Levitikọs 23:5 - Edo Bible (E Baibol Ẹdo) Version 1996

⁵ Ovẹn gha dero nẹ vbe ikpẹdẹ ne ogiwenẹ ọ ghe uki ne okaro, ọre a na ru emwiukpo Alagberra ne a ya gowan e Nọyaẹnmwa.

Levitikọs 23:5 ပူးပေါင်းရင်းမြစ်များ

Ẹksọdọs 23:15

Vbe uki Abib, uki ne uwa na kpao hin Igipt rre, wa ghi ru emwiukpo Ebrẹd nọmahue; zẹ vbene iyi ẹre nii yi ma uwa, wa ghẹ rri ebrẹd ne ọ huere la ikpẹdẹ ihinrọn vbe ẹghẹ emwiukpo na. Omwa ikọmwa ghẹ fiabọ emwi imuohan bu mwẹ gha dee.

Ezikiẹl 45:21

“Vbe ikpẹdẹ ne ogiwenẹ vbe uki ne okaro, wa ghi suẹn Emwiukpo Alagberra. Vbe uwu ikpẹdẹ ihinrọn, emwa hia ghi gha rri ebrẹd ne a ma ya eyist le.

Matiu 26:17

Vbe ikpẹdẹ ne okaro ọghe Emwiukpo Eka Ne ọ ma hue, avbe erhuanegbe bu Jesu gha dee do nọ rẹn wẹẹ, “De ehe ne u ho ne ima na mu egbe evbare ota Alagberra ye otọ khẹ ruẹ?”

Iyẹn ne ọ Maan Ọghe Mak 14:12

Vbe ikpẹdẹ ne okaro ọghe Emwiukpo Eka Ne ọ ma hue, vbe ẹdẹ ne a gbele avbe ohuan Alagberra, avbe erhuanegbe Jesu nọ rẹn wẹẹ, “De ehe ne u ho ne ima na ya le evbare Alagberra ye otọ khẹ ruẹ?”

Iyẹn ne ọ Maan Ọghe Luk 22:7

Vbe ẹghẹ Emwiukpo Ebrẹd ne ọ ma hue, ọ keghi sẹ ẹdẹ ne a gbe oteghe ohuan Alagberra.

Jọsua 5:10

Ẹghẹ ne ivbi Izrẹl na gha rre agọ vbe Gilgal, vbe otọe ne ọ rriẹe ne ọ rre ọkpẹn e Jẹriko, iran keghi ru emwiukpo Alagberra vbe ota ọghe ikpẹdẹ ne ogiwenẹ ọghe uki nii.