Levitikọs 20:9 - Edo Bible (E Baibol Ẹdo) Version 1996

⁹ E Nọyaẹnmwa keghi mu avbe emwamwa na ye otọ: “Ọmwaikọmwa ne ọ tie ihẹn ne erha ẹe ra iye ẹe, a ghi gbe ẹe rua, obọ ẹre ọre emwi ne ọ gbe ẹe ke rre.

Levitikọs 20:9 ပူးပေါင်းရင်းမြစ်များ

II Samuẹl 1:16

E Devid keghi tama ovbi Amalẹk nii wẹẹ, “Obọ ruẹ ọ re u ya si emwi ne ọ rruan ruẹn, ẹghẹ ne u na ya unu ruẹn miẹnkue ighẹ u gbe ọba ne Nọyaẹnmwa tobọ ẹre zẹ ne ọ gha re ọba rua, ọ re u na bu ohiẹn uwu gbe egbe uẹ.”

I Ọba 2:32

E Nọyaẹnmwa gha rria e Joab ikhi ye a ghẹ ru ne ọ ru nii vbe ne erha mwẹ ma na rẹn. E Joab gbele arhin eva ni maa sẹẹ ọre vbe ne iran ma na ru khọ, iran na ọ re Abna ne ọkaokuo ọghe ivbi iyokuo Izrẹl kevbe Amasa ne ọkaokuo ọghe ivbi iyokuo e Juda.

Ẹksọdọs 21:17

“Omwa ne ọ tie ihẹn ne erha zẹẹ rha iye zẹẹ, te a gha gbe ẹe rua.

Itan 20:20

U gha tie ihẹn ne avbe evbibiọ, te ẹdagbọn ruẹn ra wa fo zẹvbe ukpa ne ọ dọyọ vbe ebiebi.

Itan 30:11

Emwa eso rrọ ni tie ẹbọ ne erha iran, iran i vbe rẹn ẹse ne iye ru ne iran.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Ezikiẹl 18:13

Ọ vbe rhie igho isu ne emwa mọmọ. Rẹn gha diagbọnya ra? Hiehiere, ẹ i diagbọnya. Ọ ru avbe emwi osọnnọ na hia nẹ, rhunmwuda ọnii, te ọ gha wu. Obọ irẹn ọ re a ra vbe lẹ ẹmwẹ uwu irẹn ginna.

Ezikiẹl 22:7

“Emwa ni rre avbe okpẹvbo, ne ọ ghi ya ọghọ ne avbe evbibiẹ iran i ghi rrọọ. Wa gbe avbe orhunmwuyẹn rhu, wa keghi mu avbe ẹgbẹe kevbe emọ ne ẹ i mwẹ erha vbuẹvbuẹ.

Levitikọs 20:16

Deghẹ okhuo te gha hia ne ọ gu aranmwẹ oha ru emwi, a ghi gbe ẹe rua ke ẹe kevbe aranmwẹ oha nii. Obọ iran ọ re uwu ne ọ gbele iran ke rre.

Levitikọs 20:27

“Okpia ra okhuo ne ọ rhirhi ya gualọ otọ emwi vbe obọ orhiọn ọmwa ne ọ wu nẹ, a ghi filo okuta gbe ẹe rua. Ọmwa ne ọ rhirhi ru emwi vbenian, obọ ẹre ọre uwu ne ọ gbe ẹe ke rre.”

Matiu 15:4

Rhunmwuda Osanobua khare wẹẹ, ‘Ya ọghọ ne erha a kevbe iyuẹ’ kevbe wẹẹ, ‘Ọmwaikọmwa ne ọ kpa unu ghe erha e ra iye ẹe, te a gha gbẹe rua.’

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Iyẹn ne ọ Maan Ọghe Mak 7:10

Rhunmwuda Mosis yi ẹre iyi wẹẹ, ‘Ya ọghọ ne erha kevbe iyuẹ,’ kevbe wẹ, ‘Ọmwa ne ọ rhirhi kpa unu ghe erha ẹe ra iye ẹe ne a gha gbe ẹe rua.’

Diuteronomi 27:16

“ ‘Ihẹn Osanobua rre uhunmwu ọmwa ne ọ ma ya ọghọ ne erha ẹe ra iye ẹe.’ “Emwa ni hia ghi kha wẹ, ‘Isẹ!’

Jọsua 2:19

Ọmwa gha kpao vbe owa ruẹ rre, ọ na la ore, rẹn ọ re ọ ra ya uhunmwu hẹ ẹmwẹ uwu ẹre, a i vbe kae ye ima urhu; sokpan deghẹ emwi ru ọmwaikọmwa ni rre owa ruẹ, urhu ima ọ re ọ ye.

Giọgis 9:24

Emwi ne ọ ya ọ na sunu ọrọre ne Abimẹlẹk kevbe ivbi e Siẹkẹm ni rhie igiẹdu ne ẹẹn ne ọ ya gbele ivbi Gidiọn ekigbesiyenẹ uan miẹn ehe na rri oya ye orukhọ iran.