Levitikọs 24:2 - Edo Bible (E Baibol Ẹdo) Version 1996

² Ne ọ tama ivbi Izrẹl ne iran viọ ofigbọn ọliv ne a ma gua ne ọ wa maa sẹ ne ọ gha re ọghe ukpa ne ọ rre Owa Ukpon Ile. Ne a miẹn ehe na gie ukpa gha baa vbe ne ẹ i na dọyọ.

Levitikọs 24:2 ပူးပေါင်းရင်းမြစ်များ

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

Psalm 119:105

Ukpa ne ọ ma mwẹ odẹ ọ re ẹmwẹ ruẹn khin, kevbe uwanmwẹ ne ọ rre odẹ mwẹ.

Psalm 119:130

Irhanotọ iruẹmwi ruẹn rhie uwanmwẹ rre, ọ vbe ma iran ni ma rẹn emwi ẹwaẹn.

Ẹksọdọs 39:37

Erhan ọmukpa ọghe igoru ne a ma gua, ukpa ni rrọọ, avbe ukpa ne a gha tẹn ye uviẹn, kevbe avbe emwi ne a ya ru emwi vbọ hia, ofigbọn ne a sa ye ukpa.

Ẹksọdọs 40:24

Ọ keghi mu erhan ọmukpa ye uwu Owa Ukpọn, ọ na mu aro da eteburu vbe odẹ ekẹn ọghe Owa Ukpọn.

Itan 6:23

Ukpa ne ọ baa ọ re igiodẹ iran khin, vbene iran ya dia ruẹ ye odẹ, gha sẹtin ma ruẹn vbene u gha ya gha yin hẹ.

Aizaia 11:2

Orhiọn e Nọyaẹnmwa gha rhie ẹwaẹn ne ẹẹn, deba irẹnmwi kevbe iguemwi ne ọ gha ya gha khaemwisẹ yan avbe emwa rẹn, rẹn gha rẹn emwi ne Nọyaẹnmwa ho ọ ghi vbe gha ya ọghọ ne ẹẹn,

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Levitikọs 24:1

E Nọyaẹnmwa keghi tama e Mosis.

Levitikọs 24:3

Ẹdẹgbegbe vbe ota ọre Errọn gha ya gha ru ẹe, ọ ghi gie iran gha baa hinrin yasẹ owiẹ. Vbe odaro e Nọyaẹnmwa vbe iyeke ukpọn onurho ne ọ rre odaro Ẹkpẹti Ile ne ọ rre Ehe Nọhuansẹ Ehia. A ghi da emwamwa na yi ẹdẹdẹmwẹdẹ.

Matiu 4:16

Iran ni rre uwu ebiebi, gha miẹn uwanmwẹ nọkhua. Uwanmwẹ gha wan yan iran, ni rre otọe uwu ne ọ so ebiebi.”

Matiu 5:16

Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.

Iyẹn ne ọ Maan Ọghe Luk 1:79

Rẹn wan uwanmwẹ ke ẹrinmwi rre, yan emwa hia ni rre ebiebi aghọnghọn uwu ne ọ dia owẹ mwa lele uro odẹ ọfumwegbe.”

Iyẹn ne ọ Maan Ọghe Luk 12:35

“Wa rra ukpọn mu ẹkun, wa gie ukpa uwa gha baa, ne uwa mu egbe ye otọ khẹ emwi ne ọrhirhi a gha khin.

Iyẹn ne ọ Maan Ọghe Jọn 1:4

Nene ẹmwẹ ne a guan keghi mwẹ arrọọ vbe uwu irẹn, arrọọ na ọre ọ rhie uwanmwẹ gie emwa ne agbọn.

Iyẹn ne ọ Maan Ọghe Jọn 1:9

Ọnọna ọrọre uwanmwẹ ne uwanmwẹ, uwanmwẹ ne ọ rrie agbọn do wan mu emwa hia.

Iyẹn ne ọ Maan Ọghe Jọn 5:35

Jọn keghi ye vbe ukpa ne ọ baa, ne ọ vbe wan uwanmwẹ ladian, wa keghi ho ne uwa ya uwanmwẹ ọnrẹn zọmọ vbe ovbi e ẹghẹ kherhe.

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.