Levitikọs 20:5 - Edo Bible (E Baibol Ẹdo) Version 1996

⁵ mẹ gha tobọmwẹ mu aro da ọmwa nii ke ẹe kevbe ẹgbẹe ọre hia kevbe iran ni yegbe ba ẹre vbe uyinmwẹ a i gie a mu ẹtin yan ne ọ yin ghe mwẹ ne ọ na ya gha gho Milkọm. Mẹ i ghi ra vbe ka iran ba emwa mwẹ.

Levitikọs 20:5 ပူးပေါင်းရင်းမြစ်များ

II Krọnikol 21:11

Uhin ighẹ te ọ bọlọ aro ẹbọ lele oke ni rre Juda, ọ na ya ivbi e Juda kevbe Jerusalẹm sẹmwẹ e Nọyaẹnmwa.

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Jerimaia 3:2

Wa tọn aro mu ya ghe avbe uhunmwu oke. Ihọkpa rrọọ ra ne uwa ma na he ka do ẹki ebabotu yi? Wa ghi gha mudia khẹ emwa ne uwa zẹ ọre ọse vbe ọkpẹn odẹ zẹ vbene Igabari diakhẹ emwa ni gha defi iran obọ vbe ato. Wa keghi ya ẹki ebabotu ne uwa do mu awua ye avbe otọe nii.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Jerimaia 44:11

“Rhunmwuda ọnii nian, mẹ ne Nọyaẹnmwa ne Oghodua, ne Osanobua Izrẹl gha mu aro aa uwa, I ghi fuẹn e Juda hia a.

Hozia 2:13

I gha rria ẹre ikhi ye ẹghẹ ne ọ ya mianmian mwẹ, ọ na ya gha giẹn eturari ne Baal, ọ na silo ikpẹrọnmwọ ye egbe rhikhan lele avbe esiọre. E Nọyaẹnmwa taa ẹe nẹ.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Levitikọs 20:4

Sokpan a deghẹ emwa nii ma ka emwi ne ọmwa nii ru yọ, i ghẹ iran ma gbe ẹe rua,

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.