Levitikọs 26:1 - Edo Bible (E Baibol Ẹdo) Version 1996

¹ E Nọyaẹnmwa keghi kha wẹẹ, “Ghẹ ma amazẹ ra ama ọmwa, ọ re okuta ra okuta na a kare, ne uwa gha gae. Mẹ ọ re Nọyaẹnmwa Osanobua rua.

Levitikọs 26:1 ပူးပေါင်းရင်းမြစ်များ

II Ọba 17:10

Iran keghi viọ amazẹ Asiẹrra kevbe orre ọre ne a ye okuta ru lele uhunmwu oke kevbe ototọ erhan ni mwẹ irhu hia.

II Ọba 17:16

Iran keghi rra uhi e Nọyaẹnmwa ne Osanobua iran hia, iran na ya ematọn ru ẹkhuia ẹmila eva ne iran gha ghoo. Iran kevbe ma amazẹ Asiẹrra ne ẹbọ ne okhuo, iran kegha gho avbe orhọnmwẹ, iran na gha ga avbe ẹbọ e Bal.

II Ọba 17:8

Iran kegha yin uyinmwẹ emotọ ọghe emwa ne Nọyaẹnmwa khulo hin vbe emwa nii dee, iran kevbe ye obọ ye uyinmwẹ ọmotọ ne avbe ọba Izrẹl ya rre.

Psalm 78:58

Iran ya ehe ne iran na ga ẹbọ ya ohu muẹn iran keghi vbe ya amazẹ iran rhia ẹre ẹko rua.

Psalm 97:7

Ekhue mu dọmwadẹ ọghọe ne ọ gho ẹbọ, avbe ẹbọ hia ghughẹre vbe odaro Nọyaẹnmwa.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Ẹksọdọs 20:23

Wa ghẹ ma amazẹ ẹrọnmwọ ra igoru ne u wa gha vbe gha ga ẹe ba mwẹ.

Ẹksọdọs 23:24

Wa ghẹ ya uhunmwu rhanmwẹ otọ ne ẹbọ iran, wa ghẹ vbe ga iran. Wẹ ghẹ gho emwi ne avbe emwa nii gho wa ghi fuẹn avbe ẹbọ iran an fẹẹrẹ, wa ghi wa dunmwu okuta ẹbọ iran an.

Ẹksọdọs 34:17

“Wa ghẹ ya ematọn ne a ranran ẹn ma ẹbọ ne egbe uwa.

Aizaia 2:20

Ọ gha sẹ ẹdẹ nẹdẹrriọ, iran gha filo amazẹ igoru kevbe esiliva ne iran mannọẹn kua, iran gha sẹ ehia rae ne ofẹn oha kevbe avbe ẹguẹn.

Levitikọs 19:4

“Wa ghẹ sẹ mwẹ rae ya gha gho amazẹ, wa ghẹ vbe ye oze ma ẹbọ ne uwa gha gho. Mẹ ọre Nọyaẹnmwa Osanobua uwa.

Levitikọs 25:55

Ovbi Izrẹl i sẹtin gha re ọviẹn etẹbitẹ, rhunmwuda eviẹn Nọyaẹnmwa ọ re ivbi Izrẹl khin, rẹn ọ re ọ viọ iran ke otọ Igipt ladian, rẹn ọ re Nọyaẹnmwa Osanobua iran.”

Levitikọs 7:33

Ne ohẹn ne ọ ye esagiẹn kevbe ẹvbi izọhẹ isara nii zọ ese.

Nọmbas 33:52

wa ghẹ mwẹ wa ma khulo emwa ni rre otọe nii hia hinrre. Wa ghi dunmwu amazẹ iran ne a ya okuta ra ematọn ru ruan, deba ehe ne iran na ga hia.

Iwinna 17:29

Vbene a ghi na miẹn nian wẹ ivbi ẹre ma khin, ọ ma kei ne ima gha ro ighẹ te ama Osanobua yevbe amazẹ ne a ya igoru ma, ra ẹrọnmwọ ra okuta ne ọmwa ne agbọn ye ifuẹro ke iguemwi obọ ẹre mwamwa.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Diuteronomi 5:6

‘Mẹ ọrọre Nọyaẹnmwa Osanobua ruẹ, ne ọ fan uwa vbe irri lahin otọ Igipt ne uwa na te re eviẹn rre.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.

Giọgis 18:30

Ivbi e Dan na do mu amazẹ nii ye otọ ne iran gha gho ẹre. E Jonatan ne ovbi Gẹsiọn ne ovbi e Mosis keghi gha ru ohẹn ne emwa e Dan na, uniẹn ọnrẹn ọ re ọ gha ru ohẹn a te do miẹn wẹ a hẹ iran gha rrie iwe.