Levitikọs 21:9 - Edo Bible (E Baibol Ẹdo) Version 1996

⁹ Ovbi ohẹn gha khian ebabotu, te ọ fa erha ẹe rua, a ghi ya erhẹn giẹn ọnrẹn uan ne ọ wu.

Levitikọs 21:9 ပူးပေါင်းရင်းမြစ်များ

Gẹnẹsis 38:24

Ọ ghi rre uki eha, emwa eso keghi do khama e Juda wẹẹ, “Tama ne amwẹ ovbuẹ miẹn okpia, ọ wa hanmwa nian.” E Juda keghi kha wẹẹ, “Wa siẹe ladian ore ne uwa ya giẹn ọnrẹn uan ne ọ wu.”

Ẹksọdọs 31:14

Rhunmwuda ọnii, te uwa gha zẹ Ẹdẹ Ikẹtin kọ rhunmwuda, a ya ẹe khian kpataki ne uwa nẹ. Ọmwaikọmwa ne ọ ma zọe kọ ye ne ọ huanrẹn, a ghi gha gbe ẹe rua, kevbe ọmwaikọmwa ne ọ winna iwinna rhọkpa vbe Ẹdẹ Ikẹtin nii.

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

Levitikọs 19:29

“Wa ghẹ fa ivbi uwa ne ikhuo ua vbe ekpa ne uwa gha na ya iran ru ebabotu aroẹbọ, a deghẹ wa ru vberriọ, te uwa ghi khian mu aro da osa ọvbehe gha gho, uyimwẹ ohọhọ ghi gba otọe nii hia.

Levitikọs 20:14

A deghẹ ọmwa rhie okhuo kevbe iye ẹe rọnmwẹ, a ghi giẹn iran eheha vbe erhẹn rhunmwuda emwi efaa ne iran ru, a ghẹ gie a miẹn egbe emwi vberriọ vbe uwu ẹbu uwa.

Malakai 2:3

I gha rria ivbi uwa ikhi, i ghi ya uwa aro wiẹn isan avbe aranmwẹ ne uwa do ya zọ ese, a ghi vbe dada uwa ladian gha rrie otiku.

Diuteronomi 22:21

ẹghẹ nii, a ghi rhie ẹre ladian gha rrie onurho owa erha ẹe, emwa ẹvbo ẹre ghi filo okuta gbe ẹe rua vbe evba. Emwi ekhue ọ re ọ ru vbe uwu ẹbu vbe ekpa ne ọ na rẹn okpia nẹ, ọ ke ya rọnmwẹ ọdọ, awẹ vbe ẹghẹ ne ọ na rre owa erha ẹe. Odẹ vbe nian wa gha gbe ukhu emwi dan na uan.

Taitọs 1:6

ọ kere ne ọmwa ne ọre ọdiọn gha re ne ẹ i mwẹ abaku ru, okhuo ọkpa ọre ọ kere ne ọ gha mwẹ, ivbiẹre ghi vbe gha re emwa ni yayi, ẹ i re ne a ta ẹmwẹ ọnrẹn khian wẹ iran wa kan ye ẹvbo ra ne ẹ i họn ẹmwẹ.

Jọsua 7:15

Ọmwa ne a miẹn avbe emwi nii vbe obọ ẹre, a ghi giẹn ọnrẹn uan kevbe ẹgbẹe ọre kevbe emwi ne ọ mwẹ hia. Emwi ne ọ mu ohan ọre ọ ru, ọ keghi rra ẹmwẹ ne imẹ vbe emwa mwẹ gba ta.”

Jọsua 7:25

Ẹre Jọsua na kha wẹẹ, “Vbọzẹ ne u na hẹ orueghe na gie ima! E Nọyaẹnmwa gha mu orueghe yan ruẹn nian!” Emwa nii hia keghi filo okuta gbe Ekani uan, iran keghi giẹn ẹgbẹe ọre kevbe emwi hia ne ọ mwẹ, iran kevbe filo okuta gbe iran.

I Samuẹl 2:17

Orukhọ avbe ivbi Elai na keghi re emwi ne ọ wegbe vbe aro e Nọyaẹnmwa rhunmwuda obọ oya ne iran ya gha mu avbe emwi ne a ya zọ ese ghe Nọyaẹnmwa.

I Samuẹl 2:34

Ẹghẹ ne ivbi uẹ eva ighẹ Hofnai kevbe Finihaz gha na wulo ẹdẹ ọkpa, ọnii gha rhie maa ruẹn wẹ, ẹmwẹ ne I ta nẹ, ẹ i mwẹ ọ ma sẹ.