Levitikọs 24:11 - Edo Bible (E Baibol Ẹdo) Version 1996

¹¹ (Iye ọmwa nii keghi re Sielomit ne ovbi Dibri ne ọ ke ẹwae Dan rre) vbe uwu ẹzọ nii okpia nii ke ghi tie ihẹn ne Nọyaẹnmwa, iran keghi mu ẹẹn bu e Mosis gha khian.

Levitikọs 24:11 ပူးပေါင်းရင်းမြစ်များ

II Samuẹl 12:14

Sokpan rhunmwuda otilua ne u mwẹ ghe Nọyaẹnmwa, ọmọ na gha wu.”

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

II Ọba 18:30

Wa ghẹ gie ẹe vbe kpikpi uwa wẹ ne uwa mu ẹtin yan e Nọyaẹnmwa. Wa ghẹ gha ro ighẹ e Nọyaẹnmwa gha miẹn uwa fan kevbe wẹ ẹ i ra gie ivbi iyokuo ima ne Asiria khọn ẹvbo uwa muotọ.

II Ọba 18:35

De ẹghẹ ne ẹbọ avbe ehe ne a kha na hia na miẹn iran fan vbe obọ Ọgbaisi ima? Vbe uwa ghi na ro hẹ ighẹ e Nọyaẹnmwa gha miẹn e Jerusalẹm fan?”

II Ọba 18:37

Ẹre Eliaikim, Siebna kevbe Joa na sọ ukpọn iran an vbe akhiẹ, iran na ya na iyẹn ẹmwẹ ne ekaokuo Asiria do ta ma rẹn.

II Ọba 19:10

Ne ọ ya tama rẹn wẹẹ, “Osanobua ne u mu ẹtin yan tama ruẹn nẹ wẹ obọ mwẹ i ra gba ruẹ, ghẹ gie ẹmwẹ na rẹrẹ uẹ o o.

II Ọba 19:22

De ọmwa ne uwẹ ro ighẹ u kpa unu ghe usin ne u na vbe ya ẹe gbe ogie yi? U ma ya ọghọ mẹ, mẹ ne Osanobua ne ọ huanrẹn ọghe Izrẹl.

II Ọba 19:6

Ọ keghi rhie ewanniẹn werriegbe gie ẹe wẹẹ, “E Nọyaẹnmwa tama ruẹn wẹ ghẹ gie ivbi Asiria ya ohan mu uẹn vbene iran gha na gha kha wẹ rẹn i ra sẹtin miẹn ruẹn fan.

Job 1:11

U gha miẹn ẹre emwi hia ne ọ mwẹ, u gha miẹn wẹ, ọ gha sirra gha tie ihẹn ne uẹn!”

Job 1:22

Vbene emwi na hia ye sunu sẹ, e Job ma rukhọ vbe ekpa ne ọ gha na zan Osanobua.

Job 1:5

Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Job 2:5

Sokpan, giẹ a kha ighẹ te u kuan irẹn tobọ ẹre egbe banbanna, ọ gha sirra a tie ihẹn ne uẹn.”

Psalm 74:18

Sokpan, yerre Nọyaẹnmwa wẹẹ avbe eghian an wa giọ ọ kevbe wẹ iran ma rẹn ruẹn iran vbe zan ruẹn.

Psalm 74:22

Rhiọrre Osanobua ne u khọn ekhae ne egbe ruẹ, yerre wẹ, avbe emwa ni ma rẹn ruẹn wa giẹ uwẹ ne ebi ro.

Ẹksọdọs 18:22

Gie iran gha re ne ọ bu ohiẹn iran na ne a wa rẹn yọ. Iran sẹtin gha viọ ẹzọ nii lọghọ bu ruẹ rre, sokpan iran ghi gha tobọ iran bu avbe ne giẹrẹ nii rrọọ. Erriọ ọre ọ gha na khuẹrhẹ nuẹn sẹ vbe iran ra guẹ mu vbe ihe na.

Ẹksọdọs 18:26

Iran kegha re emwa nii bu ohiẹn ọghe emwa nii, zẹ vbe emwa ne a wa rẹn yọ, iran kegha viọ ẹzọ nii lọghọ nii rrọọ bu e Mosis rre, sokpan iran na tobọ iran gha bu ohiẹn ẹzọ ne giẹrẹ nii rrọọ.

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Ẹksọdọs 22:28

“Ghẹ fi unu gie Osanobua, ghẹ kpa unu ghe ọkaolotu emwa ruẹn.

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Aizaia 8:21

Emwa gha zozo lele otọe nii zẹ vbe emwa ne ẹtin fo kevbe ne ohanmwẹ gbe. Vbe uwu ne ohu na mu iran kevbe ne ohanmwẹ na vbe gbe iran nii, iran ghi filo unu gie ọba iran nii, iran ghi filo unu gie ọba iran kevbe Osanobua iran. Iran sẹtin gha ghe odukhunmwu

Levitikọs 24:10

Okpia ọkpa ne iye ẹe re ovbi Izrẹl, erha e keghi re ovbi Igipt ke ghi lele ivbi Izrẹl ladian, ẹzọ keghi sunu ne irẹn kevbe ovbi Izrẹl ọkpa vbe agọ.

Matiu 26:65

Ugbẹn vbe Ogie Ohẹn ghi họn ọna, ọ sọ ukpọn rẹn uan. Ọ wẹẹ, “Ọ rhoro, ma i ghi vbe gualọ osẹe ọvbehe. Wa tobọ uwa họn ẹmwẹ dan ne ọ guan rẹn.

Ebe ne Pọl gbẹẹn gie emwa Rom 2:24

Rhunmwuda Ebe tae wẹ, “Rhunmwuda avbe uwa ne Ju, eni Osanobua keghi khian ne avbe iran ne ẹ i re Ju ghi ye ukpẹ sakan.”

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.

Arhie Maan 16:11

Iran keghi ya ẹbọ yan Osanobua ne ọ rre ẹrinmwi rhunmwuda ẹtẹ kevbe obaloọ iran, sokpan, iran ma ladian vbe odẹ dan ne iran ye.

Arhie Maan 16:21

Okuta isan avan ẹrẹkhẹrẹ ne ọkpọkpa vbọ gha sẹ omwa uwan iyisẹn, kegha ke iso werriẹ gbe emwa. Emwa keghi ye ihẹn yan Osanobua rhunmwuda egboghogbogho isan avan nii, rhunmwuda ugborrirri wa gha nọ ighẹ nene egboghogbogho.