Levitikọs 22:18 - Edo Bible (E Baibol Ẹdo) Version 1996

¹⁸ ne ọ mu avbe emwamwa na ye otọ ne Errọn kevbe ivbi ẹre kevbe emwa Izrẹl hia, “Ọmwa ne ọre ovbi Izrẹl ra orhunmwuyẹn ne ọ rre Izrẹl gha zẹ ọhẹ ese na giẹn uan, ọre te ọ ya ẹe mu eyan sẹ ra ọghe ne ọ ke ekhọe rre, ọ ma ke ne aranmwẹ nii gha mwẹ okan.

Levitikọs 22:18 ပူးပေါင်းရင်းမြစ်များ

II Krọnikol 31:14

E Kore ne ovbi Imna ne ọ vbe re Livai ne ọ re ọkaolotu iran ni khẹ Onurho Odẹ Ahọ vbe Ọgua Osa, ẹre iran rhie yọ ne ọ gha koko emwi ne a ya zẹ ọhẹ gie Nọyaẹnmwa kevbe ne ọ vbe gha gha ẹre.

Psalm 116:14

I gha hae ẹre emwi ne I ve ẹre re vbe ehe ne emwa rẹn hia gbe ẹbu yi.

Psalm 116:18

Vbe ehe ne emwa ruẹn hia gbe ẹbu yi, vbe ehe ne ọ huanrẹn ọghe Ọgua Osa ruẹ vbe Jerusalẹm I gha ha emwi ne I ve ne uẹn. Wa rho e Nọyaẹnmwa!

Psalm 22:25

I gha rho ruẹ ye emwi ne u ru, vbe adesẹ iko ne ọ gbae, vbe sirra iran hia ni ga a, I gha zọ ese emwi ne I ve.

Psalm 56:12

Osanobua mẹ gha ha emwi ne imẹ ve ne uẹn mẹ gha viọ emwi imuohan ọghe ekpọnmwẹ mwẹ nuẹn.

Psalm 61:5

Osanobua wẹ họn eyan ne I yan rẹn nẹ, wẹ vbe rhie emwi ne ọ re ọghe iran ni ya ọghọ ne uẹn, mẹ nẹ.

Psalm 61:8

Erriọ I gha so ihuan urhomwẹ ghe ruẹ vbe I a gha viọ emwi ne I ve ye urhu guẹ ẹdẹgbegbe.

Psalm 65:1

Osanobua, ọ kere ne ima gha rho ruẹ vbe Zaiọn ne ima gha mu eyan ne ima yan ma ruẹn sẹ.

Psalm 66:13

I gha viọ ese ne a giẹn uan rriẹ owa ruẹ, I gha viọ emwi ne I ve ye urhu guẹ.

Ẹksọdọs 12:5

Ọkere ne ọ gha re aranmwẹ ne ọ ma bun obọ, a ma kuan ẹre egbe, ọwẹe ne ọ rre ukpo ọkpa, wa sẹtin mu ohuan ra ẹwe.

Asan-Ibo 5:4

Rhunmwuda ọnii, u gha ve Osanobua emwi, zẹgiẹgiẹ ru ẹe vbene u gha sẹtin rhulẹ ru ẹe sẹ. Rẹn i mwẹ vbe ọ ya ọzuọ ru. Ru emwi ne u yanrẹn ighe u gha ru.

Levitikọs 1:10

“A deghẹ ohuan ra ẹwe ẹre ọre ọ ra ya zọ ese, ọ ghi gha re ọwẹ ne ẹ i mwẹ okan.

Levitikọs 1:2

“Ne ivbi Izrẹl gha rhie obọ lele ẹe vbe iran a gha zọ ese. Omwa gha ra zọ ese aranmwẹ, ọ sẹtin gha re ọkpa vbe uwu ẹmila ẹre ra ohuan rẹn ra ewe ẹre.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 17:13

A deghẹ ovbi Izrẹl ra orhunmwuyẹn ni rre uwu ẹbu iran mu aranmwẹ ra ahianmwẹ ne ẹ i mwẹ awua, ọ ghi da esagiẹn ọnrẹn ye otọ, ọ ghi zẹ ekẹn rhu ẹe.

