Levitikọs 23:14 - Edo Bible (E Baibol Ẹdo) Version 1996

¹⁴ Wa ghẹ rri ọka orhọ nii ọghọgbọn, na tọẹn ra ne a ya ẹe ru ebrẹd vbe ẹ i re te uwa ka zẹ ọhẹ ọghe emwiokọ ọka ne okaro gie Osanobua nẹ. Wa ghi wẹ ne ivbi uwa gha ya emwamwa na ru emwi ẹdẹdẹmwẹdẹ.

Levitikọs 23:14 ပူးပေါင်းရင်းမြစ်များ

Nehimaia 9:14

U ma iran ẹre ne iran gha ya Ẹdẹ ikẹtin ru emwi ni huanrẹn u na rhie uhi ruẹ la obọ Mosis ne ọguọmwadia ruẹ gie iran.

Psalm 19:8

Emwi ne ọ kere ọre uhi e Nọyaẹnmwa khin, te ọyẹnmwẹ sẹ iran ni ya ẹe ru emwi. Emwi ne ọ kere ọre iyi e Nọyaẹnmwa khin te ọ ya ekhọe rẹn emwi.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 34:26

“Wa ghi gha viọ eni maa sẹ vbe avbe emwiokọ ne uwa ka gha rhọ vbe ugbo rua rriowa Nọyaẹnmwa. “Wa ghẹ le ovbiohuan vbe uwu ewẹn iye ẹe.”

Levitikọs 10:11

Wa ghi gha ma ivbi Izrẹl hia uhi ne I rhie la obọ Mosis gie uwa.”

Levitikọs 2:14

Wa gha viọ emwi iha oko ọghe ọka ne uwa ka gha rhọ gie Nọyaẹnmwa, wa ghi ya emwiokọ ne a tọẹn ha oko ra evbare ne a lọ ẹe.

Levitikọs 23:31

Emwamwa na, te ọ wa dekan uniẹn ivbi uwa hia, ehe ne ọ khọn ọnrẹn ne iran gha ye.

Levitikọs 23:41

Wa ghi titi ẹe la ikpẹdẹ ihinrọn. Wa ghi tama avbe ivbi uwa ne iran gha ru emwiukpo na rhinrin ẹdẹdẹmwẹdẹ.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Diuteronomi 16:12

Yerre ighẹ eviẹn wa te gha khin vbe Igipt, rhunmwuda ọnii, wa ghẹ gia miẹn ighẹ wa ma ya avbe uhi na ru emwi.