Levitikọs 20:3 - Edo Bible (E Baibol Ẹdo) Version 1996

³ Rhunmwuda ọ rhie vbe avbe ivbi ẹre ne Milkọm, ọ keghi mu awua ye Owa Ukpọn mwẹ ne ọ huanrẹn, ọ kevbe fa emwi mwẹ ne ọ huanrẹn uan. I gha mu aro da ẹre, I i ghi ra vbe ka ẹe ba avbe emwa mwẹ.

Levitikọs 20:3 ပူးပေါင်းရင်းမြစ်များ

Ẹksọdọs 30:33

Ọmwaikọmwa ne ọ ru ọvbehe ya ta ẹre, ra ne ọ lo vbọ ye egbe ọmwa nẹ i re ohẹn, a ghi kan ẹn fua hin uwu ẹbu emwa rẹn rre!’ ”

Ezikiẹl 20:39

E Nọyaẹnmwa ne Udazi khare wẹẹ, “Banbanna nian, wa ne ivbi Izrẹl, wa gie ẹe gua uwa egbe ro! Wa gha khian ne uwa ya ga ẹbọ uwa. Sokpan, I tama uwa yotọ nian wẹ vbe iyeke ọnọna, te uwa gha họn ẹmwẹ mẹ, wa ghi dobọ eni mwẹ nọhuanrẹn ne uwa yagha yi, ne uwa na ya gha ye imuohan gie avbe ẹbọ.

Ezikiẹl 5:11

Rhunmwuda ọnii, zẹ vbe Osanobua ne ọ rrọọ ne imẹ khin, vbenian ọ re e Nọyaẹnmwa ne Udazi khare, rhunmwuda ne uwa na ye avbe emwi dan ni hu ẹko ne uwa ru mu awua ye Ọgua Osa mwẹ, I gha giagia uwa gbotọ vbe ne a i na mwẹ itohan.

Levitikọs 15:31

E Nọyaẹnmwa keghi tama e Mosis wẹ ne ọ yan ma ivbi Izrẹl vbe ekpa ọghe emwi awua iran, ne iran ghẹ ya mu awua la Owa Ukpọn Ile, ne ọ rre adesẹneva agọ. Iran gha ru ẹe, a gha gbele iran an.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 18:21

Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa.

Levitikọs 19:12

Ghẹ ya eni mwẹ ru eyan a deghẹ ẹ i re te u ho ne u mu ẹẹn sẹ, te ọnii fa eni mwẹ uan. Mẹ ọre Nọyaẹnmwa Osanobua rua.

Levitikọs 20:4

Sokpan a deghẹ emwa nii ma ka emwi ne ọmwa nii ru yọ, i ghẹ iran ma gbe ẹe rua,

Levitikọs 21:6

Ọ kere ne ọ gha re ne ọ huanrẹn ne ọ ghẹ fa eni mwẹ uan. Ọ ya evbare zẹ ọhẹ mẹ rhunmwuda ọnii, ọ kere ne ọ huan.

Levitikọs 7:20

Sokpan ọmwa ne awua gue gha rri ọe, a ghẹ ka ẹe ba emwa Osanobua.

Levitikọs 7:21

A deghẹ ọmwaikọmwa ye vbe re vbe emiowo izọese na, vbe ọ ya obọ kan emwi awua nẹ, ọre ke egbe ọmwa nagbọn ra aranmwẹ rre nọ, a ghẹ ghi ka ẹe ba emwa Osanobua.”

Nọmbas 19:13

Ọmwaikọmwa ne ọ yobọ kan orinmwi, ọ na ma khuẹ egbe ẹre huan, khian ne ọma huan rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba emwa Osanobua.

Nọmbas 19:20

Ọmwaikọmwa ne awua gue, ne ọ ma khuẹ egbe ẹre huan, awua wa ye guẹe, rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba ivbi Osanobua.

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

I Pita 3:12

Rhunmwuda, te Nọyaẹnmwa wa rhie aro ye egbe ọmwata, ọ ghi gha họn erhunmwu ẹnrẹn vbe ẹghẹ hia. Sokpan, ọ ghi mu aro da iran ni ru emwi dan.”