Levitikọs 20:8 - Edo Bible (E Baibol Ẹdo) Version 1996

⁸ Wa gha ya uhi mwẹ ru emwi rhunmwuda mẹ ọ re Nọyaẹnmwa mẹ ọ re ọ vbe ya uwa khian ne ọ huanrẹn.”

Levitikọs 20:8 ပူးပေါင်းရင်းမြစ်များ

Ẹksọdọs 31:13

“Tama ivbe Izrẹl, ‘Wa ghi gha zama Ẹdẹ Ikẹtin mwẹ rhunmwuda, ama nọ vbe ẹkpo imẹ vbe uwa kevbe ivbi uniẹn uwa ne a ya rẹn wẹ mẹ ne Nọyaẹnmwa ya uwa ru emwa obọ mwẹ nẹ.

Ezikiẹl 20:12

I keghi ya Ẹdẹ Ikẹtin ne a ya hẹwẹ ru ama ye ile ne ima gba ta, ne ọ gha ye iran rre wẹ te imẹ ne Nọyaẹnmwa ya iran khian nọhuanrẹn.

Ezikiẹl 37:28

I gha ghi mu Ọgua Osa mwẹ ye uwu ẹbu iran nẹ, ne ọ gha rre evba ẹdẹdẹmwẹdẹ, ẹghẹ nii avbe uhunmwu ẹvbo gha rẹn wẹ mẹ ne Nọyaẹnmwa, hannọ Izrẹl zẹ nẹ ne iran gha re emwa mwẹ.”

Levitikọs 19:19

“Gha ya uhi mwẹ ru emwi. Ghẹ gie emwirri ni i re ọkpa gha mu egbe ne iran miẹn ehe na biẹlẹ azẹguagua. Ghẹ kọ emwi okọ ughughan eva ye otọ okpa. Ghe rhuan ukpọn ne a ya emwi ughughan eva do.

Levitikọs 19:37

Wa gha ya uhi kevbe ilele mwẹ hia ru emwi. Mẹ ọ re Nọyaẹnmwa.”

Levitikọs 20:26

Wa gha re emwa ni huanrẹn ni re ọghomwẹ ọkpa rhunmwuda, mẹ ne Osanobua ne ọ re Nọyaẹnmwa, te ime huanrẹn. Te I hannọ uwa hin uwu ẹvbo nekpa rre ne uwa do wa gha re ọghomwẹ.

Levitikọs 21:8

Ọ kere ne emwa hia rẹn ohẹn ye ọmwa ne ọ huanrẹn rhunmwuda rẹn ọ ya evbare zẹ ọhẹ mẹ. Mẹ ọ re Nọyaẹnmwa ọmwa ne ọ huanrẹn mẹ khin, mẹ ọ re ọ vbe ya emwa mwẹ khian ne ọ huanrẹn.

Levitikọs 22:32

Wa ghẹ rhie efaa gie eni mwẹ ne ọ huanrẹn. Ọ kere ne emwa Izrẹl hia rẹn mwẹ ye ọmwa ne ọ huanrẹn. Mẹ ọ re Nọyaẹnmwa, mẹ ọ re ọ ya uwa khian ni huanrẹn.

Matiu 12:50

Rhunmwuda ọmwa ne ọ rhirhi ru iho Erhamwẹ ne ọ rre ẹrinmwi ọrọre ọtẹn mwẹ nokpia, kevbe ọtẹn mwẹ nokhuo kevbe iye mwẹ.”

Matiu 23:17

Wa ne akpa vbe abobo! De ne ọkpọlọ sẹ, igoru ra Ọgua Osa ne ọ ya igoru khian ne ọ huanrẹn?

Matiu 5:19

Rhunmwuda ọnii, ọmwaikọmwa ne ọ rra ọkpa ne ọ kanmwa sẹ vbe uwu avbe Uhi na, ọ na vbe ma emwa ọvbehe re ne iran ru vberriọ, rẹn ọre ọ gha re ne ọ kanmwa sẹ vbe Arriọba ẹrinmwi. Odẹ nogieva, ọmwaikọmwa ne ọ mu avbe uhi na sẹ, ọ na vbe ma emwa ọvbehe re ne iran ru vberriọ, rẹn ghi gha re ne ọkpọlọ ẹsẹse vbe Arriọba ẹrinmwi.

Matiu 7:24

“Rhunmwuda ọnii, ọmwaikọmwa ne ọ họn ẹmwẹ mwẹ na, ọ na vbe yae gha yin, I gha yae gie umẹwaẹn ọkpa ne ọ bọ owa yan okuta.

Iyẹn ne ọ Maan Ọghe Jọn 13:17

Wa rẹn ẹmwata ne ọ rrọọ nẹ nian. U miẹn vbe agbọn uwa gha rhiẹnrhiẹn hẹ deghẹ wa rhie obọ lele ẹe ya gha yin.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

I Tẹsalonaika 5:23

Te Osanobua ne ọ rhie ọfumwegbe ne ima gha wa ye uwa khian ọghọe fo, ne ọ rhie emwi ne uwa khin hia, egbe, ekhọe kevbe orhiọn uwa mwẹ vbe ne a i na mwẹ abe vbe oghẹ urremwẹ Nọyaẹnmwa Jesu Kristi.

II Tẹsalonaika 2:13

Ẹ i mwẹ ma ma gha kpọnmwẹ Osanobua ne uwa vbe ẹghẹ hia, etẹn mwẹ, wa ne Nọyaẹnmwa ho ẹmwẹ ọnrẹn. Rhunmwuda, te Osanobua hannọ uwa zẹ, zẹ vbe emwa ne okaro ne a gha ya ẹtin nene Orhiọn miẹnfan, ne a miẹn ehe na ya uwa khian emwa ni re ọghe Osanobua tobọ ẹre, kevbe rhunmwuda iyayi ne uwa mwẹ ye ẹmwata.

Jems 1:22

Wa ghẹ do egbe uwa ọzuọ vbe ekpa ne uwa gha na gha ya ehọ viọ ẹmwẹ ọnrẹn kẹkan. Sokpan wa ya ẹe gha ru emwi.

Arhie Maan 22:14

Ọ maa ne iran ni họ ẹmwẹ iran huan sẹrriọ ne iran ghi na mwẹ ẹtin, ne iran gha ya re vbe ọmọ ne erhan ẹfe ni mọẹn, kevbe ne iran vbe la onurho la ẹvbo nii.