Levitikọs 21:1 - Edo Bible (E Baibol Ẹdo) Version 1996

¹ E Nọyaẹnmwa keghi tama e Mosis ne ọ tama avbe ohẹn Errọn wẹẹ, “Ne ohẹn rhọkpa ghẹ ya viọ awua gie egbe ẹre vbe ne ọ gha na gha gu emwa mwẹ obọ vbe irorinmwi vbe ọtiọnrẹn a wu.

Levitikọs 21:1 ပူးပေါင်းရင်းမြစ်များ

Ezikiẹl 44:25

“Ohẹn i ya obọ kan orinmwi ne irẹn ghẹ ya mu awua ye egbe sokpan a ma wẹ orinmwi evbibiẹ ọe nọ, ra ivbi ẹre, ra etiọnrẹn nikpia ra etiọnrẹn nikhuo ni ma he rọnmwẹ ọdọ.

Hozia 5:1

“Wa danmwehọ wa ne avbe ohẹn, wa gbe ehọ kotọ wa ne ivbi Izrẹl, wa danmwehọ wa ni re ẹgbẹe ọba! Te a te wẹ ne uwa gha bu ohiẹn ẹmwata rhunmwuda ọnii, obọ ibuohiẹn gha vba uwa! Wa khian ifi ye Mizpa, kevbe ọga ne a rhuẹre ye Oke Tabọ,

Levitikọs 19:28

Wa ghẹ gbẹnnẹ egbe ra ne u wa giagia egbe ya gha khiẹ orinmwi. Mẹ ọ re Nọyaẹnmwa.

Levitikọs 21:11

A ya ẹe fi ohan mẹ nẹ, wẹ ne ọ ghẹ ghi mu awua ye egbe ẹre, ra ne ọ mu awua gha die uwu Owa Ukpọn mwẹ ne ọ huanrẹn vbene ọ gha na la owa ne orinmwi ye, ọ re ọghe erha ẹe nọ ra iye ẹe nọ.

Malakai 2:1

E Nọyaẹnmwa ne Oghodua tama avbe ohẹn wẹẹ, “Wa ọre a gu guan na.

Malakai 2:4

Ẹghẹ nii, wa gha rẹn wẹ mẹ ọ re ọ gu uwa guan na, ne a ghẹ miẹn ehe na rra ile ne I gu avbe ohẹn ne ivbi uniẹn e Livai ta.

Nọmbas 19:11

Ọmwa ne ọ yobọ kan ọmwa ne ọ wu nẹ, ghi gha re ne awua gue la ikpeedẹ ihinrọn.

Nọmbas 19:14

Ọmwa gha wu vbe uwu owa ukpọn, ọmwaikọmwa ne ọ rre uwu owa ukpọn nii vbe ẹghẹ ne ọ na wu ra ọmwaikọmwa ne ọ larọ, khian ne awua gue la ikpẹdẹ ihinrọn.

Nọmbas 19:16

Odẹ vbenian, ọmwaikọmwa ne ọ ya obọ kan ọmwa ne a gbua ra ne ọ wu uwu ẹhi vbe adesẹ ore, ra ọmwa ne ọ ya obọ kan ugboloko ọmwa, ra idin, ghi khian ne awua gue la ikpẹdẹ ihinrọn.

Nọmbas 5:2

“Tama ivbi Izrẹl ne iran viọ avbe emwa ne emianmwẹ ikpakpa ne ọmwa ọvbehe na sẹtin hẹ, ra ne egbe ẹre gin amẹ, kevbe emwa hia ne awua gue rhunmwuda ighẹ ọ ya egbe kan orinmwi, hin ore agọ rre.

Nọmbas 6:6

Wẹ ne ọ ghẹ sikẹ ikun orinmwi. A gha rhe wẹ ọghe erha ẹe nọ ra iye ẹe, ọtiọnrẹn ne okpia ra ọtiọnrẹn ne okhuo. We ne ọ ghẹ ya sikẹ orinmwi ne ọ ghẹ ya hẹ awua, rhunmwuda eto ẹre nii ọrọre ama ne a ya rẹn ighẹ te a ya ẹe fi ohan ne Nọyaẹnmwa.