Levitikọs 24:6 - Edo Bible (E Baibol Ẹdo) Version 1996

⁶ U ghi mwamwa ebrẹd nii ye uviẹn eva vbe uhunmwu eteburu ne a ya igoru ne a ma gua rhu vbe odaro e Nọyaẹnmwa, ehan vbe uviẹn ọkpọkpa.

Levitikọs 24:6 ပူးပေါင်းရင်းမြစ်များ

I Ọba 7:48

E Solomọn keghi wẹ ne a vbe ya igoru ru emwi ne a ya te Ọgua Osa, Ogiukpo igoru kevbe e tebul ne a viọ ebrẹd yi.

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

II Krọnikol 4:19

E Solomọn ne ọba na vbe wẹ ne a ya igoru ru avbe emwi ne a ya te Ọgua Osa, Ogiukpo kevbe eteburu ne a viọ ebrẹd ne a ya yo imuohan gie Osa ye.

Nehimaia 10:33

Ma gha viọ avbe emwi na rre ne a ya gha ru ugamwẹ vbe Ọgua Osa: ebrẹd itaemwi, ọka imuohan ẹdẹgbegbe, aranmwẹ ne a gha giẹn ya gha zọ ese ẹdẹgbegbe, emwi ne a ya zọ ese vbe Ẹdẹ ikẹtin, Emwiukpo Uki Ọgbọn, kevbe avbe emwiukpo ọvbehe, avbe emwi imuohan ni dekẹe, emwi izọ ese ne a ya khiẹn orukhọ ivbi Izrẹl kua kevbe avbe emwi ọvbehe hia ne a ghi gualọ vbe Ọgua Osa.

Nehimaia 10:34

Ma kevbe avbe ohẹn kevbe avbe Livai gha yan uta yọ ukpukpo ne a ya rẹn ẹwae ne ọ gha ho erhan ne a ya giẹn ese ne a zọ ghe Nọyaẹnmwa ne Osanobua mwa zẹ vbene Uhi khare.

Ẹksọdọs 25:30

A ghi mu eteburu nii, ye odaro Ẹkpẹti Ile nii, Ebrẹd iruemwi, ne a ya ru izọhẹ gunmwẹ ghi gha rre uhunmwu eteburu nii vbe ẹghẹ hia.

Ẹksọdọs 39:36

Eteburu kevbe avbe emwi ne a ya ru emwi vbọ hia, ebrẹd ne a ya yo imuohan gie Osanobua.

Ezikiẹl 41:22

erhan ọ re a ya ru ẹe. Ọmwa nii keghi tama mwẹ wẹẹ, “Ọnọna ọrọre eteburu ne a mu ye ehe ne Nọyaẹnmwa ye.”

I Kọrinti 14:40

Wa ghi gha ru emwi hia ururo kevbe uhẹn uhẹn.

Hibru 9:2

Iran keghi gbe Ọgua ukpọn, ne ọ ke ore vbọ, a kegha tie ẹre Ehe Ne ọ Huanrẹn. Emwi ne ọ rre emwa kegha re, ukpa, eteburu kevbe ebrẹd ne a ya fi ohan ne Osanobua.