Levitikọs 21:10 - Edo Bible (E Baibol Ẹdo) Version 1996

¹⁰ “Ogie Ohẹn, a nọnọ ori ye ọre uhunmwu nẹ, a na vbe ya ẹe fi ohan, ne ọ gha yọ ẹwu ohẹn, wẹ ne ọ ghẹ sẹ eto ẹre rae vbe ne a i na salọ ẹe ra ne ọ sọ ukpọn rẹn uan ne ọ ya rhie maa ighẹ te irẹn khiẹ.

Levitikọs 21:10 ပူးပေါင်းရင်းမြစ်များ

Gẹnẹsis 37:34

E Jekọb keghi sọ ẹwu ye egbe ẹre ẹkun, ọ na mu ukpọn nekhui rhuan zẹ vbe orhiema akhiẹ, ọ keghi ya ẹdẹ nibun khiẹ ovbi ẹre.

II Samuẹl 15:30

E Devid keghi mu Oke Ọliv hin, ọ kegha viẹ khian, ọ ma viọ ibata ye owẹ, sokpan ọ keghi mu ukpọn rhu uhunmwu gha khiẹ. Iran ni lelẹe khian hia keghi vbe viọ ukpọn rhu uhunmwu, iran na gha viẹ.

Ẹsta 6:12

E Modekai keghi werriegbe gha rrie onurho ẹguae, vbene Haman na zẹgiẹ gha rrie owa. Ekhue keghi mu ẹẹn sẹrriọ wẹ te ọ ghi viọ obọ gue aro.

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Psalm 133:2

Ọ ye vbe ori ighobioye ne a ya wo ne ọ ke uhunmwu ke ẹtu Errọn siẹn ku otọ, ya sẹ urhu ẹwu ẹre.

Ẹksọdọs 29:7

U ghi rhie ofigbọn ne a nọnọ ye ọmwa uhunmwu, u ghi tue ẹre yọ ẹre uhunmwu ne u ya zọe ye ughaẹn.

Ezikiẹl 24:17

Ghẹ gie a họn vbe u so asukpẹ eve. Ghẹ bannọ uhunmwu yotọ ra ne u ya owẹ kẹkan gha khian zẹ vbe ama akhiẹ. Ghẹ mu emwi gue aro ra ne u rri evbare ne iran ni rre akhiẹ re.”

Levitikọs 13:45

Ọmwa ne ọ khuọnmwi emianmwẹ ikpakpa egbe nọ muohan ghi gha yọ osọnmwẹ ukpọn, ọ ghi sẹ eto ne a ma salọ rae ye uhunmwu, ọ ghi ya emwi gue ototọ ugbaro ẹre, ọ ghi gha tu khian wẹẹ, “Awua awua.”

Levitikọs 16:32

Ogie Ohẹn, ne a ya rri ohẹn ẹse, a na vbe ya fi ohan ne ọ di ukpo erha ẹe ya, ọ re ọ gha ru iruemwi akpehuan. Ọ ghi yọ ẹwu ohẹn.

Levitikọs 4:3

Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Levitikọs 8:12

Ọ keghi ya Errọn ma ohẹn vbe ne ọ na sa eso vbe ori ne a sa ye ọmwa uhunmwu ye ọre uhunmwu.

Nọmbas 35:25

Ẹvbo ghi wọlọ ọmwa ne ọ de izigha ọyẹvbu nii hin obọ etẹn ọmwa nọwu nii rre, a ghi gie ẹre werriegbe gha rrie ẹvbo ne a lẹgbinna nii, ehe ne ọ lẹ gha rrie. Ọ ghi gha rre evba ogie ohẹn ne ọ rrọọ vbe ẹghẹ nii te do wu.

Matiu 26:65

Ugbẹn vbe Ogie Ohẹn ghi họn ọna, ọ sọ ukpọn rẹn uan. Ọ wẹẹ, “Ọ rhoro, ma i ghi vbe gualọ osẹe ọvbehe. Wa tobọ uwa họn ẹmwẹ dan ne ọ guan rẹn.