Levitikọs 24:22 - Edo Bible (E Baibol Ẹdo) Version 1996

²² Te uhi na dekan uwa hia, ivbi Izrẹl, kevbe avbe orhunmwuyẹn ni rre ehe ne uwa ye rhunmwuda, mẹ ọ re Nọyaẹnmwa Osanobua ruẹ.”

Levitikọs 24:22 ပူးပေါင်းရင်းမြစ်များ

Ẹksọdọs 12:49

Erriọ vbe nọ ne ivbi Izrẹl ne a biẹlẹe vbe owa kevbe orhunmwuyẹn ne ọ yin uwa ẹvbo.”

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 19:34

Wa gha ya obọ ne uwa ya mu ivbi Izrẹl ne iho uwa mu iran, wa ghi vbe gha ho ẹmwẹ iran vbene uwa ho ẹmwẹ egbe uwa. Wa yerre ighẹ orhunmwuyẹn wa gha khin vbe otọe Igipt. Mẹ ọ re Nọyaẹnmwa ne Osanobua rua.

Levitikọs 24:23

E Mosis ghi gu ivbi Izrẹl guan nẹ, iran keghi rhie ọmwa nii hin ore agọ rre, iran keghi filo okuta gbe ẹe rua vbe odẹ vbenian, ivbi Izrẹl keghi ru vbene Nọyaẹnmwa tama e Mosis.

Nọmbas 15:29

Emwamwa ọkpa ọre ọ kan emwa hia ni ru orukhọ vbe ne ẹ i na re ẹmwẹ ọnrẹn, ọre ọmọ otọ nọ ra orhunmwuyẹn.

Nọmbas 9:14

“A deghẹ orhunmwuyẹn ne ọ rre ehe ne uwa ye we rẹn gha ru emwiukpo Alagberra, ọ ghi ru ẹe zẹ vbe emwamwa kevbe ilele ne ọ rrọọ. Uhi ọkpa ni ọre ọ kan emwa hia, ọre ọmọ otọ nọ ra ọrriọvbe.”

Diuteronomi 1:16

Vbe ẹghẹ nii, I keghi rhie igiodẹ ne iran wẹẹ, ‘Wa gha danmwehọ imuaẹmwẹ ni rre uwu avbe emwa uwa. Wa ghi gha bu ohiẹn ẹmwata, ọ re emwa uwa ọkpa ọ re ẹzọ sunu na ra te ọ vbe dekan avbe orhunmwuyẹn ni rre uwa ẹvbo.