Levitikọs 25:6 - Edo Bible (E Baibol Ẹdo) Version 1996

⁶ Vbe ukpo vberriọ, oha ne a ma mu ẹre ugbo gha ya evbare koko uwa, avbe eviẹn uwa, emwa ne uwa viọ ye iwinna, avbe orhunmwuyẹn ni rre ẹvbo uwa.

Levitikọs 25:6 ပူးပေါင်းရင်းမြစ်များ

II Ọba 19:29

Ẹre Aizaia na tama e Hẹzekaia ne ọba wẹẹ, “Ama emwi ne ọ ra sunu ọ re ọ na khin. Ukpo na kevbe ukpo ne ọ dee, ọka ne ọ de zọ ọ re uwa ra re sokpan, ukpo ne ọ ghi lele ẹe, wa gha sẹtin kọ ọka obọ rua, wa ghi vbe rhọ ẹre. Wa gha kọ azara kevbe alimo ayọn.

Ẹksọdọs 23:11

Sokpan vbe ukpo ne ogihinrọn, wa ghi gie ẹe hẹwẹ, wa ghẹ rhọ emwiokọ ne ọ mọ vbọ. Ivbiogue nii rre uwu uwa sẹtin ya rri emwi ne ọ mọ vbọ, aranmwẹ oha ghi rri enọdekẹe. Erriọ wa gha vbe gha ru ugbo emwiokọ kevbe ọghe oha uwa.

Levitikọs 25:20

“Sokpan emwa eso gha kha wẹ, de emwi ne a ra re yi vbe ukpo ne ogihinrọn nii ne a ma na kọ emwi ye ugbo, a ma vbe rhọ emwiokọ?

Levitikọs 25:21

E Nọyaẹnmwa gha fiangbe otọe nii vbe ukpo ne ogiehan sẹ rriọ ne ọ gha ma emwiokọ ne ọ gha sẹ uwa re la ukpo eha.

Levitikọs 25:5

Wa ghẹ rhọ avbe ọka ni de zọọ ra ne uwa kọlọ ọmọ emwiokọ ayọn nọbaa ne uwa ma gbe iku yi. Ukpo ọghe a hẹwẹ kpẹe ọ re nọ ne otọe nii.

Levitikọs 25:7

Emwirri uwa kevbe aranmwẹ ni rre oha uwa. Emwikemwi ne otọe ne a ma kọ emwi yi nii ghi mọ ladian, wa rri ọe.

Iwinna 2:44

Iran ni yayi hia keghi wa gba gha ru emwi hia kugbe, iran keghi ghae ne egbe vbe emwi ne iran mwẹ.

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.