Levitikọs 25:23 - Edo Bible (E Baibol Ẹdo) Version 1996

²³ “Wa ghẹ khiẹn otọ uwa fua fẹẹrẹ, rhunmwuda ẹ i re ọwuẹ ọghe Osanobua nọ, te uwa ye vbe orhunmwuyẹn ne a kue yọ ẹre ne ọ gha lo ẹre.

Levitikọs 25:23 ပူးပေါင်းရင်းမြစ်များ

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.

Psalm 39:12

Họn erhunmwu mwẹ Nọyaẹnmwa ne u vbe rhie ehọ ye eve mwẹ larre ne u do yọmwẹ obọ vbe I a gha viẹ. Ẹghẹ kherhe ọ re I mwẹ ne I gha ya vbe ehe ne u ye. Zẹ vbene avbe erha mwẹ odede vbe ye.

Ezikiẹl 48:14

Ako ne a ya fi ohan ne Nọyaẹnmwa ọrọre ne ọ maa sẹẹ ehia vbe otọe nii, a ghẹ vbe khiẹn vbọ hiehiere ra ne a yae rọ ra ne a ya ru ẹse ne ọmwa rhọkpa. Te ọ huanrẹn, ọghe Nọyaẹnmwa nọ.

Psalm 24:1

E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

I Krọnikol 29:15

E Nọyaẹnmwa, wẹ rẹnrẹn wẹ te ima la agbọn na gberra vbe emwa ni rrie iwe kevbe ekhẹn vbene avbe enikaro vbe ru. Te ẹdẹ agbọn mwa yevbe aghọnghọn ni rhie gberra khian, ma i sẹtin lẹ uwu fe.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”

Ẹksọdọs 19:5

A deghẹ wa gha họn ẹmwẹ mwẹ, wa na vbe rhie uhi mwẹ mwẹ, wa ghi do gha re emwa obọ mwẹ. Mẹ ọre ọ yan agbọn na hia, sokpan wa ghi gha re emwa ne I hannọ zẹ.

Joẹl 3:2

I gha si avbe uhunmwu ẹvbo hia si koko, I ghi viọ iran gha die Iya Ibuohiẹn. Evba nii ọ re I ra na bu ohiẹn iran vbe ekpa emwi ne iran ru emwa mwẹ re. Iran zagha ivbi Izrẹl kua, lele ẹvbo ẹrrẹe, iran keghi ghae Izrẹl ne otọe mwẹ.

Joẹl 2:18

E Nọyaẹnmwa mu ẹmwẹ otọe ẹre ro, ọ tohan emwa irẹn.

Hozia 9:3

Ivbi Izrẹl i ra vbe gha rre otọe e Nọyaẹnmwa, sokpan, te iran ra werriegbe gha rrie Igipt, iran ghi vbe ya gha rri evbare awua vbe Asiria.

Psalm 85:1

E Nọyaẹnmwa, u mobọ tohan emwa ruẹn, u gie agbọn dọlegbe ma Izrẹl.

II Krọnikol 7:20

Ẹghẹ nii, I ghi viọ uwa hin otọ ne I te mu ne uwa rre, I ghi lahin Ọgua Osa na rre, ehe ne I mẹ te ya khian ne ọ huanrẹn wẹ evba ni ọ re a gha na gha ga mwẹ. Emwa ghi gha ya ẹe gbogiẹ vbe ehe hia, iran ghi gha zan rẹn.

Levitikọs 25:10

Odẹ vberriọ, wa ghi zẹ ukpo ne ogie ekigbe siyeha kọ, wa ghi tie avbe emwa ni ghi rre otọe nii hia ni yan egbe iran vbe uwu ukpo nii, vbe ukpo vberriọ, emwi hia ne a te khiẹnnẹ kua, a ghi dọlegbe viọ ne ni yan iran ra uniẹn ivbi ẹre.

Aizaia 8:8

Iran gha bi la e Juda gberra zẹ vbe amẹ ne ọ lẹ, ọ ghi ro ya sẹ izabọ, ọ ghi ro gue emwi hia.” Osanobua rrọọ yaba mwa, ifuẹn ọnrẹn ne ọ rhan rẹn degue otọe mwa.

Psalm 119:19

Ovbi ẹghẹ kherhe ọ re I ya rre agbọn na, ghẹ rhie iyi ruẹ lẹre mẹ.

I Ọba 21:3

E Nabot keghi wanniẹn tama rẹn wẹẹ, “Obọ avbe erha mwẹ odede ọ re I na rri ugbo na vbe ukhu. Osanobua ghẹ gun mwẹ mu ẹẹn ne uẹn.”

Gẹnẹsis 47:9

E Jekọb keghi wanniẹn wẹẹ, “Ukpo ọgban yan iyisẹn ọre i he ya zozo. Avbe ukpo na keghi re ni i bun sokpan ọ kegha re ọghe ọlọghọmwa, ọ ma zẹdẹ yevbe avbe ukpo ne avbe erha mwẹ ya zozo.”

Gẹnẹsis 23:4

“Orhunmwuyẹn ọre I khin mwa na, wa khiẹn ewe uwa eso mẹ, ne I miẹn ehe re ọvbokhan mwẹ yi.”

Ẹksọdọs 2:22

Okhuo nii keghi biẹ ọmọ okpia ọkpa. E Mosis ke kha wẹẹ, “Ọrriọvbe ẹre I khin vbe ẹvbo ẹrrẹe, ọre I na he ere Gẹsiọm.”

Levitikọs 25:24

A gha khiẹn otọ, a ghi rhie ye ekhọe wẹ ọmwa ne ọ ka yan rẹn mwẹ ase ne a ya dẹ ọe werriegbe.

Psalm 39:13

Rhie obọ hin mwẹ ẹkun rre, ne I vbe fanmwegbua kherhe, a te do miẹn wẹ, I kpao gha rriẹ vbene a i ghi na miẹn mwẹ ọvbehe.