Levitikọs 23:39 - Edo Bible (E Baibol Ẹdo) Version 1996

³⁹ Vbe ikpẹdẹ ekesugie ọghe uki nogihinrọn, vbe uwa a ghi rhọ emwiokọ ugbo rua nẹ, wa ghi ru emwiukpo na la ikpẹdẹ ihinrọn. Ikpẹdẹ ne okaro ghi gha re ne a ya hẹwẹ kpataki.

Levitikọs 23:39 ပူးပေါင်းရင်းမြစ်များ

Ẹksọdọs 23:16

Wa ghi vbe gha ru emwi ukpo Akọrhọre Ọka vbe uwa gha rhọ emwi okaro ne uwa kọ ye ugbo rua. Wa ghi ru emwiukpo Emwiorhọ Okaro vbe ufomwẹ ukpo vbe uwa a ghi rhọ emwiorhọ ke ugbo kevbe agọ rre.

Diuteronomi 16:13

“Wa ghẹ ghi rhọ ọka uwa fo nẹ, ighẹ wa vbe ru ẹmwẹ alimo fo nẹ, wa ghi ya ikpẹdẹ ihinrọn ru Emwiukpo Irhu.

Levitikọs 23:36

Ẹdẹgbegbe vbe uwu ikpẹdẹ ihinrọn nii wa ghi ru izẹọhẹ evbare. Vbe ikpẹdẹ ne ogierẹnrẹn, wa ghi vbe dọlegbe si egbe koko ne uwa ru ugamwẹ, wa ghi vbe ru izẹ ọhẹ evbare. Ẹdẹ ugamwẹ nọ, wa ghẹ winna iwinna rhọkpa.

Levitikọs 23:38

Avbe emwiukpo, te avbe viọre ba ọghe Ẹdẹ ikẹtin, avbe izẹọhẹ keghi vbe re ne a viọ ba izẹ ọhẹ uwa ne a ka ru dee yi, izẹọhẹ ne uwa ya mu eyan sẹ, kevbe izẹ ọhẹ ne ọ ke ekhọe rre ne uwa rhie gie Nọyaẹnmwa.)

Levitikọs 23:40

Vbe ẹdẹ nẹdẹrriọ, wa ghi hannọ emwi okọ ne ọ maa sẹ vbe ọmọ erhan uwa, wa ghi viọ ewanmwẹ kevbe abọ erhan ni mwẹ ebe ẹsẹse, na uwa suẹn ugamwẹ emwi okọ ne uwa ya ya ọghọ ne Nọyaẹnmwa Osanobua rua.