Levitikọs 25:10 - Edo Bible (E Baibol Ẹdo) Version 1996

¹⁰ Odẹ vberriọ, wa ghi zẹ ukpo ne ogie ekigbe siyeha kọ, wa ghi tie avbe emwa ni ghi rre otọe nii hia ni yan egbe iran vbe uwu ukpo nii, vbe ukpo vberriọ, emwi hia ne a te khiẹnnẹ kua, a ghi dọlegbe viọ ne ni yan iran ra uniẹn ivbi ẹre.

Levitikọs 25:10 ပူးပေါင်းရင်းမြစ်များ

Ẹzra 1:3

Osanobua ne ọ yaba uwa hia ni re emwa rẹn. Wa ghi do gha rrie Jerusalẹm ne uwa ya dọlegbe bọ Ọgua Osa ọghe Nọyaẹnmwa ne Osanobua Izrẹl, Osanobua ne a go wan vbe Jerusalẹm.

Psalm 146:7

ọ bu ohiẹn ne ọmwa ne a zẹ kpokpo, ọ ghi gha rhie evbare ne ọmwa ne ohanmwẹ gbe. E Nọyaẹnmwa fannọ avbe oleghan kua.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Aizaia 49:9

I gha tama avbe oleghan wẹẹ, ‘Wa kpao ighẹ a fannọ uwa kua nẹ kevbe iran ni rre uwu ebiebi wẹ wa ladian gha die uwu uwanmwẹ.’

Aizaia 63:4

Te I khare wẹ, ẹghẹ sẹe nẹ ne I gha na miẹn avbe emwa mwẹ fan, ẹghẹ sẹe nẹ ne I gha na rri eghian iran oya.

Jerimaia 34:10

Avbe emwa nii hia kevbe avbe ọkaolotu iran keghi ye obọ yọ wẹ iran gha fannọ avbe eviẹn iran kua.

Jerimaia 34:8

E Zedekaia ne ọba kevbe avbe emwa ni rre Jerusalẹm keghi taa ẹe wẹ iran ra fannọ avbe eviẹn kua ke

Ezikiẹl 46:17

Sokpan, a deghẹ ovbiọba ne ọ rre asẹ mu otọe ne ọkpa vbe uwu iran ni winna ne ẹẹn, otọe nii ghi dọlegbe khian ọghe ovbiọba nii vbe ukpo Amuẹn werriegbe. Ọghọe nọ, rẹn kevbe ivbiẹre ọkpa ọ re ọ sẹtin yan rẹn rhinrin ẹdẹ.

Levitikọs 25:11

Wa ghẹ kọ emwi ye ugbo, wa ghẹ rhọ avbe ọka ni de zọọ, ra na uwa ya kọlọ ọmọ emwiokọ ayọn nọbaa ne uwa ma gbe iku yi.

Levitikọs 25:13

Vbe ukpo na, emwi ne a te khiẹnnẹ kua, a ghi dọlegbe hẹ ne nọyan rẹn.

Levitikọs 25:41

Ọ gha sẹ ẹghẹ nii rẹn vbe ivbi ẹre ghi sẹ uẹ rae, iran ghi dọlegbe gha rrie ẹgbẹe iran, iran ghi gha rrie ehe ne emwi ewe avbe erha iran odede ye.

Levitikọs 25:54

A deghẹ a ghi la odẹ na hia, a ma miẹn ne a ghi la dẹ ọe werriegbe vbọ, ọ gha sẹ ukpo Afanvbirri ne ọ lele ẹe, a ghi faẹn fannọ ivbi ẹre kua.

Iyẹn ne ọ Maan Ọghe Luk 1:74

Ọ wẹ rẹn gha miẹn mwa fan vbe obọ avbe eghian mwa. Ne ima miẹn otọ na gha gae vbe ne a i na fian afianma.

II Kọrinti 3:17

Vbe ehe ne a tie re na, Orhiọn ọre a kha vbe a guan kan “Nọyaẹnmwa.” Eheikehe ne Orhiọn Nọyaẹnmwa a rhirhi gha ye, a yan egbe ọmwa rre evba.

Galatia 4:25

Hega mudia ye ihe Sainai, oke ne ọ rre Arebia, rẹn keghi vbe re ama Jerusalẹm ne ọ rrọọ ẹdẹnẹrẹ na, ne ọ re ọviẹn ke ẹe kevbe emwa rẹn hia.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

I Pita 2:16

Wa gha ru emwi ọmwa ne ọ yan egbe ẹre, sokpan wa ghẹ ba muẹn, mẹ ọ yan egbe mwẹ gue aro gha zẹ iba, sokpan wa gha ru emwi zẹ vbe eviẹn Osanobua.