Levitikọs 20:18 - Edo Bible (E Baibol Ẹdo) Version 1996

¹⁸ A deghẹ okpia gu okhuo ru emwi vbe ẹghẹ ne ọ na mu obọ mwẹ, a ghi khulo iran eva hin uwu ẹbu emwa rre rhunmwuda, iran rra uhi ne a gbẹn ye emwi ne awua ye.

Levitikọs 20:18 ပူးပေါင်းရင်းမြစ်များ

Ẹksọdọs 30:33

Ọmwaikọmwa ne ọ ru ọvbehe ya ta ẹre, ra ne ọ lo vbọ ye egbe ọmwa nẹ i re ohẹn, a ghi kan ẹn fua hin uwu ẹbu emwa rẹn rre!’ ”

Ezikiẹl 18:6

Ẹ i gho ẹbọ ivbi Izrẹl, ra ne ọ vbe gha rri evbare ne a ya zọ ese vbe aro ẹbọ ne a wua. Ẹ i miẹn amwẹ ẹrrẹe, ra ne ọ gu okhuo ne ọ mu obọ mwẹ gha ru emwi.

Ezikiẹl 22:10

Eso vbe gu avbe amwẹ erha iran ru emwi. Eso vbe ya ẹtin mu ikhuo ni mu obọ mwẹ gu iran ru emwi.

Levitikọs 12:2

ne ivbi Izrẹl. Okhuo gha biẹ okpia, ọ ghi gha re ne ọ mwẹ awua la ikpẹdẹ ihinrọn, zẹ vbene ọ ye vbe ẹghẹ ne ọ na mu ohọ mwẹ.

Levitikọs 15:24

Deghẹ ọmwa guẹe ru emwi vbe ẹghẹ ne ọ na mu obọ mwẹ nii, ọmwa nii khian ne awua gue la obọ awua ne okhuo nii mwẹ rre; ọ ghi gha re ne awua gue la ikpẹdẹ ihinrọn, ukpọn ne irẹn vbe lovbiẹ yi khian ne awua ye.

Levitikọs 18:19

Ghẹ gu okhuo ne ọ mu obọ mwẹ ru emwi, rhunmwuda, awua guẹe.