Levitikọs 2:7 - Edo Bible (E Baibol Ẹdo) Version 1996

⁷ A deghẹ ebrẹd ne a le vbe akhe ọre emwi ihaoko nii khin, a ghi ya irhuarhua ke ofigbọn ọliv ru ẹe.

Levitikọs 2:7 ပူးပေါင်းရင်းမြစ်များ

I Krọnikol 23:29

Ne iran gha gbearoghe ebrẹd ne a ya fi ohan ne Osanobua, avbe irhuarhua ne a ya ru izọese, avbe ebrẹd ne fẹrhẹfẹrhẹ ne a ma rhie eyist yi a ke le ẹe, avbe emwi izọese ne a ranmwẹ ne ọ kae kevbe irhuarhua ne a ye ẹvbi oliv gbe, ne iran gha mwa kevbe ne iran vbe gha ka emwi izẹọhẹ ọghe Ọgua Osa.

Levitikọs 2:6

U gha ra ya zọ ese, u ghi guọghọe ne u vbe sa ofigbọn nii yan rẹn.

Levitikọs 2:8

U ghi mu ẹẹn bu e Nọyaẹnmwa gha dee zẹ vbe emwi ihaoko, u ghi mu ẹẹn ne ohẹn ne ọ mu ẹẹn gha rrie aka.

Levitikọs 7:9

Izẹọhẹ ọka hia ne a fian ẹn vbe aroewu ra vbe ọkpan ra vbe uwawa, ohẹn ne ọ ya ẹe zọhẹ ne Nọyaẹnmwa ọre ọ yan rẹn.