Levitikọs 24:4 - Edo Bible (E Baibol Ẹdo) Version 1996

⁴ Errọn ghi gha gbe aro ghe avbe ukpa ni rre uhunmwu erhan ọmukpa ọghe igoru na a ma gua, ọ ghi miẹn wẹ ọ wa baa ẹghẹ hia vbe odaro e Nọyaẹnmwa.

Levitikọs 24:4 ပူးပေါင်းရင်းမြစ်များ

I Ọba 7:49

Erhan ọmukpa igoru igbe ne ọ rre odaro Ehe Ne ọ Huan Sẹẹ Ehia, isẹn vbe odẹ ekẹn vbọ, isẹn vbe odẹ okuọ avbe obobo, avbe ukpa kevbe avbe awan,

I Krọnikol 28:15

Ne a gha ya ru ukpa kevbe avbe erhan ọmukpa.

II Krọnikol 29:7

Iran khui urho Ọgua Osa, iran gie ukpa dọyọ, iran ma ghi giẹn eturari ra ne iran zọ ese ne a tọn ẹn vbe Ọgua Osa ọghe Osanobua Izrẹl.

Ẹksọdọs 31:8

Eteburu kevbe emwi ne a viọ ke ẹe, erhan ọmukpa ọghe igoru ne a ma gua, kevbe emwi ne a viọ lele ẹe, aka ne a na giẹn eturari.

Ẹksọdọs 39:37

Erhan ọmukpa ọghe igoru ne a ma gua, ukpa ni rrọọ, avbe ukpa ne a gha tẹn ye uviẹn, kevbe avbe emwi ne a ya ru emwi vbọ hia, ofigbọn ne a sa ye ukpa.

Jerimaia 52:19

Iran keghi vbe viọ avbe emwi hia ne a ye esiliva kevbe igoru ru, avbe ọkpan negiẹrẹ, avbe uyẹngbe ne a wan erhẹn yi, avbe ọkpan na a da esagiẹn emwi ne a ya zọ ese yi, avbe emwi ne a ya hẹ emuẹn avbe erhan ọmukpa, avbe ọkpan eturari, kevbe avbe ọkpan ne a ya hihiẹ ayọn imuohan kua.

Levitikọs 24:3

Ẹdẹgbegbe vbe ota ọre Errọn gha ya gha ru ẹe, ọ ghi gie iran gha baa hinrin yasẹ owiẹ. Vbe odaro e Nọyaẹnmwa vbe iyeke ukpọn onurho ne ọ rre odaro Ẹkpẹti Ile ne ọ rre Ehe Nọhuansẹ Ehia. A ghi da emwamwa na yi ẹdẹdẹmwẹdẹ.

Nọmbas 3:31

Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.

Nọmbas 4:9

“Iran ghi rhie ukpọn ne raghoragho rhu erhan ọmukpa ke ẹe kevbe avbe ukpa ni rrọọ, kevbe awan, kevbe ekpamaku ne a ya wan erhẹn mu ofigbọn oliv yi.

Nọmbas 8:2

“Tama Errọn wẹ ọ gha viọ avbe ukpa ihinrọn yan uhunmwu erhan ọmukpa, ọ ghi viọ ẹre yọ vbe ne awanwan rẹn gha na la ghe odaro.”

Hibru 9:2

Iran keghi gbe Ọgua ukpọn, ne ọ ke ore vbọ, a kegha tie ẹre Ehe Ne ọ Huanrẹn. Emwi ne ọ rre emwa kegha re, ukpa, eteburu kevbe ebrẹd ne a ya fi ohan ne Osanobua.

Arhie Maan 1:20

Ọnọna ọrọre oro emwi ne a yae kha ighẹ orhọnmwẹ ihinrọn, ne u bẹghe vbe obọ erha ọmwa mwẹ, ke ẹe kevbe avbe erhan ọmukpa igoru ihinrọn nii, avbe orhọnmwẹ ihinrọn ni, ọrọre avbe odibosa avbe esọsi ihinrọn nii, avbe erhan ọmukpa ọrọre avbe esọsi ihinrọn nii.

Arhie Maan 11:4

Avbe osẹe eva na ọrọre avbe erhan ohọ kevbe ukpa eva ni mudia vbe odaro e Nọyan agbọn.

Arhie Maan 2:5

Ye ehe ne u he de sẹ ẹro! Zẹ obọ vbe orukhọ ne u ru, ne u gha ru vbene u te ka gha ru vbe ẹghẹ okaro. A deghẹ u ma zẹ obọ vbe orukhọ ne u ru, I gha bu ruẹ gha dee, I ghi do mu erhan ọmukpa ruẹ hin ihe ẹre rre.