Levitikọs 23:32 - Edo Bible (E Baibol Ẹdo) Version 1996

³² Ke ẹghẹ ne ovẹn ya dero vbe ikpẹdẹ ne ogihinrin yasẹ ẹghẹ ne ọ ya dero vbe ikpẹdẹ ne ogigbe wa ghi da ẹdẹ nii yi zẹ vbe ẹdẹ kpataki ne a ya kẹtin, vbe ẹghẹ na, wa ghẹ rri evbare rhọkpa.

Levitikọs 23:32 ပူးပေါင်းရင်းမြစ်များ

Nehimaia 13:19

Rhunmwuda ọnii, ọ re I na yi iyi wẹ ne a gha khui urho ne a la la ore ẹvbo vbe omuhẹn Ẹdẹ ikẹtin hia, vbe ebi a wa da suẹn gha ro, kevbe wẹ ne a ghẹ dọlegbe kie ẹre ọvbehe ọ te ya sẹ ẹghẹ ne Ẹdẹ Ikẹtin ya gberra. I keghi viọ eso vbe uwu emwa mwẹ wẹ ne iran ghẹ gia viọ emwi la ore ẹvbo vbe Ẹdẹ Ikẹtin.

Psalm 35:13

Vberriọ, ẹghẹ ne egbe ma na rran iran, ukpọn akhiẹ ọ re I gha rhuan. I kegha ya ohanmwẹ rri egbe, I na gbe uhunmwu kotọ na erhunmwu.

Psalm 51:17

Izọese mwẹ, ọrọre ekhọe ne ọ mu egbe rriotọ Osanobua, wẹ i ra he ekhọe ne ọ mu egbe rriotọ, kevbe ne ọ roiro fi uyimwẹ werriẹ.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Levitikọs 16:29

Emwamwa na, a ghi da ẹe yi ẹdẹdẹmwẹdẹ. Vbe ikpẹdẹ ne ogigbe ọghe uki ne ogihinrọn, ivbi Izrẹl hia, deba orhunmwuyẹn ni rre uwu ẹbu iran ghi yo aguẹ, iran ghẹ winna iwinna rhọkpa.

Levitikọs 16:31

Ẹdẹ nẹdẹrriọ, a ghi gie ẹe gha re ẹdẹ ne ọ huanrẹn ẹsẹse ne emwa gha na lọ unu vbe ne a i na winna iwinna rhọkpa. Emwamwa na, a ghi da ee yi ẹdẹdẹmwẹdẹ.

Levitikọs 23:31

Emwamwa na, te ọ wa dekan uniẹn ivbi uwa hia, ehe ne ọ khọn ọnrẹn ne iran gha ye.

Levitikọs 23:33

Emwiukpo Irhu ghi suẹn vbe ikpẹdẹ ekesugie ọghe uki nogihinrọn, ọ ghi ya ikpẹdẹ ihinrọn vbe otọ,

Matiu 5:4

Ọ maa ne iran ni khiẹ, Osanobua gha fu iran ẹko rre!

I Kọrinti 11:31

Deghẹ ma ka gualọ otọ egbe ima ghe nẹ, ma i ghi gie Osanobua bu ohiẹn gbe ima.

Hibru 4:11

Rhunmwuda ọnii, wa gie ima ziga ne a la owa ya gu Osanobua hẹwẹ. Wa ghẹ gie ima rhọkpa yin ehọ, zẹ vbe ne iran ru ne iran ma na ghi la owa.

Hibru 4:3

Ma ne ọ rhan obọ miẹn rẹn, ma gha lao owa ya gu Osanobua hẹ wẹ. Vbe ne irẹn ta ẹe zẹẹ wa nọ wẹẹ, “Ohu mu mwẹ, I keghi yan wẹ: ‘Iran i ra la owa do gun mwẹ kẹtin!’ ” Ọ ta ẹmwẹ na egbe ne a rhe ya miẹn wẹ, ọ winna iwinna rẹn fo nẹ vbe ẹghẹ ne ọ na yi agbọn na.