Levitikọs 23:4 - Edo Bible (E Baibol Ẹdo) Version 1996

⁴ Wa ghi ya avbe emwiukpo na wewe vbe ẹghẹ ne a rhie yọ.

Levitikọs 23:4 ပူးပေါင်းရင်းမြစ်များ

Nehimaia 8:15

Rhunmwuda ọnii, iran ke yi uhi na wẹ ne a ya tae ma emwa ni rre Jerusalẹm ke avbe okpẹvbo ke ore nekhua hia nekpa wẹẹ, “Wa gha rrie avbe oke ya giagia ewanmwẹ, ebe ẹgogo, orriema kevbe ebe ne a ya bọ owa, ne uwa do gbe irhu zẹ vbene a gbẹnnẹ ọẹn ye ebe Uhi.”

Ẹksọdọs 12:14

Ẹdẹ na ghi gha re ẹdẹ ne a gha yerre ne uwa. Wa ghi gha ru emwi ukpo ẹre ne I ya ye emwi ne imẹ ne Nọyaẹnmwa ru rre. Wa ghi gha ru ẹe ke orre ya sẹ orre zẹ vbe emwiukpo ẹdẹdẹmwẹdẹ.

Ẹksọdọs 23:14

Igba eha vbe ukpo ọre uwa gha ru emwiukpo mẹ.

Aizaia 29:1

Ọghe Jerusalẹm tobọẹre, ne ọ vbe re Ogiukpo Osanobua fo vbe otọ. Ọghe ẹvbo nii ne Devid bu agọ yi fo vbotọ. Gie ukpo okpa ra eva ọvbehe deba ugie kevbe emwi ukpo ne a ru vbọ vbe rre ne ọ vbe rrie,

Ezikiẹl 44:24

Imuaẹmwẹ ne a tie uhi ginna gha sunu, avbe ohẹn ghi lele uhi mwẹ ya bu ẹre. Iran ghi gha ru avbe emwi ukpo iyayi zẹ vbe uhi kevbe ilele mwẹ, iran ghi vbe zẹ Ẹdẹ Ikẹtin kọ zẹ vbe emwi nọhuanrẹn.

Levitikọs 23:2

ighẹ avbe emwamwa na ọ ghe avbe emwiukpo ugamwẹ ne emwa Izrẹl hia gha na si koko ne iran ru ugamwẹ.

Levitikọs 23:21

Vbe ẹdẹ ne ẹdẹrriọ wa ghẹ winna iwinna obọ rua rhọkpa, sokpan wa ghi si koko ne uwa ru ugamwẹ. Ivbi uniẹn ruan ghi gha lele ilele na ẹdẹdẹmwẹdẹ vbe ehe ne iran a rhirhi gha ye.

Levitikọs 23:37

(Ena ọrọre emwiukpo ugamwẹ ne uwa gha ya gha rhie ọghọ ne Nọyaẹnmwa vbe ne uwa gha na gha si koko vbe ugamwẹ kevbe ne uwa vbe gha zẹ ọhẹ evbare, ese na giẹn uan izẹọhẹ ọka, ese na zọ kevbe izẹọhẹ ọghe ayọn, zẹ vbe ne a ho ẹre yi ke ẹdẹ dina ẹdẹ.

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.