Levitikọs 22:23 - Edo Bible (E Baibol Ẹdo) Version 1996

²³ U sẹtin ye aranmwẹ ne ọ kpẹrri ra ne a yi khọ, sisara sokpan a i miẹn ọmwa ọnii zẹ vbe emwi ne a ya mu eyan sẹ.

Levitikọs 22:23 ပူးပေါင်းရင်းမြစ်များ

Ẹksọdọs 35:29

Ikpia kevbe ikhuo hia ni rre Izrẹl, ni vbe ho ne iran mwẹ obọ vbe iwinna ne Nọyaẹnmwa gie Mosis do kha wẹ ne a ru, keghi viọ emwi izọhẹ iran gie Nọyaẹnmwa.

Levitikọs 21:18

“A ghẹ gie ọmwaikọmwa ne egbe ma gba na zọ ese na, a ghẹ gie arhuaro, arọe, ne ọ kunse ra ne ọ mwẹ okan.

Levitikọs 22:22

Wa ghẹ ye aranmwẹ ne ọ rhu aro zẹ ọhẹ gie Nọyaẹnmwa, ra ne ọkunse, ne ọ fian ut ukhunmwu, ra ne ọmwa ẹtẹ ne ọ gin amẹ ne egbe ẹre vbuavbuae ra ne ọ bolo ikpakpa. Wa ghẹ ya egbe aranmwẹ vberriọ zọ ese vbe aka zẹ vbe izẹọhẹ evbare.

Levitikọs 22:24

Ghẹ ya aranmwẹ ne a guọghọ ẹre ivin ekuẹ, ra na a fian ẹre re, ra ne a kuanrẹn ẹre, ra na a wa fian ẹre fua, zẹ ọhẹ gie Nọyaẹnmwa. A ma fan obọ ọna ne ọmwa vbe otọe ruẹ.

Malakai 1:8

“Ne uwa na mu aranmwẹ ne ọ rhu arọ ra ne ọ kunse ra ne ọ khuọnmwi do ya gha zọ ese ghe mwẹ ni, te uwa ro ighe emwi esi ọre ọnii khin ra? Wa mu egbe aranmwẹ vberriọ gie e gọvina ghe! Wẹ yayi wẹ ẹko ruẹ gha rhiẹnrhiẹn ọẹn ra ne ọ ru ẹse nuẹn?”

Diuteronomi 15:21

Sokpan a deghẹ emwi irri nii mwẹ okan, deghẹ uke nọ ra te ọ rhu aro ra deghẹ ọ mwẹ ehe ne ọ mobọ ke ẹe yi ẹre re, ghẹ ya ẹe zọ ese ne Nọyaẹnmwa Osanobua ruẹ.

Diuteronomi 17:1

“Ghẹ ya ẹmila ra ohuan ne ọ mwẹ okan zọ ese ghe Nọyaẹnmwa Osanobua ruẹ, emwi ne ọ sọnnọ e Nọyaẹnmwa ọna khin.