Levitikọs 22:17

E Nọyaẹnmwa keghi tama e Mosis,

Levitikọs 23:38

Avbe emwiukpo, te avbe viọre ba ọghe Ẹdẹ ikẹtin, avbe izẹọhẹ keghi vbe re ne a viọ ba izẹ ọhẹ uwa ne a ka ru dee yi, izẹọhẹ ne uwa ya mu eyan sẹ, kevbe izẹ ọhẹ ne ọ ke ekhọe rre ne uwa rhie gie Nọyaẹnmwa.)

Levitikọs 7:16

“A deghẹ ọmwa viọ emwi izọhẹ isara ne ọ do ya mu eyan ne ọ yanrẹn sẹ rre, ra te ọ mu ẹẹn rre ne ọ do ya ẹe ru izọhẹ akọrhọre rre, a ma kha wẹ ne a wa rri ehia fo vbe ẹdẹ ne a do ya ẹe zẹ ọhẹ, sokpan, a deghẹ ọ kẹrre, a sẹtin rri ọe vbe ẹdẹ ne ọ lele ẹe.

Emọs 4:5

Wa gie obọ kẹe ne uwa ya ye ebrẹd kpọnmwẹ Osanobua, ne uwa vbe gha ya ee rhuọ khian ighe emwi ne uwa ya ru yan emwi ihaoko. Egbe emwi vberriọ ọre a na miẹn uwa.

Jona 1:16

Ohan emwi na keghi mu avbe oziguẹ sẹrriọ wẹ, iran na zọ ẹse ghe Nọyaẹnmwa, iran na vbe yan wẹ iran gha vbe gha ga ẹe.

Jona 2:9

Sokpan mẹ gha so ihuan urhomwẹ ghe ruẹ I gha zọ ese ghe ruẹ, I ghi vbe ru zẹ vbene I yan rẹn. Ọghe Nọyaẹnmwa ore imienfan ke rre!”

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Malakai 1:14

Emwi ọ gha rruan ne ọ mu ọmwa ru, ne ọ ye aranmwẹ nọ ma maa zọ ese ghe mwẹ, vbe aranmwẹ esiesi ne ọ yan rẹn wẹ rẹn gha mu gunmwẹ rre uwu oghẹn ọnrẹn! Rhunmwuda, ọba nọkhua ọre imẹ, khin, te emwa ni rre uhunmwu ẹvbo hia mu ohan mwẹ.”

Nọmbas 15:3

A sẹtin mu ẹmila ra ohuan ra ogho ra ẹwe gie Nọyaẹnmwa zẹ vbe izọese na giẹn uan, ra izọese ne a ya mu eyan sẹ ra ne a ya sisara, ra izọese ne a ru ya dugie ugamwẹ, uwinhinmwẹ avbe izẹọhẹ evbare vberriọ wa yẹ e Nọyaẹnmwa.

Iwinna 18:18

Pọl keghi gu avbe etẹn tota vbe ikpẹdẹ ni bun, ọ keghi kpao vbe ehe ne iran ye, ọ keghi viọ Priskila kevbe Akuila ba egbe, iran keghi la okọ gha die Siria. Vbe iran te la okọ kpao vbe Sinkra, ọ keghi ye egbe ye ulamwẹ, ọ na khiokhio eto mu otọ.

Diuteronomi 12:17

Wa ghẹ rri a ghae ye ihe igbe ọghe ọka uwa, ayọn uwa, ra ofigbọn oliv uwa. Wa ghẹ rri emwikemwi ne uwa ya zẹ ọhẹ ne Nọyaẹnmwa vbe evba: ọmọ ọdiọn ẹmila uwa ra ohuan uwa, ra izẹ ọhẹ ne uwa ve ẹre re, izẹọhẹ akekhọerre ọ ghe uwa ra emwi ihaoko ọvbehe ne ọ rhirhi a gha khin.

Diuteronomi 12:6

Evba wa gha na gha zọ ese uwa na gha giẹn uan, kevbe izọ ese ọwua nekpa, kevbe a ghae ye ihe igbe ọghe uwa kevbe izẹọhẹ uwa, emwi ihaoko ne uwa ve Nọyaẹnmwa ẹre, izẹọhẹ a ke ekhọe rre kevbe emọ ọdiọn ọghe ẹmila kevbe ohuan uwa.

Diuteronomi 16:10

wa ghi suẹn gha ru emwiukpo Akọrhọre vbene uwa gha na viọ izẹọhẹ akekhọerre rre ya ye ọghọ ne Nọyaẹnmwa Osanobua rua zẹ vbene u vbe miẹn afiangbe rhie sẹ vbe obọ ẹre.