Levitikọs 22:10 - Edo Bible (E Baibol Ẹdo) Version 1996

¹⁰ “Ọmwarhọkpa ghẹ rri avbe emwi izẹ ọhẹ ni huanrẹn nii, ugbẹn vbe a miẹn wẹ ẹ i re ẹgbẹe ohẹn, ọ gha khọnrẹn ne a miẹn wẹ ohẹn ọre ọ gu dia ra te ọ rhie ẹre vbe iwinna.

Levitikọs 22:10 ပူးပေါင်းရင်းမြစ်များ

Ẹzra 2:63

Ovbi e Ju ne ọ khaemwisẹ keghi tama iran wẹ ne iran ghẹ rri evbare ne a ya yo imuohan gie Osa, a te do miẹn ohẹn ne ọ guara lo Urim kevbe Tumin.

Ẹksọdọs 12:43

E Nọyaẹnmwa keghi tama e Mosis kevbe Errọn wẹẹ, “Ilele ẹmwẹ Alagberra ọre ena khin: A ghẹ gie ọrriọvbe rrie evbare alagberra.

Ẹksọdọs 12:45

A ghẹ gie ne ọ yakọ vbe okhian ne ọ gberra khian, ra ọmwa ne a rhie re vbe iwinna rriọe.

Ẹksọdọs 29:33

Iran ghi rri emwi ne a ya rhie iyabọ gie iran vbe ẹghẹ ne a na ma iran ohẹn, a keghi vbe ya iran fi ohan. Avbe ohẹn ọkpa ọre ọ gha rri evbare na rhunmwuda evbare ne a ya ru emwi nọ.

Ezikiẹl 44:8

Iran ma gbearoghe ilele itaemwi ni rre Ọgua Osa mwẹ, sokpan, iran keghi viọ avbe erriọvbe yọ ne iran gha gbearoghe ẹre.

Levitikọs 21:22

Ọmwa vberriọ sẹtin rri evbare ne a ya zẹ ọhẹ mẹ kevbe evbare izẹọhẹ ne ọ huanrẹn kevbe izẹọhẹ evbare ne ọ huanrẹn ẹsẹse.

Levitikọs 22:13

Sokpan, ọmọ okhuo ne ọ dẹgbẹ ra ne ọ sẹ ọdọ rae, ẹ i vbe mwẹ emọ, ọ na vbe do gha rre owa erha ẹe zẹ vbe ọmọ ne orre owa, sẹtin re vbe evbare ne ọ sẹ erha ẹe obọ zẹ vbe ohẹn. Ọmwa ne ẹ i re ovbi ẹgbẹe ohẹn, a ghẹ giẹ re vbọ.

Nọmbas 3:10

Sokpan, u ghi zẹ Errọn kevbe ivbi ẹre ne iran gha re ohẹn, ọmwa ọvbehe ne ọ rhirhi danmwẹ ọẹn ghe ne ọ winna iwinna iran, a ghi gbẹe rua.”

Matiu 12:4

Ọ keghi la uwu owa Osanobua, rẹn kevbe ikpayẹ ọre keghi ya rri ebrẹd ne a ya mu ohan gie Osanobua, vberriọ, Uhi ma kha wẹ ne iran rriọe, rhunmwuda, avbe ohẹn ọkpa ọre a giee gha rriọe.

I Samuẹl 21:6

Ẹre ohẹn na viọ ebrẹd iruemwi ne Devid rhunmwuda ebrẹd ne a ya yo imuohan gie Osanobua ọkpa ọ re ọ gha mwẹ, avbe viọ ẹre hin uhunmwu eteburu iruemwi rre nẹ, a kevbe ya ebrẹd ne a da le rọ ẹe.

I Samuẹl 21:7

Ọkaolotu iran ni su ohuan e Sọl ne a tie ẹre Doeg, ne ọ ke Idọm rre keghi rre evba ẹdẹrriọ rhunmwuda ọ do mu eyan ugamwẹ eso sẹ.