Levitikọs 21:22 - Edo Bible (E Baibol Ẹdo) Version 1996

²² Ọmwa vberriọ sẹtin rri evbare ne a ya zẹ ọhẹ mẹ kevbe evbare izẹọhẹ ne ọ huanrẹn kevbe izẹọhẹ evbare ne ọ huanrẹn ẹsẹse.

Levitikọs 21:22 ပူးပေါင်းရင်းမြစ်များ

Levitikọs 10:12

E Mosis keghi khama Errọn ke ẹe kevbe ivbi ẹre eva ni dekẹe, Eliaza kevbe Itama wẹẹ, “Wa rhie ne ọ dekẹ rre vbe uwu izọhẹ ọka ọghe evbare ne a rhie gie Nọyaẹnmwa ne uwa ru ebrẹd ne ọma hue, ne uwa rri ọe vbe ọkpẹn aka rhunmwuda izọhẹ na, ne ọ huansẹ wa nọ.

Levitikọs 10:17

“Vbọzẹ ne uwa ma na rri izọ ese orukhọ nii vbe ehe ne ọ huansẹ yi? Emwi ne ọ huansẹ ẹsẹse nọ, te Nọyaẹnmwa vbe rhie ẹre ne uwa, ne uwa miẹn ehe na kpe orukhọ emwa nii kua.

Levitikọs 14:13

Ọ ghi gbe ovbi ohuan amwẹ nii vbe ehe ne a na gbele aranmwẹ ese orukhọ ke ọghe ese ne a giẹn uan. Ọ ghi ru ẹe vberriọ, rhunmwuda, izọese a hae werriegbe, zẹ vbene ese orukhọ vbe ye, avbe ohẹn ọre ọ yanrẹn, emwi ne ọ huanrẹn ẹsẹse ọre nọ.

Levitikọs 2:10

Ni ghi dekẹe vbe emwi iha oko nii, ọghe avbe ohẹn nọ, emwi ne ọ huansẹ ẹsẹse wa nọ vbene a na miẹn wẹ evbare ne a ya haoko gie Nọyaẹnmwa ọre a na rhie ẹre rre.

Levitikọs 2:3

Ni ghi dekẹe vbe emwi imuohan ọghe ọka nii, avbe ohẹn ne ivbi Errọn ọre ọ ghi yaẹn, emwi ne ọ huansẹ ẹsẹse wa nọ rhunmwuda usun evbare ne a ya fi ohan ne Nọyaẹnmwa nọ.

Levitikọs 21:23

Sokpan a ghẹ gie ẹe sikẹ ukpọn onurho nọhuanrẹn ni rre ne ọ sikẹ aka, rhunmwuda mẹ ọ re Nọyaẹnmwa, mẹ ọ re ọ vbe ya iran khian nihuanrẹn.”

Levitikọs 22:25

“Ghẹ ye aranmwẹ ne a miẹn orhunmwuyẹn re zẹ ọhẹ evbare, aranmwẹ ne egbe ma gba na ọ re a ka egbọre baa, a i vbe rhan obọ miẹn rẹn.

Levitikọs 22:7

Owẹn gha defua nẹ, ọ khian ne awua i ghi gue, ẹghẹ nii, ọ sẹtin rri emwi izẹọhẹ ni huanrẹn ni rre evbare ọghọe.

Levitikọs 27:28

Ọmwa rhọkpa ghẹ de emwi ne ọ ya fi ohan fo fẹẹrẹ ne Nọyaẹnmwa werriegbe, ọre ọmwa nọ ra aranmwẹ ra otọ. Ọghe Nọyaẹnmwa nọ ẹdẹdẹmwẹdẹ.

Levitikọs 6:10

Ohẹn ghi yọ ẹwu eto ovbiohuẹ kevbe utalawẹ eto ovbiohuẹ, ọ ghi kpolo emuẹn ne ọ yevbe ọdan ne ọ rrọ hinrre, ọ ghi viọ ẹre ye asefẹn aka.

Levitikọs 6:29

Ọmọ okpia ike ọmọ okpia vbe ẹgbẹe ọghe ohẹn sẹtin rri emwi izọese nii, emwi ne ọ huansẹ ẹsẹse nọ.

Levitikọs 7:1

“Emwamwa ọghe vbene a gha ya gha ha emwi werriegbe hẹ ọre ena khin. Izọese ne ọ huansẹ ẹsẹse nọ.

Levitikọs 7:6

Ọmọ okpia ne ọ rhirhi gha re ovbi ohẹn sẹtin rri ọe, a ghi rri ọe vbe ehe ne awua i ye, rhunmwuda emwi ne ọ mobọ huan nọ.

Nọmbas 18:19

“Emwi izẹọhẹ kpataki hia ne ivbi Izrẹl viọ gunmwẹ, I ya ẹe fi ohan ne uwẹ kevbe avbe ivbuẹ ne ikpia kevbe ne ikhuo ẹdẹdẹmwẹdẹ. Ile ne ai gbe obọ rra ne I gu uwẹ kevbe ivbuẹ ta ọ re ọna khin.”

I Kọrinti 9:13

Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.