Levitikọs 22:22 - Edo Bible (E Baibol Ẹdo) Version 1996

²² Wa ghẹ ye aranmwẹ ne ọ rhu aro zẹ ọhẹ gie Nọyaẹnmwa, ra ne ọkunse, ne ọ fian ut ukhunmwu, ra ne ọmwa ẹtẹ ne ọ gin amẹ ne egbe ẹre vbuavbuae ra ne ọ bolo ikpakpa. Wa ghẹ ya egbe aranmwẹ vberriọ zọ ese vbe aka zẹ vbe izẹọhẹ evbare.

Levitikọs 22:22 ပူးပေါင်းရင်းမြစ်များ

Levitikọs 1:13

Ọmwa nii ghi kpe ibiẹ ọre kevbe owẹ ọre, ohẹn ghi do mu ese nii gie Nọyaẹnmwa, ọ ghi giẹn ehia fẹẹrẹ vbe uhunmwu aka, uwinhinmwẹ emwi ihaoko evbare na yẹ Nọyaẹnmwa.

Levitikọs 1:9

Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.

Levitikọs 22:20

Wa gha ye aranmwẹ ne ọ mwẹ okan zẹ ọhẹ, e Nọyaẹnmwa i rhan obọ miẹn rẹn.

Levitikọs 22:21

Deghẹ ọmwa ya emwi sisara gie Nọyaẹnmwa, ọre ne ọ ya mu eyan sẹ nọ ra ọghe ọ ke ekhọe rre, ọ kere ne aranmwẹ nii gha rre ne ẹ i mwẹ okan, adeghẹ a gha rhan obọ miẹn rẹn.

Levitikọs 22:23

U sẹtin ye aranmwẹ ne ọ kpẹrri ra ne a yi khọ, sisara sokpan a i miẹn ọmwa ọnii zẹ vbe emwi ne a ya mu eyan sẹ.

Levitikọs 3:3

Iran ghi viọ ne a ra sunu yi na vbe egbe aranmwẹ nii gie Nọyaẹnmwa zẹ vbe ihaoko evbare:

Levitikọs 3:5

Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Malakai 1:8

“Ne uwa na mu aranmwẹ ne ọ rhu arọ ra ne ọ kunse ra ne ọ khuọnmwi do ya gha zọ ese ghe mwẹ ni, te uwa ro ighe emwi esi ọre ọnii khin ra? Wa mu egbe aranmwẹ vberriọ gie e gọvina ghe! Wẹ yayi wẹ ẹko ruẹ gha rhiẹnrhiẹn ọẹn ra ne ọ ru ẹse nuẹn?”