Levitikọs 25:9 - Edo Bible (E Baibol Ẹdo) Version 1996

⁹ ọ gha ghi sẹ ikpẹdẹ ne ogigbe ọghe uki ne ogihinrin, ẹdẹ Erinmwian nọ, u ghi giẹ ọmwa ne ọ si orhu la ẹvbo hia.

Levitikọs 25:9 ပူးပေါင်းရင်းမြစ်များ

Psalm 89:15

Ọmakin iran ni so ihuan ya rho ruẹ iran ni rrọ vbe uwu uwanmwẹ itohan ruẹn.

Psalm 89:16

Rhunmwuda uwẹ, ọ re ọyẹnmwẹ na sẹ iran ne ebi ro, iran ghi vbe gha rho ruẹ ba ẹmwẹ umamwẹ ruẹn.

Aizaia 27:13

Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Levitikọs 16:20

Errọn ghẹ ghi ru iruemwi ọkpehuan ọghe Ehe Nọhuansẹ Ehia nii nẹ, kevbe ehe ne ọ ghi kẹe vbe Owa Ukpọn Ile, kevbe aka, ọ ghi mu ẹwe ne ọ ma he wu ne a wẹ ne a mu ne Azazẹl nii gie Nọyaẹnmwa.

Levitikọs 16:29

Emwamwa na, a ghi da ẹe yi ẹdẹdẹmwẹdẹ. Vbe ikpẹdẹ ne ogigbe ọghe uki ne ogihinrọn, ivbi Izrẹl hia, deba orhunmwuyẹn ni rre uwu ẹbu iran ghi yo aguẹ, iran ghẹ winna iwinna rhọkpa.

Levitikọs 16:30

Vbe ẹdẹ nẹdẹrriọ, a ghi ru iruemwi na ne a ya khuẹ iran hia hin orukhọ rre, ne iran miẹn ehe na gha re ne ẹ i ghi mwẹ awua.

Levitikọs 25:8

“Wa ghi ka ukpo ihinrọn igba ihinrọn, ọ ghi do gha re ukpo ọkpairrọ vbe kigbesiyeha vberriọ,

Levitikọs 27:17

A deghẹ vbe ada la ukpo Afanvbirri gberra ọre ọ na ya ẹe fi ohan, inu igho ne ọ rrọọ, te ọ wa gba.

Levitikọs 27:24

Ọ gha ghi sẹ ukpo Afanvbirri ne ọ lele ẹe, ohẹn ghi mu otọ nii werriegbe ne ọmwa ne ọ ka yan rẹn ra avbe ivbi ẹre.

Nọmbas 10:10

Erriọ vbe nọ vbe ẹghẹ iku ọyẹnmwẹ, ẹghẹ Emwiukpo Uki Ọgbọn, kevbe emwiukpo ugamwẹ ọvbehe hia, wa gha viọ ese na giẹn uan ọghe uwa rre, kevbe ọghe isara, wa ghi kpe okpe na. Ẹghẹ nii, I gha yi uwa obọ. Mẹ ọ re Nọyaẹnmwa Osanobua rua.”

Nọmbas 36:4

Ọ gha ghi sẹ ukpo ne a viọ emwi ne a te khian nẹ werriegbe ne enarẹn, emwi ivbi Zẹlofehad ni ikhuo ghi khian ne a ghi mu ba ọghe ẹwae ne iran na rọnmwẹ ọdọ fẹẹrẹ: ọ ghi fe ẹwae ima fua.”

Ebe ne Pọl gbẹẹn gie emwa Rom 10:18

Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

Ebe ne Pọl gbẹẹn gie emwa Rom 15:19

La ekpa ẹtin, ama kevbe iwinna ọyunnuan kevbe ẹtin ọghe Orhiọn. Ọre a na miẹn wẹẹ I ke Jerusalẹm khian ya sẹ Ilirikọm. I kegha na ọna ọre ọ na fo ighẹ Iyẹn Ne ọ maa vbe ekpa Jesu Kristi.

I Tẹsalonaika 1:8

Rhunmwuda, wa rhie ẹmwẹ Nọyaẹnmwa gha rrie Masidonia kevbe Gris, a keghi vbe họn ẹmwẹ iyayi uwa vbe uwu Osanobua vbe ehe hia. Ẹmwẹ ọvbehe ne ima ghẹ ghi vbe ta i ghi rrọọ.

Jọsua 6:4

Avbe ohẹn ihinrọn ne ọkpọkpa vbọ mu orhu mwẹ obọ, ghi ke odaro ne Ẹkpẹti Ile ọghe Nọyaẹnmwa. Vbe ikpẹdẹ ne ogihinrọn ke uwa kevbe ivbiyokuo ruẹ ghi khian lẹga ẹvbo nii igba ihinrọn, avbe ohẹn ghi gha si orhu nii khian.