl 12:15

A i gha miẹn ighẹ wa ma họn ẹmwẹ e Nọyaẹnmwa, wa na gha rra uhi ẹre, ọ gha mu aro nọkhọ da uwa kevbe ọba uwa.

I Samuẹl 31:1

Avbe ivbi e Filistin kegha gu ivbi Izrẹl khọn vbe oke Gilboa. Iran keghi gbele ni bun vbe ivbi Izrẹl vbe evba, ni dekẹe keghi lẹ kua ya sẹ egbe ivbi e Sọl.

I Samuẹl 4:10

Ivbi e Filistin keghi wa kakabọ gbinna, a keghi khọn miẹn ivbi Izrẹl otọ, iran na lẹ gha rrie owa iran. Obọ wa da iran ẹsẹse, iran keghi gbele arhun arriaisẹn ọgban (30,000) vbe ivbi iyokuo Izrẹl,