Levitikọs 23:11 - Edo Bible (E Baibol Ẹdo) Version 1996

¹¹ Rẹn ghi mu ẹẹn gie Nọyaẹnmwa zẹ vbe ihako kpataki, ne a miẹn ehe na rhan obọ miẹn ruẹn. Ohẹn ghi ya ẹe zẹ ọhẹ vbe ẹdẹ nọ ọ lele ẹdẹ ikẹtin.

Levitikọs 23:11 ပူးပေါင်းရင်းမြစ်များ

Ẹksọdọs 28:38

Errọn ghi muẹn ye uharo ẹre, odẹ vbenian, ọ ghi rhie abakuru ne ọ rhirhi gha rre avbe emwikemwi ne ivbi Izrẹl ya fi ohan ne imẹ. Te Errọn ra wa gha yọe vbe ẹghẹ hia ne emwi ihaoko nii miẹn ehe na gha yẹ Nọyaẹnmwa. A gha rhe miẹn wẹ iran ma ru emwi ẹse vbe iran ha oko gunmwe.

Ẹksọdọs 29:24

U ghi viọ evbare na hia ye Errọn kevbe ivbi ẹre obọ, u ghi wẹ ne iran ya ẹe fiohan vbene a gha na wẹ ne iran niẹn rẹn ladian zẹ vbe emwi izọhẹ gun mwẹ.

Levitikọs 10:14

Sokpan wẹ vbe ẹgbẹe ruẹ sẹtin rri ewẹn ke owẹ ọre ne a rhie rre zẹ vbe izọhẹ kpataki gie Nọyaẹnmwa ne avbe ohẹn, wa sẹtin rri ọe vbe eheikehe ne awua i ye. Izọhẹ na, a rhie ẹre ne uwẹ kevbe avbe ivbi uwa zẹ vbe ne ọ khẹke uwa vbe izọhẹ isara ọghe ivbi Izrẹl.

Levitikọs 23:12

Vbe ẹdẹ ne uwa gha ru izẹọhẹ ọka, wa ghi vbe gbe ogho ukpo ọkpa ne ẹ i mwẹ okan, zẹ vbe izọese nẹ a giẹn uan.

Levitikọs 9:21

Ọ keghi viọ ewẹn ọnrẹn kevbe owẹ obọ erha ọmwa rẹn zẹ vbe oko kpataki ne a rhie gie Nọyaẹnmwa vbe kpa avbe ohẹn zẹ vbene Mosis khare.

Ebe Rut 1:22

Erriọ ọ re Naomi ya ke Moab gha dee ke ẹe kevbe Rut, ne ovbi e Moab ne amwẹ ovbi ẹre. Ẹghẹ ne a ya fian ọka irhuarhua ọre iran ya sẹ Bẹtlẹhẹm.