Levitikọs 22:2 - Edo Bible (E Baibol Ẹdo) Version 1996

² ne ọ tama Errọn kevbe ivbi ẹre wẹẹ, “Wa ghẹ fa eni mwẹ ne ọ huanrẹn uan, rhunmwuda ọnii wa gha ya ọghọ ne avbe emwi izẹ ọhẹ ne ọ huanrẹn ne ivbi Izrẹl ya fi ohan mẹ. Mẹ ọ re Nọyaẹnmwa.

Levitikọs 22:2 ပူးပေါင်းရင်းမြစ်များ

Ẹzra 8:28

I keghi tama iran wẹẹ, “Emwa iruemwi wa khin ne Nọyaẹnmwa ne Osanobua avbe erha uwa odede, deba avbe ọkpan esiliva ra ọghe igoru ne emwa ya zẹ ọhẹ akekhọerre gie ẹe.

Ẹksọdọs 13:12

wa ghi ya avbe emọdiọn nii re ikpia fiohan ne Nọyaẹnmwa. E Nọyaẹnmwa ọre ọ vbe yan emọ ọdiọn ni re ọwọe vbe emọ ne emwirri uwa gha biẹlẹ.

Ẹksọdọs 28:38

Errọn ghi muẹn ye uharo ẹre, odẹ vbenian, ọ ghi rhie abakuru ne ọ rhirhi gha rre avbe emwikemwi ne ivbi Izrẹl ya fi ohan ne imẹ. Te Errọn ra wa gha yọe vbe ẹghẹ hia ne emwi ihaoko nii miẹn ehe na gha yẹ Nọyaẹnmwa. A gha rhe miẹn wẹ iran ma ru emwi ẹse vbe iran ha oko gunmwe.

Aizaia 52:11

Wa ghẹ mwẹ wa ma kpao vbe Babilọn wa ni viọ emwi ne a ya ga vbe ọgua Osa mwẹ, wa ghẹ ye obọ kan emwi awua wa gie egbe uwa gha re nọhuanrẹn, ne uwa kpao.

Ezikiẹl 44:8

Iran ma gbearoghe ilele itaemwi ni rre Ọgua Osa mwẹ, sokpan, iran keghi viọ avbe erriọvbe yọ ne iran gha gbearoghe ẹre.

Levitikọs 15:31

E Nọyaẹnmwa keghi tama e Mosis wẹ ne ọ yan ma ivbi Izrẹl vbe ekpa ọghe emwi awua iran, ne iran ghẹ ya mu awua la Owa Ukpọn Ile, ne ọ rre adesẹneva agọ. Iran gha ru ẹe, a gha gbele iran an.

Levitikọs 18:21

Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa.

Levitikọs 19:12

Ghẹ ya eni mwẹ ru eyan a deghẹ ẹ i re te u ho ne u mu ẹẹn sẹ, te ọnii fa eni mwẹ uan. Mẹ ọre Nọyaẹnmwa Osanobua rua.

Levitikọs 20:3

Rhunmwuda ọ rhie vbe avbe ivbi ẹre ne Milkọm, ọ keghi mu awua ye Owa Ukpọn mwẹ ne ọ huanrẹn, ọ kevbe fa emwi mwẹ ne ọ huanrẹn uan. I gha mu aro da ẹre, I i ghi ra vbe ka ẹe ba avbe emwa mwẹ.

Levitikọs 21:6

Ọ kere ne ọ gha re ne ọ huanrẹn ne ọ ghẹ fa eni mwẹ uan. Ọ ya evbare zẹ ọhẹ mẹ rhunmwuda ọnii, ọ kere ne ọ huan.

Levitikọs 22:1

E Nọyaẹnmwa keghi tama e Mosis,

Levitikọs 22:32

Wa ghẹ rhie efaa gie eni mwẹ ne ọ huanrẹn. Ọ kere ne emwa Izrẹl hia rẹn mwẹ ye ọmwa ne ọ huanrẹn. Mẹ ọ re Nọyaẹnmwa, mẹ ọ re ọ ya uwa khian ni huanrẹn.

Nọmbas 18:32

U i ra vbe ya ẹe rri abe vbe u gha rri ọe a deghẹ wẹ viọ ne ọ maa sẹẹ vbọ gie Nọyaẹnmwa nẹ. U ma viọ ehe ne ọ maa sẹẹ vbe emwi izẹọhẹ ne ivbi Izrẹl viọ rre ya zẹ ọhẹ nẹ, ghẹ re vbọ ne u ghẹ ya mu awua yọ, ne a ghẹ ya gbuẹ ua.”

Diuteronomi 15:19

“U ghi viọ emọ ọdiọn ọghe avbe ẹmila kevbe ohuan ruẹ ye efẹn ọkpa ne Nọyaẹnmwa Osanobua ruẹ. Ghẹ ye avbe ẹmila ni rrọọ winna, ghẹ gbe eto avbe ohuan ni rrọọ.