Levitikọs 25:2 - Edo Bible (E Baibol Ẹdo) Version 1996

² “Ne ọ viọ avbe emwamwa na ne ivbi Izrẹl. Ugbẹn vbe uwa a ghi sẹ otọ nii ne Nọyaẹnmwa ra mu ne uwa ne, wa ghi ya ọghọ ne Nọyaẹnmwa vbe kpa ne a gha na miẹn wẹ wa ma mu ugbo vbe otọe nii vbe ukpo ne ogihinrọn vbọ.

Levitikọs 25:2 ပူးပေါင်းရင်းမြစ်များ

II Krọnikol 36:21

Erriọ ọre a na miẹn wẹ ẹmwẹ ne Nọyaẹnmwa la unu e Jerimaia ne akhasẹ ta ye otọ do sunu wẹẹ, “Otọe ni gha dihoi rua la ukpo ekigbesiyenẹ ne ọ gha rre ihẹ uhẹwẹmwẹ Ẹdẹ Ikẹtin ne iran ma ghi zẹ yi.”

Psalm 115:16

E Nọyaẹnmwa okpa ọ re ọ yan ẹrinmwi, sokpan, ọ ya agbọn ne ọmwa.

Ẹksọdọs 23:10

“Wa ghi ya ukpo ehan gha kọ emwi ye otọ rua ne uwa vbe gha rhọ emwi ne ọ mọ ẹn vbọ.

Aizaia 8:8

Iran gha bi la e Juda gberra zẹ vbe amẹ ne ọ lẹ, ọ ghi ro ya sẹ izabọ, ọ ghi ro gue emwi hia.” Osanobua rrọọ yaba mwa, ifuẹn ọnrẹn ne ọ rhan rẹn degue otọe mwa.

Jerimaia 27:5

“Ẹtin kevbe iwegbe mwẹ nọkhua ọ re I ya yii agbọn na, emwa nagbọn kevbe avbe aranmwẹ oha ni rre agbọn, I keghi vbe mu ẹẹn ne ọmwaikọmwa ne ọ yẹ mwẹ.

Levitikọs 14:34

“Wa gha sẹ otọ Kenan ne I ra mu ne uwa ne ọ gha re ọghe uwa, I gha si irhunrhun ne ọ vẹ ye uwa owa.” Ẹre Nọyaẹnmwa ghi na ru emwamwa na ne iran.

Levitikọs 23:32

Ke ẹghẹ ne ovẹn ya dero vbe ikpẹdẹ ne ogihinrin yasẹ ẹghẹ ne ọ ya dero vbe ikpẹdẹ ne ogigbe wa ghi da ẹdẹ nii yi zẹ vbe ẹdẹ kpataki ne a ya kẹtin, vbe ẹghẹ na, wa ghẹ rri evbare rhọkpa.

Levitikọs 25:1

E Nọyaẹnmwa keghi gu e Mosis guan vbe Uhunmwu oke Sainai Ọ na wẹẹ,

Levitikọs 25:3

Vbe ukpo ehan vbọ, wa ghi kọ emwiokọ ye ugbo uwa, wa ghi gbe iku ye emwiokọ ayọn ne ọ baa ọghe uwa, wa ghi vbe rhọ emwiokọ uwa si koko.

Diuteronomi 32:49

“Gha rrie Oke ọghe Abarim ne ọ rre otọ Moab vbe ehe ne ọ mu aro da Jẹriko. Mu Oke Nebo hin ne u ghe otọe Kenan ne I ra mu ne ivbi Izrẹl ban.

Diuteronomi 32:8

Nọyosẹ ọ re ọ ghae otọe sẹ ẹvbo obọ, rẹn ọ re ọ ta ehe ne emwa gha yin, ọ ghae otọ edọmwadẹ ẹvbo ne ẹẹn.

Diuteronomi 34:4

Ẹre Nọyaẹnmwa na tama e Mosis wẹẹ, “Otọe ne I ve Ebraham, Aizik kevbe Jekọb re wẹ I gha mu ne ivbi iran ena khin. I rhie ẹre ma ruẹn sokpan, mẹ i ra kue ne u gha rrie evba.”