Levitikọs 23:21 - Edo Bible (E Baibol Ẹdo) Version 1996

²¹ Vbe ẹdẹ ne ẹdẹrriọ wa ghẹ winna iwinna obọ rua rhọkpa, sokpan wa ghi si koko ne uwa ru ugamwẹ. Ivbi uniẹn ruan ghi gha lele ilele na ẹdẹdẹmwẹdẹ vbe ehe ne iran a rhirhi gha ye.

Levitikọs 23:21 ပူးပေါင်းရင်းမြစ်များ

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Levitikọs 23:14

Wa ghẹ rri ọka orhọ nii ọghọgbọn, na tọẹn ra ne a ya ẹe ru ebrẹd vbe ẹ i re te uwa ka zẹ ọhẹ ọghe emwiokọ ọka ne okaro gie Osanobua nẹ. Wa ghi wẹ ne ivbi uwa gha ya emwamwa na ru emwi ẹdẹdẹmwẹdẹ.

Levitikọs 23:2

ighẹ avbe emwamwa na ọ ghe avbe emwiukpo ugamwẹ ne emwa Izrẹl hia gha na si koko ne iran ru ugamwẹ.

Levitikọs 23:20

Ohẹn ghi viọ ivbiohuan eva nii, kevbe ebrẹd nii, gie Nọyaẹnmwa ne avbe ohẹn zẹ vbe emwi izẹọhẹ kpataki. Emwi izẹọhẹ na, ni huanrẹn nọ.

Levitikọs 23:25

Wa ghẹ winna iwinna obọ uwa, wa ghi zẹ ọhẹ evbare gie Nọyaẹnmwa.

Levitikọs 23:31

Emwamwa na, te ọ wa dekan uniẹn ivbi uwa hia, ehe ne ọ khọn ọnrẹn ne iran gha ye.

Levitikọs 23:4

Wa ghi ya avbe emwiukpo na wewe vbe ẹghẹ ne a rhie yọ.

Levitikọs 23:7

Vbe ikpẹdẹ ne okaro, wa ghi si koko ne uwa ru ugamwẹ, wa ghẹ vbe winna vbe iwinna ẹdẹgbegbe ọghe uwa.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Nọmbas 18:23

Ke ẹghẹ na kpao, avbe Livai ọ re ọ ghi gha gbearoghe Owa Ukpọn, obọ iran ọre emwi hia ni dekan rẹn ghi gha ye. Iyi ọghe etẹbitẹ ne ọ vbe sẹ egbe ivbi uwa ọre ọna khin. Avbe Livai i khian gha mwẹ emwi are vbe ukhu vbe otọe Izrẹl.

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.