Levitikọs 26:14 - Edo Bible (E Baibol Ẹdo) Version 1996

¹⁴ E Nọyaẹnmwa keghi kha wẹẹ, “Deghẹ wa ma họn ẹmwẹ mwẹ, a gha rri uwa oya.

Levitikọs 26:14 ပူးပေါင်းရင်းမြစ်များ

II Ọba 22:13

“Wa ya gualọ otọe ẹmwẹ emwi ne a gbẹnnẹ ye ebe na, kevbe emwa e Juda, vbe obọ e Nọyaẹnmwa. Ohu ima mu e Nọyaẹnmwa rhunmwuda, avbe erha mwa odede ma ru vbene ẹmwẹ ni rre ebe na wẹ ne a ru.”

II Krọnikol 34:24

avbe iyẹn na ma rẹn vbene e Nọyaẹnmwa khare wẹẹ, “Avbe ihẹn ne a gbẹnnẹ ye ebe ne a tie ma ruẹn ni, te I ra ya ehia rri e Jerusalẹm kevbe emwa ni rrọọ oya.

II Krọnikol 7:19

Sokpan adeghẹ a na miẹn vbe ẹghẹ ke ẹghẹ wẹ, wẹ vbe emwa ruẹn rra uhi mwẹ kevbe iyi mwẹ ne I yi ma uwa, wa na ya gha ga ẹbọ ọvbehe.

Psalm 81:12

Rhunmwuda ọnii, I keghi sẹ iran rae, ne iran la odẹ iyin ehọ iran, ne iran ya gha ru emwi ne ọ khọn iran.

Itan 3:33

Te Nọyaẹnmwa fi owa emwa dan unu, sokpan, ọ keghi fiangbe owa emwa esi.

Jerimaia 11:8

Sokpan, iran ma danmwehọ ra ne iran ya ẹẹ ru emwi. Sokpan, dọmwadẹ ọghọe keghi wa gha ze vbe udu khian, iran na gha ru emwi dan, vbene iran ka ru de ẹdẹ. I tama iran ne iran gha ya ile nii ru emwi, sokpan, iran hee. Rhunmwuda ọnii, I keghi rri iran oya hia ne a ya unu kan vbe uwu ẹre.”

Jerimaia 17:27

“Sokpan, te ọ kere ne iran gha họn ẹmwẹ mẹ, ne iran gha ru Ẹdẹ Ikẹtin zẹ vbe ẹdẹ nọhuanrẹn. Iran ghẹ mu ihẹikeikẹ la onurho e Jerusalẹm gberra vbe ẹdẹ vberriọ, iran gha danmwẹ ọẹn, I gha mu erhẹn ye onurho e Jerusalẹm. Erhẹn gha giẹn ẹguae ne ọ rre Jerusalẹm, ai ra vbe miẹn ọmwa ne ọ gha sẹtin dọ ẹre yọ.”

Jerimaia 26:4

E Nọyaẹnmwa keghi tama mwẹ wẹ ne I tama avbe emwa nii wẹẹ, “Mẹ ne Nọyaẹnmwa ọ re ọ tama uwa wẹ ne u wa gha họn ẹmwẹ mẹ vbekpa ne uwa gha na gha ya emwi ne I ma uwa ẹre ru emwi.

Jerimaia 28:8

Avbe akhasẹ ni guanrẹn vbe ẹghẹ ne ọ kpẹre ne ọ gberra vbe ọ ma he sẹ ẹghẹ imẹ vbe ruẹ tae wẹ, okuo, ukhunmwu kevbe emianmwẹ gha sẹ egbe uhunmwu ẹvbo ni bun kevbe avbe arriọba ni mwẹ ẹtin.

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Jerimaia 40:2

Arowa ivbiyokuo keghi rhie mwẹ ghe efọnkpa, ọ wẹẹ, “E Nọyaẹnmwa ne Osanobua ruẹ niẹn obọ ye ẹvbo na aro wẹ ọkhọ gha rruan rẹn,

Eve Orriara 1:18

“Sokpan, emwi ne ọ khẹke ọ re Nọyaẹnmwa ru, rhunmwuda mẹ ọ re ọ yan ẹẹn zẹ. Wa danmwehọ mwẹ, emwa ni rre ehe hia wa ghe mwẹ vbe uwu obalọ ne I ye. A viọ avbe igbama kevbe avbe uvbi mwẹ oghunmwu gha rrie.

Eve Orriara 2:17

E Nọyaẹnmwa ye ru ẹe vbene ọ wẹ rẹn re ru ẹe: Ọ fuẹn ima an vbe ne a i na mwẹ itohan, zẹ vbene ọ taa ẹe yotọ ke ẹghẹ nii gha dee. Ọ gie obọ avbe eghian mwa ke ukhunmwu, ọ keghi ye ọyẹnmwẹ sẹ iran ye udemwẹ mwa.

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Hozia 7:12

“Sokpan, mẹ gha rhuẹ ọga ye odẹ, I gha munọ iran zẹ vbe ahianmwẹ vbe iran a gha khian. I gha rri iran oya ye emwi dan ne iran ru.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Malakai 2:2

Te ọ kere ne uwa gha ya uyinmwẹ uwa rhie ọghọ mẹ. Deghẹ wa wẹ wa i rhie ehọ ye ẹmwẹ ne I ta, te I ra fi uwa unu. I gha fi avbe emwi ne uwa miẹn ya gha da egbe yi unu vbe ẹmwata, I fi ehia unu nẹ, rhunmwuda I tie ẹmwẹ ne I tama uwa ẹmwẹ kpataki.

Iwinna 3:23

A gha miẹn orhiọnkpa ne ọ ma rhie ehọ ye ẹmwẹ ne akhasẹ na ta ẹe, a gha yuo ẹre hin uwu ẹbu emwa Osanobua rre, a ghi ya fuẹn ọnrẹn uan.’

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Jọsua 23:15

Ẹn ẹn, e Nọyaẹnmwa Osanobua uwa ru emwi hia ne ọ yan rẹn ighẹ rẹn gha ru ne uwa, ne uwa nẹ.

Giọgis 2:15

Ẹghẹ hia ne iran ya yo okuo, e Nọyaẹnmwa ghi mu aro ne ọ khọ da iran zẹ vbe ne ọ tama iran zẹ wẹ rẹn gha ru. Iran keghi do gha rre uwu ọlọghọmwa nọkhua.

I Samuẹl 12:15

A i gha miẹn ighẹ wa ma họn ẹmwẹ e Nọyaẹnmwa, wa na gha rra uhi ẹre, ọ gha mu aro nọkhọ da uwa kevbe ọba uwa.