Levitikọs 22:16 - Edo Bible (E Baibol Ẹdo) Version 1996

¹⁶ Vbe ne iran gha na gie emwa ni ma khẹ ke re vbọ, emwi vberriọ gha ya ọmwa nii rri abe, a ghi vbe rri ọre oya. Mẹ ọ re Nọyaẹnmwa, mẹ ọ re ọ vbe ya emwi izẹ ọhẹ nii khian nihuanrẹn.”

Levitikọs 22:16 ပူးပေါင်းရင်းမြစ်များ

Psalm 38:4

Ẹzẹ esagiẹn orukhọ mwẹ lẹ mwẹ rriẹ ihẹ ọre khua gberra ne a sẹtin mu.

Ẹksọdọs 28:38

Errọn ghi muẹn ye uharo ẹre, odẹ vbenian, ọ ghi rhie abakuru ne ọ rhirhi gha rre avbe emwikemwi ne ivbi Izrẹl ya fi ohan ne imẹ. Te Errọn ra wa gha yọe vbe ẹghẹ hia ne emwi ihaoko nii miẹn ehe na gha yẹ Nọyaẹnmwa. A gha rhe miẹn wẹ iran ma ru emwi ẹse vbe iran ha oko gunmwe.

Levitikọs 10:17

“Vbọzẹ ne uwa ma na rri izọ ese orukhọ nii vbe ehe ne ọ huansẹ yi? Emwi ne ọ huansẹ ẹsẹse nọ, te Nọyaẹnmwa vbe rhie ẹre ne uwa, ne uwa miẹn ehe na kpe orukhọ emwa nii kua.

Levitikọs 20:8

Wa gha ya uhi mwẹ ru emwi rhunmwuda mẹ ọ re Nọyaẹnmwa mẹ ọ re ọ vbe ya uwa khian ne ọ huanrẹn.”

Levitikọs 21:15

Deghẹ ẹ i re rriọ, a ghi do miẹn wẹ ivbi ẹre ne ọ te kei ne ọ gha re nihuanrẹn ghi do gha re ne awua gue. Mẹ ọrọre Nọyaẹnmwa, mẹ vbe hannọ ọẹn ye otọ nẹ zẹ vbe Ogiohẹn.”

Levitikọs 21:23

Sokpan a ghẹ gie ẹe sikẹ ukpọn onurho nọhuanrẹn ni rre ne ọ sikẹ aka, rhunmwuda mẹ ọ re Nọyaẹnmwa, mẹ ọ re ọ vbe ya iran khian nihuanrẹn.”

Levitikọs 21:8

Ọ kere ne emwa hia rẹn ohẹn ye ọmwa ne ọ huanrẹn rhunmwuda rẹn ọ ya evbare zẹ ọhẹ mẹ. Mẹ ọ re Nọyaẹnmwa ọmwa ne ọ huanrẹn mẹ khin, mẹ ọ re ọ vbe ya emwa mwẹ khian ne ọ huanrẹn.

Levitikọs 22:17

E Nọyaẹnmwa keghi tama e Mosis,

Levitikọs 22:9

“Avbe ohẹn hia ghi lele emwamwa ne I mu ye otọ. De ghẹ ẹ i re vberriọ iran gha rrie abe, a ghi vbe gbele iran an, rhunmwuda, iran rra uhi emwamwa ne ọ huanrẹn. Mẹ ọ re Nọyaẹnmwa, mẹ ọ re ọ vbe ya iran khian ne ọ huanrẹn.

Levitikọs 7:18

A deghẹ a ye re vbọ vbe ikpẹdẹ ne ogieha, Osanobua i rhan obọ miẹn izọhẹ ọmwa nii. A i ra ka emwi izọhẹ ba emwi esi ne ọ ru sokpan a ghi ka ẹe ba nọ ma huan, ọmwaikọmwa ne ọ rri ọe, rẹn ọ ra vbe rrioya yọ.

Nọmbas 18:1

E Nọyaẹnmwa keghi tama Errọn wẹẹ, “Abaku ru gha rre iwinna ugamwẹ vbe uwu Owa Ukpọn Ile, urhu uwẹ kevbe avbe ivbuẹ kevbe avbe Livai ọ re ọ ye, sokpan wẹ kevbe avbe ivbuẹ ọ re ọ ra rri oya ye abakuru ne ọ ladian vbe uwu iwinna ohẹn.

Nọmbas 18:32

U i ra vbe ya ẹe rri abe vbe u gha rri ọe a deghẹ wẹ viọ ne ọ maa sẹẹ vbọ gie Nọyaẹnmwa nẹ. U ma viọ ehe ne ọ maa sẹẹ vbe emwi izẹọhẹ ne ivbi Izrẹl viọ rre ya zẹ ọhẹ nẹ, ghẹ re vbọ ne u ghẹ ya mu awua yọ, ne a ghẹ ya gbuẹ ua.”

Matiu 23:17

Wa ne akpa vbe abobo! De ne ọkpọlọ sẹ, igoru ra Ọgua Osa ne ọ ya igoru khian ne ọ huanrẹn?

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.