Levitikọs 22:20 - Edo Bible (E Baibol Ẹdo) Version 1996

²⁰ Wa gha ye aranmwẹ ne ọ mwẹ okan zẹ ọhẹ, e Nọyaẹnmwa i rhan obọ miẹn rẹn.

Levitikọs 22:20 ပူးပေါင်းရင်းမြစ်များ

Ezikiẹl 45:18

E Nọyaẹnmwa ne Udazi khare wẹẹ, “Vbe ikpẹdẹ ne okaro, vbe uki ne okaro, wa ghi gbe ẹkhuia ẹmila ne ẹ i mwẹ okan ya zọ ese ne a ya họnmwẹ Ọgua Osa.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 22:24

Ghẹ ya aranmwẹ ne a guọghọ ẹre ivin ekuẹ, ra na a fian ẹre re, ra ne a kuanrẹn ẹre, ra na a wa fian ẹre fua, zẹ ọhẹ gie Nọyaẹnmwa. A ma fan obọ ọna ne ọmwa vbe otọe ruẹ.

Levitikọs 22:25

“Ghẹ ye aranmwẹ ne a miẹn orhunmwuyẹn re zẹ ọhẹ evbare, aranmwẹ ne egbe ma gba na ọ re a ka egbọre baa, a i vbe rhan obọ miẹn rẹn.

Levitikọs 3:1

“Omwa gha ya ọkpa vbe uwu ẹmila obọ ẹre sisara, ọ kere ne ọ gha re ẹkhuia ra ẹmila amwẹ ne ẹ i mwẹ okan.

Levitikọs 3:6

A deghẹ ohuan ra ewe ọre a ya sisara, ọ ghi gha re ọwa ra amwẹ, sokpan ọ ghi gha re ne ẹ i mwẹ okan.

Malakai 1:8

“Ne uwa na mu aranmwẹ ne ọ rhu arọ ra ne ọ kunse ra ne ọ khuọnmwi do ya gha zọ ese ghe mwẹ ni, te uwa ro ighe emwi esi ọre ọnii khin ra? Wa mu egbe aranmwẹ vberriọ gie e gọvina ghe! Wẹ yayi wẹ ẹko ruẹ gha rhiẹnrhiẹn ọẹn ra ne ọ ru ẹse nuẹn?”

Nọmbas 19:2

ne iran ru emwamwa na ne ivbi Izrẹl wẹẹ, ne iran mu ẹmila ne ọ baa ne a ma he ya winna ke ne ẹ i mwẹ okan.

Nọmbas 29:8

Wa ghi zọ ese na giẹn uan ghe Nọyaẹnmwa, uwinhinmwẹ ne ọ yẹ ọre, avbe emwi na: ovbi ẹkhuia ẹmila ọkpa, ogho ọkpa ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Diuteronomi 15:21

Sokpan a deghẹ emwi irri nii mwẹ okan, deghẹ uke nọ ra te ọ rhu aro ra deghẹ ọ mwẹ ehe ne ọ mobọ ke ẹe yi ẹre re, ghẹ ya ẹe zọ ese ne Nọyaẹnmwa Osanobua ruẹ.

Diuteronomi 17:1

“Ghẹ ya ẹmila ra ohuan ne ọ mwẹ okan zọ ese ghe Nọyaẹnmwa Osanobua ruẹ, emwi ne ọ sọnnọ e Nọyaẹnmwa ọna khin.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.

I Pita 1:19

Izọ ese ighobioye ọghe Kristi ọre a ya rhan uwa ye otọ, emwa ne ọ ye vbe oteghe ohuan ne ẹ imwẹ okan ra ama.