Levitikọs 25:5 - Edo Bible (E Baibol Ẹdo) Version 1996

⁵ Wa ghẹ rhọ avbe ọka ni de zọọ ra ne uwa kọlọ ọmọ emwiokọ ayọn nọbaa ne uwa ma gbe iku yi. Ukpo ọghe a hẹwẹ kpẹe ọ re nọ ne otọe nii.

Levitikọs 25:5 ပူးပေါင်းရင်းမြစ်များ

II Ọba 19:29

Ẹre Aizaia na tama e Hẹzekaia ne ọba wẹẹ, “Ama emwi ne ọ ra sunu ọ re ọ na khin. Ukpo na kevbe ukpo ne ọ dee, ọka ne ọ de zọ ọ re uwa ra re sokpan, ukpo ne ọ ghi lele ẹe, wa gha sẹtin kọ ọka obọ rua, wa ghi vbe rhọ ẹre. Wa gha kọ azara kevbe alimo ayọn.

Aizaia 37:30

Ẹre Aizaia na tama Hẹzekaia ne ọba wẹẹ, “Ghe igiemwi emwi ne ọ gha sunu. Ukpo na kevbe ukpo ne ọ gha lele ẹe, avbe ọka ni de zọ ọ re uwa ra re, sokpan, vbe ukpo ne ọ ghi lele ẹe, wa gha sẹtin kọ ọka, wa ghi vbe rhọ ẹre, wa ghi vbe kọ azara, wa ghi vbe rri ọmọ ẹnrẹn.

Levitikọs 25:11

Wa ghẹ kọ emwi ye ugbo, wa ghẹ rhọ avbe ọka ni de zọọ, ra na uwa ya kọlọ ọmọ emwiokọ ayọn nọbaa ne uwa ma gbe iku yi.

Levitikọs 25:4

Sokpan ukpo ne ogihinrọn ghi gha re ukpo ne a ya hẹwẹ nọ ne otọe nii, ukpo ne a ya fi ohan ne Nọyaẹnmwa. Wa ghẹ kọ emwi ye ugbo rua, wa ghẹ vbe gbe iku ye emwiokọ ayọn nọbaa ọghe uwa.

Levitikọs 25:6

Vbe ukpo vberriọ, oha ne a ma mu ẹre ugbo gha ya evbare koko uwa, avbe eviẹn uwa, emwa ne uwa viọ ye iwinna, avbe orhunmwuyẹn ni rre ẹvbo uwa.