Levitikọs 22:4 - Edo Bible (E Baibol Ẹdo) Version 1996

⁴ “Vbe uwu avbe ivbi Errọn, a deghẹ a miẹn ne ọ khuọnmwi emianmwẹ ikpakpa egbe ra egbe ne ọ gin vbọ, a ghẹ gie ẹe re vbe uwu izẹọhẹ nihuanrẹn a te do miẹn wẹ awua i ghi guẹe. Ohẹn ne ọ rhirhi ya obọ kan emwi ne awua ye rhunmwuda ne ọ na dekan orinmwi ra ne eku ladian vbe egbe ẹre.

Levitikọs 22:4 ပူးပေါင်းရင်းမြစ်များ

Levitikọs 11:39

“A deghẹ aranmwẹ ne a re, de wu, emwikemwi ni dekan rẹn khian ne awua ye ọ te ya sẹ ota.

Levitikọs 15:17

Emwikemwi ne a ya ukpọn ra ohian ru ne eku nii kharha yi, a ghi họ ẹre, ọ ghi gha re ne awua ye yasẹ ota.

Levitikọs 2:10

Ni ghi dekẹe vbe emwi iha oko nii, ọghe avbe ohẹn nọ, emwi ne ọ huansẹ ẹsẹse wa nọ vbene a na miẹn wẹ evbare ne a ya haoko gie Nọyaẹnmwa ọre a na rhie ẹre rre.

Levitikọs 2:3

Ni ghi dekẹe vbe emwi imuohan ọghe ọka nii, avbe ohẹn ne ivbi Errọn ọre ọ ghi yaẹn, emwi ne ọ huansẹ ẹsẹse wa nọ rhunmwuda usun evbare ne a ya fi ohan ne Nọyaẹnmwa nọ.

Levitikọs 21:1

E Nọyaẹnmwa keghi tama e Mosis ne ọ tama avbe ohẹn Errọn wẹẹ, “Ne ohẹn rhọkpa ghẹ ya viọ awua gie egbe ẹre vbe ne ọ gha na gha gu emwa mwẹ obọ vbe irorinmwi vbe ọtiọnrẹn a wu.

Levitikọs 21:22

Ọmwa vberriọ sẹtin rri evbare ne a ya zẹ ọhẹ mẹ kevbe evbare izẹọhẹ ne ọ huanrẹn kevbe izẹọhẹ evbare ne ọ huanrẹn ẹsẹse.

Hagai 2:13

Ẹre Hagai ghi na nọ wẹẹ, “Gie a kha ighe awua gu ọmwa rhunmwuda ighe ọ ya obọ kan orinmwi, a deghẹ ọ na ya obọ kan avbe evbare ne a kha na, ọnii gha ya iran khian ne ọ ma ghi huan ra?” Avbe ohẹn keghi wanniẹn wẹẹ, “Ẹn.”

Nọmbas 18:19

“Emwi izẹọhẹ kpataki hia ne ivbi Izrẹl viọ gunmwẹ, I ya ẹe fi ohan ne uwẹ kevbe avbe ivbuẹ ne ikpia kevbe ne ikhuo ẹdẹdẹmwẹdẹ. Ile ne ai gbe obọ rra ne I gu uwẹ kevbe ivbuẹ ta ọ re ọna khin.”

Nọmbas 18:9

Avbe izẹọhẹ nọhuansẹ ehia, ne a ma giẹn uan vbe aka, ne ọ re ọ wuẹ vbọ ọre ena khin: izẹọhẹ ọka, izọese orukhọ, izẹ ọhẹ ahaewerriegbe. Emwi hia ne a viọ gunmwẹ ze vbe emwi ihaoko nọhuanrẹn ọghe uwẹ kevbe ivbi uẹ nọ.

Nọmbas 19:20

Ọmwaikọmwa ne awua gue, ne ọ ma khuẹ egbe ẹre huan, awua wa ye guẹe, rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba ivbi Osanobua.