Levitikọs 24:10 - Edo Bible (E Baibol Ẹdo) Version 1996

¹⁰ Okpia ọkpa ne iye ẹe re ovbi Izrẹl, erha e keghi re ovbi Igipt ke ghi lele ivbi Izrẹl ladian, ẹzọ keghi sunu ne irẹn kevbe ovbi Izrẹl ọkpa vbe agọ.

Levitikọs 24:10 ပူးပေါင်းရင်းမြစ်များ

Ẹksọdọs 12:38

Emwa nibun ọvbehe deba ohuan nibun, ẹwe kevbe ẹmila kevbe lele iran.

Levitikọs 24:11

(Iye ọmwa nii keghi re Sielomit ne ovbi Dibri ne ọ ke ẹwae Dan rre) vbe uwu ẹzọ nii okpia nii ke ghi tie ihẹn ne Nọyaẹnmwa, iran keghi mu ẹẹn bu e Mosis gha khian.

Levitikọs 24:9

Errọn kevbe ivbi uniẹn ọnrẹn ọre ọ yan ebrẹd nii, iran ghi vbe gha rri ọe vbe ehe ne ọ huanrẹn rhunmwuda, ehe ne ọ mobọ huan vbe evbare nii ne a ya zẹ ọhẹ gie Nọyaẹnmwa ne avbe ohẹn ọre ọna khin.

Nọmbas 11:4

Emiowo keghi wa kakabọ gha khọn avbe erhunmwuyẹn ni lele ivbi Izrẹl khian, avbe ivbi Izrẹl tobọ iran na vbe suẹn gha gui ẹzọ uwunu wẹẹ, “Vbọ rrọọ akpawẹ ma miẹn emiowo re nian!