Levitikọs 24:15 - Edo Bible (E Baibol Ẹdo) Version 1996

¹⁵ Iyeke ọnii, u ghi tama ivbi Izrẹl wẹẹ ọmwa ne ọ rhirhi tie ihẹn ne Osa, uhunmwu ọ ra ya yọ,

Levitikọs 24:15 ပူးပေါင်းရင်းမြစ်များ

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Ẹksọdọs 22:28

“Ghẹ fi unu gie Osanobua, ghẹ kpa unu ghe ọkaolotu emwa ruẹn.

Levitikọs 18:21

Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa.

Levitikọs 5:1

“Avbe emwi vbenian ọre a gha zọ ese orukhọ yi. A gha la odẹ ne a ru ẹe la tie ọmwa ne ọ do sẹ osẹe vbe iko, a deghẹ ọ ma ta ẹmwẹ nii zẹ vbene aro ẹre sẹ ọe, ra vbene a tama irẹn hẹ, ọ rri abe.

Nọmbas 9:13

Sokpan, a deghẹ ọmwa ne awua i gue nọ, ighẹ ọ ma vbe yo ehe rhọkpa, ne ọ ma ru emwiukpo Alagberra, a i ghi vbe kae ba avbe emwa mwẹ, rhunmwuda ọ ma zẹ ọhẹ ni gunmwẹ vbe ẹghẹ ne a mwa yọ. Uhunmwu ẹnrẹn ọre ọ ra ya mu emwi ne ọ gha ke orukhọ ẹre ikian.