Levitikọs 20:22 - Edo Bible (E Baibol Ẹdo) Version 1996

²² E Nọyaẹnmwa keghi kha wẹẹ, “Rhie uhi mwẹ mwẹ, ke iyi mwẹ, ne otọe Kenan ne I viọ uwa rrie ghẹ zẹ uwa owẹ.

Levitikọs 20:22 ပူးပေါင်းရင်းမြစ်များ

Psalm 105:45

Ne avbe emwa rẹn, miẹn ehe na gha ya uhi ẹre ru emwi ne iran vbe rhie iyi ẹre hia mwẹ. Wa rho e Nọyaẹnmwa!

Psalm 119:106

I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 119:145

Ekhọe mwẹ hia ọ re I ya kpe tie ruẹ, Nọyaẹnmwa, zẹ ẹmwẹ wanniẹn mwẹ, mẹ gha rhie iyi ruẹ mwẹ.

Psalm 119:160

Udu uhi ruẹ ọrọre ẹmwata, ibuohiẹn ẹmwata ruẹ hia, etẹbitẹ nọ.

Psalm 119:164

Igba ihinrọn ọ re I kpọnmwẹ ọn vbe ẹdẹ, rhunmwuda ibuohiẹn ẹmwata ruẹ.

Psalm 119:171

Mẹ gha rho ruẹ vbe ẹghẹ hia, rhunmwuda, u ma mwẹ uhi ruẹ.

Psalm 119:175

Rhie arrọọ mẹ ne I sẹtin gha rho ruẹ, ne igiodẹ ruẹ vbe gha yọmwẹ obọ.

Psalm 119:20

Te udu mwẹ ghi fi ye ne I na rhie aro ye odẹ, I ho ne I rẹn ibuohiẹn ruẹn vbe ẹghẹ hia.

Psalm 119:80

Gun mwẹ sẹtin gha ya iyi ruẹ ru emwi fo ne a ghẹ gie obọ gba mwẹ.

Ẹksọdọs 21:1

“Uhi na u ra gbe ma ivbi Izrẹl:

Ezikiẹl 36:27

I gha rhie orhiọn mwẹ ye uwu uwa, I ghi vbe miẹn wẹ wa ya uhi kevbe iyi mwẹ ru emwi.

Levitikọs 19:37

Wa gha ya uhi kevbe ilele mwẹ hia ru emwi. Mẹ ọ re Nọyaẹnmwa.”

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.

Diuteronomi 4:45

Ọ keghi viọ avbe uhi na ma ima vbe iran lahin Igipt rre nẹ vbe iran rre odẹ ahọ Ẹzẹ Jọdan vbe iya ne ọ mu aro da ẹvbo Betpeọ, otọe Saihọn ne ọba ivbi Amọri ọ re ọna ye, Hesbọn ọ re ọ ke gha khaemwisẹ rre. E Mosis kevbe ivbi Izrẹl keghi khọn miẹn ẹre otọ vbe iran ke Igipt ladian nẹ.

Diuteronomi 5:1

E Mosis keghi tie ivbi Izrẹl hia si koko, ọ tama iran wẹẹ, “Wa ne ivbi Izrẹl, wa danmwẹ ehọ uhi hia ne I ra viọ ne uwa ẹrẹna. Wa ruẹ iran ne uwa vbe miẹn wẹ wa ya iran gha ru emwi.